Skessuhorn - 23.01.2019, Síða 17

MIÐVIKUDAGUR 23. JANÚAR 2019 17
Um kvöldmatarleytið á sunnudag
hvessti hressilega um suðvestanvert
landið. Veðurstofan hafði með góð-
um fyrirvara gefið út gula viðvör-
un þar sem varað var eindregið við
ferðalögum á þekktum óveðursstöð-
um við fjöll, á fjögurra klukkutíma
tímabili frá klukkan 18 síðdegis.
Lægð sem orsakaði hvassviðrið gekk
hratt yfir. Engu að síður var talsverð
umferð á þjóðvegunum. Á áttunda
tímanum um kvöldið var ákveðið að
loka fyrir umferð á ýmsum leiðum,
meðal annars Kjalarnesi og veginum
við Hafnarfjall. Um klukkan 19 fóru
tvær rútur með erlenda ferðamenn
út af á Kjalarnesi. Önnur valt á hlið-
ina með tæplega þrjátíu farþega inn-
anborðs skammt frá Grundahverfi,
en hin rútan var með ellefu manns
og lenti hún utan vegar skammt
sunnan við Hvalfjarðargöngin.
Enginn slasaðist alvarlega í þessum
óhöppum, einungis smáskrámur,
eitt rifbeinsbrot og mar, og var fólk-
inu úr rútunum komið í Varmár-
skóla en fjórir voru fluttir á slysa-
deild til aðhlynningar. Aðstæður til
björgunar- og hjálparstarfs voru erf-
iðar á Kjalarnesi. Blindbylur, hálka
og takmarkað skyggni. Björgunar-
aðgerðir gengu engu að síður vel.
Lögreglan á Vesturlandi brýn-
ir fyrir ökumönnum að fylgjast vel
með upplýsingum og spám um færð
og veður, en ekki síst að haga akstri
eftir aðstæðum hverju sinni nú þeg-
ar vetrarfærð er og umhleypingar í
veðri. mm
Bálhvasst um tíma og tvær rútur út af
Veginum um Kjalarnes var lokað laust eftir klukkan 19 eftir að tvær rútur höfðu lent utan vegar. Þar var heldur ekkert ferðaveður.
Ljósm. ruv.is
Til fasteignaeigenda í
Borgarbyggð

Lokið er álagningu fasteignagjalda í Borgarbyggð árið
2019. Álagningarseðlar verða sendir til fasteignaeigenda
sem eru 71 árs og eldri og til fyrirtækja. Vakin er athygli
á að allir álagningarseðlar eru aðgengilegir á „mínar
síður/pósthólf“ á netsíðunni www.island.is. Einnig geta
þeir sem þess óska haft samband við skrifstofu Borgar-
byggðar og fengið senda álagningarseðla í pappírsformi.
Gjalddagar eru tíu, sá fyrsti 21. janúar og síðan 15. hvers
mánaðar fram í október.
Eindagi er fimmtánda dag næsta mánaðar eftir gjald-
daga.
Greiðsluseðlar verða eingöngu sendir til þeirra sem eru
71 árs eða eldri og þeirra sem þegar hafa óskað eftir að
fá þá senda til sín.
Einnig geta þeir sem eru orðnir 71 árs eða eldri afþakkað
greiðsluseðla.
Vinsamlega hafið samband við skrifstofu Borgarbyggðar
ef óskað er breytinga á þessu fyrirkomulagi. Sími á skrif-
stofu Borgarbyggðar er 433-7100 og netfangið borgar-
byggd@borgarbyggd.is.
Ef gjaldendur telja álagninguna ekki rétta er hægt að fara
fram á endurálagningu með rökstuddum hætti. Skrifleg
beiðni þar um skal berast skrifstofu Borgarbyggðar eigi
síðar en mánuði eftir álagningu gjaldanna.

Borgarnesi 21. janúar 2019
Skrifstofa Borgarbyggðar
Vesturlandsdeildin í hestaíþrótt-
um hefst föstudagskvöldið 8. febrú-
ar næstkomandi með keppni í slak-
taumatölti í Faxaborg í Borgarnesi.
Dagskráin hefst klukkan 19:30 með
setningu Vesturlandsdeildarinnar.
Fyrsti hestur mætir síðan í braut
hálftíma síðar.
Vesturlandsdeildin er bæði ein-
staklings- og liðakeppni og að þessu
sinni er keppt í sjö liðum. Keppt
verður í sex greinum á fimm kvöld-
um í Faxaborg. 22. febrúar verð-
ur keppt í fjórgangi, 6. mars í gæð-
ingafimi, 22. mars í fimmgangi og
5. apríl í tölti og skeiði. Þrír knapar
í hverju liði keppa í hverri grein þar
sem þeir safna stigum. Eitt lið vinn-
ur í hverri grein og svo verður eitt
lið sem mun standa uppi sem sigur-
vegari deildarinnar á lokakvöldinu.
Þá fá tíu efstu knapar í hverri grein
stig í einstaklingskeppni og verða
þrír stigahæstu knapar verðlaunað-
ir á lokakvöldinu.
arg
Vesturlandsdeildin í hesta-
íþróttum hefst í febrúar
Vinnupeysa
3.990
kr,-
Eiríkur
Skagabraut 6, Akranesi
sími: 431-5110/666-5110
smaprent@smaprent.isSmáprent
Fréttaveita Vesturlands
www.skessuhorn.is
Georg Kr. Lárusson, forstjóri Land-
helgisgæslunnar, og Jón Tryggvi
Helgason, framkvæmdastjóri ÍSM-
AR, undirrituðu nýverið samning um
kaup Landhelgisgæslu Íslands á nýj-
um mælingabúnaði fyrir sjómælinga-
skipið Baldur. Annars vegar er um að
ræða fjölgeislamæli sem ætlaður er til
dýptarmælinga fyrir sjókortagerð og
hins vegar um jarðlagamæli ætlaðan
til greiningar á jarðlögum hafsbotns-
ins. Stefnt er að því að nýju mælarnir
verði tilbúnir til notkunar um borð í
Baldri í lok febrúarmánaðar, að því er
fram kemur í tilkynningu á vef Land-
helgisgæslunnar.
Nýi fjölgeislamælirinn leysir af
hólmi eldri mæli sem settur var und-
ir Baldur árið 2005. Hann er af nýrri
kynslóð tækja sem er bæði nákvæmari
og betri en eldri gerðir. Hann mælir
niður á mun meira dýpi og heldur
fullri þekjuvídd niður á meira dýpi.
Afköst verða því meiri í dýpra vatni.
„Þá hefur nýi mælirinn mjög ná-
kvæma upplausn og eru möguleikar
til að finna og greina hluti á hafs-
botni því margfalt betri. Það gegnir
veigamiklu hlutverki við hefðbundn-
ar dýptarmælingar en ekki síður við
leit á hafsbotni,“ segir á vef gæslunn-
ar.
Jarðlagamælirinn er hins vegar
búnaður um borð í Baldri og er hann
keyptur vegna aðkomu gæslunnar að
átaksverkefni atvinnuvega- og ný-
sköpunarráðuneytisins um kortlagn-
ingu hafsbotnsins næstu 10 til 15 ár,
í samstarfi við Hafrannsóknastofnun.
„Með jarðlagamæli er m.a. hægt að
mæla þykkt setlaga á hafsbotni og
eru það upplýsingar sem nýtast m.a.
jarðvísindamönnum.“
kgk/ Ljósm. lhg.is.
Landhelgisgæslan kaupir ný mælitæki
Georg Kr. Lárusson, forstjóri Landhelgisgæslu Íslands og Jón Tryggvi Helgason,
framkvæmdastjóri ÍSMAR, handsala samninginn.
Baldur, sjómælingaskip Landhelgisgæslu Íslands.