Fréttablaðið - 27.02.2020, Blaðsíða 41

Skemmtikraftarnir Ragnar Bjarnason, Ellý og Þuríður Sigurðardóttir.Sígildur Raggi Bjarna með Milljónamæringunum,
Bogomil Font, Ladda og Bjarna Arasyni.
Raggi í góðum fílíng að rifja upp gamla takta
með aldavinum úr hinni dáðu Sumargleði.
Ragnar fæddist í Reykjavík árið 1934, sonur hjónanna Bjarna Einars Böðvarssonar hljóm-sveitarstjóra og dægurlagasöngkonunnar Láru Ingibjargar Magnúsdóttur, sem einnig söng með Dómkórnum í marga áratugi.Eftirlifandi eiginkona Ragnars er Helle
Birthe Bjarnason. Börn þeirra eru Bjarni Ómar Ragnars-
son, Kristjana Ragnarsdóttir og Henry Lárus Ragnarsson.
Raggi Bjarna hóf ferilinn í tónlist sem trommuleikari.
Þegar hann var 16 ára söng hann fyrst inn á plötu, ásamt
Sigurði Ólafssyni, og var í raun og sann söngvari tveggja
alda, en hann var með hljóðnemann á lofti og hangandi
hendi nánast fram á síðasta dag. Síðast lét hann að sér
kveða á sviði í Hörpu 1. september í fyrra, þegar vinir hans
og samstarfsfólk héldu hátíðartónleika til heiðurs honum
85 ára.
Goðsögnin
Raggi Bjarna
kveður
Ragnar Bjarnason, þekktastur
í gegnum áratugina sem Raggi
Bjarna, lést á líknardeild Landspít-
alans á þriðjudagskvöld, 85 ára að
aldri. Með honum er genginn af
sviðinu einn ástsælasti söngvari
og skemmtikraftur þjóðarinnar,
svo ekki sé fastar að orði kveðið.
Við erum að kveðja svo ótrúlega skemmti-
legan og hjartahlýjan kall. Fyrirmynd. Stór-
kostlegan skemmtikraft sem deildi með mér
sviði í fínasta galagleðskap, uppi á borðum á
skemmtistöðum og allt þar á milli. Listamaður
var hann, lag hans við ljóð Steins Steinars,
„Barn“, gefur manni gæsahúð bara við að
minnast á það. Ég er svo þakklátur fyrir að
hafa spilað svona mikið með honum seinustu
árin. Það er ekki langt síðan við djöfluðumst
seinast á sviði. Hann gladdi okkur fram á
síðustu augnablik ævi sinnar. Ég vil ekki syrgja,
heldur gleðjast yfir því hvað hann átti langt,
fjörugt og gott líf sem einstakur gleðigjafi og
frábær manneskja. Frá mínum bæjardyrum
séð er hann ekkert farinn, býst alveg eins við
að fá símtal frá honum á eftir: „Sæll elsku
venur minn, hvenær eigum við að fýra upp í
næstu vitleysu?”
Erpur Eyvindarson
tónlistarmaður
Ég kynntist Ragga mjög óvænt, þar sem við
vorum bókuð í sömu veislu og beðin um að
taka lag saman, en ferill minn var nýhafinn.
Við höfðum aldrei hist, ég fór út í bíl til hans og
við renndum í lagið. Upphófst ótrúleg vinátta
sem entist því miður of stutt, en við náðum þó
nokkrum árum saman, ótal giggum, gerðum
lag saman og fórum á mörg trúnó.
Hér er þetta fyrsta gigg sem við áttum
saman. Rétt áður sátum við saman út í bíl að
æfa okkur og Raggi var alveg með það á hreinu
að ég væri rétt að verða tvítug og hélt það svo
alla tíð.
Salka Sól Eyfeld
söng- og leikkona
Það eru fáir einstaklingar sem hafa haft
jafnmikil áhrif á mig og Raggi Bjarna. Ég var
bara barn þegar ég varð aðdáandi og það
fannst vinum mínum skrýtið, enda voru
Sálin hans Jóns míns, Nirvana, U2 og fleiri
aðalhljómsveitirnar. En ég stóð fastur á
mínu, enda var Raggi ekki bara frábær
söngvari, hann var yndisleg manneskja.
Ég ákvað að senda honum bréf og láta
hann vita af því að það væri rauðhærður
strákur í Bolungarvík sem væri aðdáandi
og spurði hvort hann gæti sent mér plötu,
þar sem lög Ragga voru ekki fáanleg í búðum
á þessum tíma. Raggi svaraði mér og bréfið frá
honum er rammað inn heima hjá mér. Hann
sendi mér einnig mynd af Sumargleðinni og
áritaða plötu.
Ég hef farið á alla tónleika sem hann hefur
haldið, hvort sem það eru stórtónleikar eða
lágstemmdir tónleikar í kirkjunni á Eyrar-
bakka. Þar sem ég er tvígiftur, þá að sjálfsögðu
kom Raggi og söng í báðum brúðkaupunum.
Sagði við mig eftir seinna brúðkaupið að hann
ætlaði sko ekki að koma í þriðja sinn.
Raggi gaf mér svo mikið. Hann gaf þjóðinni
svo mikið. Einstakur maður.
Blessuð sé minning Ragnars Bjarnasonar.
Valdimar Víðisson
skólastjóri
Ragnar
Bjarnason
1934 – 2020
2 7 . F E B R Ú A R 2 0 2 0 F I M M T U D A G U R32 L Í F I Ð ∙ F R É T T A B L A Ð I Ð