Læknablaðið - sep. 2019, Blaðsíða 45
LÆKNAblaðið 2019/105 405
fundarherbergi á fjórðu hæð Skaftahlíðar
mánudaginn 26. ágúst.
„Seinni bylgja breytinga er skipulag
sem á að fylgja nýju skipuriti. Þar er ætl-
unin að setja inn forstöðuaðila í kringum
kjarna, sem langflestir eru klínískir. Það
verkefni tekur veturinn.“
Horfir til hugmynda McKinsey
Við gerð nýja skipuritsins horfir Páll með-
al annars til McKinsey og vinnu þess árið
2013. Þetta alþjóðlega ráðgjafafyrirtæki
hafi verið komið með tillögu að skipuriti
sem hann hafi litið til þegar hann tók við
sem forstjóri árið 2013.
„Þær snérust um að búa til þjónustu-
línur og fylgja ferli sjúklingsins í gegnum
spítalann. Mjög róttækar breytingar voru
lagðar til og mér var það alveg ljóst á þeim
tímapunkti að þá þurfti spítalinn frekar
súrefnisgrímu en fyrirmæli um annað
langhlaup, maraþon, í skipulagi spítalans,“
segir hann og að ráðist hafi verið í minni
breytingar þar til betra færi gæfist.
Hann segir að helsti galli núverandi
skipurits með árunum hafi verið að það
endurspeglaði ekki þjónustu sjúklinga.
Togstreita hafi getað myndast milli sviða á
vissum stöðum þar sem sjúklingar færu
oft á milli. Páll segir einnig mikinn styrk
í flötu skipuriti. „En fyrr má nú rota en
dauðrota,“ bætir hann við og ætlar að
setja inn nýtt lag forstöðuaðila, þar sem
þörf er á, um leið og hann fækkar fram-
kvæmdastjórum.
„Við erum með 6.000 manns í vinnu en
í raun tvö stjórnunarlög, framlínustjórn-
endur, það er yfirlækna og deildarstjóra og
síðan framkvæmdastjóra og loks forstjóra.
Samsvarandi skipurit hjá Reykjavíkur-
borg eru sjö til níu lög,“ segir hann. „Flöt
skipurit henta vel þekkingarvinnu en hins
vegar verður spenna þegar stjórnunar-
spönnin verði of mikil.“
Tekur á of flötu skipuriti
Páll bendir á að spítalinn sé með framlínu-
stjórnendur sem þar sem mest sé séu með
hátt í 200 undirmenn. „Núverandi fram-
kvæmdastjórar eru síðan með allt að 50
undirmenn, yfirlækna og deildarstjóra. Því
fylgir mikið álag. Ég vil bæta við og tel þörf
á forstöðumönnum sem koma á milli fram-
kvæmdastjóra og framlínustjórnenda,“
segir hann.
„Við erum að færa aukna ábyrgð á
klíníska stjórnendur og hafa smærri fram-
kvæmdastjórn í stefnumótum og heildar-
verkefnum spítalans í samvinnu við aðra
þætti heilbrigðisþjónustunnar en ekki í
stjórnun smáatriða frá degi til dags.“
Páll segir að með breyttu fyrirkomu-
lagi verði einingum í auknum mæli raðað
saman sem eigi að vinna saman. „Það má
segja að tilfinning um síló og að skipuritið
hafi ekki alveg fallið að þörfum sjúklinga
auk þess sem að langt var liðið frá síðustu
breytingum hafi ráðið för.“ Þá sé nýi með-
ferðar- og rannsóknarkjarninn einn lykil-
þátta breytinganna.
„Hönnun bygginganna tekur ekki mið
af því hvernig við vinnum núna heldur
lagðist fagfólk yfir hvernig best væri að
vinna og hannaði í kringum þá sýn. Það
gerir þá kröfu að við vinnum öðruvísi en
við gerum í dag.“ Breytingarnar nú taki
mið af því.
Páll segir að hann sjái fyrir sér verulegt
hagræði þegar nýi spítalinn verði kominn
Páll Matthíasson forstjóri Landspítalans ætlar að endurnýja framkvæmdastjórn spítalans og skera niður í sjö úr þrettán. Hann er nýfluttur í nýtt skrifstofuhúsnæði þar sem hann
sjálfur hefur enga skrifstofu heldur vinnur í verkefnamiðuðu vinnurými. Mynd/gag