Skessuhorn - 18.09.2019, Blaðsíða 14

MIÐVIKUDAGUR 18. SEpTEMBER 201914
Bændur og búalið um allt vestanvert landið hafa á liðnum dög-
um og vikum gengið til fjalla, leitað kinda og rekið til rétta.
Þeir hafa hins vegar verið venju fremur óheppnir með veður.
Síðustu vikuna gekk á með hvassviðri samhliða mikilli úrkomu
og fremur lágu hitastigi. Þannig var víða kalt og afar erfiðar
aðstæður til fjalla. Gránaði í fjöll og jafnvel varð sporrækt á
tímabili svo sem á Arnarvatnsheiði, Tvídægru og Holtavörðu-
heiði. Smalar sem tíðindamenn Skessuhorns ræddu við töldu
aðstæður hafa verið með versta móti í göngum þetta árið. En
allir komu þó af fjöllum og fóru réttir fram á tilskyldum tíma.
Þrátt fyrir vosbúð í göngum var fín stemning í réttum þar sem
tíðindamenn Skessuhorns hafa komið við mm
Slæmt smalaveður en góð stemning í réttum
Fé var sótt í Breiðafjarðareyjar eftir sumarbeit um helgina, líkt og gert hefur verið
í um þúsund ár. Hér er komið til hafnar í Stykkishólmi. Ljósm. sá.
Féð rekið í aðhald í einni eyjunni á Breiðafirði. Ljósm. sá.
Siglt frá landi og áleiðis í Hólminn. Ljósm. sá.
Þessar þyrsti í að komast í heimahagana. Ljósm. mm.
Eyjólfur Kristinn, Baldur og Magnús reka seinni reksturinn í almenninginn í Odds-
staðarétt síðastliðinn miðvikudag. Ljósm. mm.
Guðmundur Sigurðsson og Sigurður Halldórsson á tali saman í Oddsstaðarétt. Ljósm. mm.
Sveinn á Vatnshömrum, Dúddi í Holti og Snorri á Fossum skála í morgunsárið áður
en réttarhald hófst í Oddsstaðarétt. Ljósm. mm.
Augnablik horfðust þau í augu; asíska ferðakonan og Þórhallur frá Grímars-
stöðum, bæði að mynda í Oddsstaðarétt. Ljósm. mm.