Skessuhorn - 18.09.2019, Side 5
MIÐVIKUDAGUR 18. SEpTEMBER 2019 5
Knattspyrnudeild Skallagríms í
Borgarnesi stendur fyrir hoppi
og híi, glensi og gamni og ýmsum
ólátum á Hausthátíð laugardag-
inn 5. október og fram eftir nóttu.
Hátíðin tekur nú við af Sauða-
messu sem haldin var um árabil
í Borgarnesi á þessum tíma, en í
síðasta skipti í fyrrahaust. Sauða-
messu hafa margir burtfluttir
Borgnesingar nýtt til að koma
saman og ákvað því knattspyrnu-
deildin að grípa boltann á lofti og
boða til hátíðar. „Klukkan 14, að
staðartíma, hefst leikjadagskrá í
og við Menntaskóla Borgarfjarð-
ar í Borgarnesi. Þar geta gestir
og gangandi keppt í stígvélakasti
án atrennu, trönubolta, nýmjólk-
urhlaupi, skeifnakasti og ýmsum
öðrum ólympískum íþróttagrein-
um. Þá verða í boði allskonar leik-
ir fyrir unga sem aldna og alla þar
á milli. Síðan verður boðið upp á
bráðlifandi tónlist inn á milli og
saman við. Sumsé taumlaus gleði
fyrir heilbrigðar sálir í hraustum
líkömum. Já, það verður gott veð-
ur,“ segir í tilkynningu frá deild-
inni.
Síðdegis á milli klukkan 17 og
18 verður dansleikur fyrir yngstu
kynslóðirnar í Hjálmakletti með
hlómsveitinni Bland. Kl. 20.00
hefst Kótilettukvöld Skallagríms.
Þess má geta að knattspyrnudeild
Skallagríms hélt kótilettukvöld í
fyrsta sinn í fyrra og tókst það svo
vel að þekktir matmenn eru enn að
sleikja útum. Rúsínan í pylsuvagn-
inum er síðan stórdansleikur með
hljómsveitinni Bland úr Borgar-
firði. Danleikurinn hefst kl. 23.00
og lýkur kl. 03.00. Þar verður 18
ára aldurstakmark.
„Eitthvað fyrir alla og sumt fyr-
ir alla og allt fyrir suma á einum
degi. Kveðjum sumarið og haust-
ið og fögnum komandi vetri með
glensi og gleði.“ mm
Rúsínan í pylsuvagninum verður stórdansleikur með hljómsveitinni Blandi.
Hausthátíð
Skallagríms verður
5. október
SKÓGARHLÍÐ 12 105 REYKJAVÍK SÍMI 520 4700
Verkefnastjóri
Samtök sveitarfélaga á Vesturlandi (SSV) óska eftir að ráða verkefnastjóra.
Viðkomandi starfar að verkefnum á öllu Vesturlandi.
Starfssvið:
• Ráðgjöf við fyrirtæki, einstaklinga og
sveitarfélög varðandi menningarmál
• Umsjón með styrkveitingum Uppbyggingarsjóðs
Vesturlands til menningarverkefna
• Vinna við áhersluverkefni sóknaráætlunar
Vesturlands og önnur byggðaþróunarverkefni
• Eftirfylgni með velferðarstefnu Vesturlands
Menntunar- og hæfniskröfur:
• Háskólamenntun og reynsla sem nýtist í starfi
• Þekking á menningarlífi og sveitarfélögum
á Vesturlandi er mikils virði
• Jákvæðni, sveigjanleiki og lipurð í samskiptum
• Frumkvæði, fagmennska og geta til að vinna
sjálfstætt
• Hæfni til að tjá sig í ræðu og riti
• Góð tölvukunnátta
Upplýsingar veita:
Geirlaug Jóhannsdóttir
geirlaug@hagvangur.is
Gyða Kristjánsdóttir
gyda@hagvangur.is
Umsóknarfrestur er til og með 23. september 2019.
Umsóknir óskast fylltar út á www.hagvangur.is
Umsóknum þarf að fylgja ítarleg starfsferilskrá
og kynningarbréf.
Einn, tveir og elda er fyrirtæki
sem sérhæfir sig í að útbúa marar-
pakka sem eru til sölu á www.einnt-
veir.is og ætlar fyrirtækið að færa
út kvíarnar í þessum mánuði og
gefa Vestlendingum tækifæri á að
njóta þjónustunnar sem hefur til
þessa eingöngu verið í boði á höf-
uðborgarsvæðinu og á Reykjanesi.
Einn tveir og elda útbýr matar-
pakka fyrir ýmist tvo, þrjá, eða fjóra
og fær viðskiptavinurinn þrjá rétti
í sinn matarpakka með öllu hrá-
efni sem til þarf ásamt uppskrift-
um með ítarlegum leiðbeiningum.
„Við hófum starfsemi í byrjun árs
2018 og gengur bara mjög vel. Frá
byrjun höfum við boðið uppá lág-
kolvetna, klassíska og vegan-pakka
en núna fyrir haustið 2019 gáfum
við heimasíðunni okkar smá útlits-
lega yfirhalningu ásamt því að við
bættum úrvalið fyrir viðskiptavin-
ina. Við höfum frá byrjun aðgreint
okkur frá samkeppnisaðilum með
því að gefa viðskiptavininum meira
svigrúm til að velja,“ segir Jenný
Sif Ólafsdóttir, verkefnastjóri Einn,
tveir og elda í samtali við Skessu-
horn. „Hingað til hafa viðskiptavinir
getað valið þrjár af sex mögulegum
uppskriftum og réttum í Klassíska
pakkanum, en núna í byrjun sept-
ember ákváðum við að auka úrvalið
enn frekar og bjóða upp á tólf val-
möguleika. Þannig gefum við við-
skiptavinum okkar meira vald til að
setja saman sinn matarpakka eft-
ir eigin smekk eða eftir smekk fjöl-
skyldunnar og valið úr fleiri klass-
ískum, lágkolvetna og vegan rétt-
um hverju sinni,“ bætir hún við.
Opið fyrir pantanir af
landsbyggðinni
Til viðbótar við þessa breytingu
hefur fyrirtækið opnað fyrir pant-
anir af landsbyggðinni, þar á meðal
Vesturlandi, og geta viðskiptavinir
nú pantað hvaðan sem er af landinu
þar sem Samskip er með afhend-
ingarstöð. „Við höfum fengið ótal
fyrirspurnir frá því að við opnuðum
hvort við ætlum ekki að dreifa út á
land líka. Við höfum verið að velta
þessu fyrir okkur og sáum ekkert
annað í stöðunni en að byrja á því
af fullum krafti,“ útskýrir verkefna-
stjórinn. Fyrirtækið hefur frá byrj-
un boðið upp á heimkeyrslu á höf-
uðborgarsvæðinu og á Suðurnesj-
unum, en Einn, tveir og elda ætl-
ar núna að bjóða upp á heimsend-
ingu á Akranesi. „Við sjáum mikla
möguleika í dreifingu á Akranesi og
höfum ekki trú á öðru en að Skaga-
menn taki vel í þetta hjá okkur. Við
erum því spennt að kynna Skaga-
mönnum fyrir starfsemi okkar,“
segir Jenný Sif vongóð að lokum.
glh
Hægt er að velja um þrenns konar matarkassa. Þeir eru; lágkolvetna, klassíski og vegan.
Einn, tveir og elda
færir út kvíarnar
Nú býðst Vestlendingum að fá tilbúna matarkassa