Feykir - 25.10.2017, Blaðsíða 13

Rúnar Kristjánsson
Þangskálavísur
Á Þangskála er þögult nú,
þar er enginn maður.
En fyrrum var þar fólk og bú
og fjörlegasti staður.
Lífi var þar lifað þá
líkt og víða á Fróni.
Manngæskan var mikil hjá
Maríu og Jóni.
Vel þau sinntu um verkin öll,
var svo alla daga.
Enda sjaldgæf eljuföll
yfirleitt á Skaga.
Margan leiddi gest í garð
gleði endurfunda.
Þá með réttu virkast varð
vægi góðra stunda.
Hjónin samhent sáu um það,
sem þar mátti finna,
að hafa á sínum heimastað
hlýju bestu kynna.
Þeirra börn á þroskaleið
þekktu gildi agans.
Úrvalsblóm af ættarmeið
ystu byggða Skagans.
Níu alls þau náðu á legg,
nærð við strengi hrausta.
Bjó þau undir heimsins hregg
heimafylgjan trausta.
Lífið bauð þeim sviðið sitt,
senn í heimi þjóðar,
gat þeim öllum stundir stytt
starf við annir góðar.
Oft þó staðreynd sú er séð,
sveigð frá stöðu greiðri,
að misjöfn ævilengd er léð
lífi úr sama hreiðri.
Þar að líkum fátt eitt fer,
fæst þar virðist stemma.
Sumir lifa lengi hér,
látast aðrir snemma.
Tímans rök þau tjá sig hörð,
týnist liðin saga,
helguð einni eyðijörð,
utarlega á Skaga.
Samt til skila sögn ég kem
sem skal minnisvarði
þjóðar trúrra þegna sem
þaðan héldu úr garði.
X17 AÐSENT Guðlaug Kristjánsdóttir skrifar
Kjósum fjölbreytileika og Bjarta framtíð
Ég sóttist eftir að leiða lista
Bjartrar framtíðar í Norðvestur-
kjördæmi með það fyrir augum
að tala máli ungs
fólks, og þá
sérstaklega ungra
kvenna. Vegna þess
að ungar konur ráða
byggð, þar sem þær
velja sér að búa lifnar
yfir mannlífinu.

Þátttaka mín í kosn-
ingabaráttunni í fjórð-
ungnum hingað til
hefur bara styrkt mig í
þeirri trú að rödd
kvenna þurfi að heyrast betur í
stefnumótun og umræðu. Til
dæmis var ekki ein einasta spurning
um skólamál, heilbrigðismál eða
menningu í oddvitaumræðum á
RÚV í liðinni viku, þar sem saman
voru komnir 7 karlmenn og 2
konur sem fulltrúar framboðanna.
Rætt var um vegi, virkjun og iðnað,
sem er vissulega mjög nauðsynlegt,
en ansi litað af veruleika karl-
mennskunnar.
Ef ekki er rætt um
nærþjónustu – mæðra-
skoðun, fæðingar-
hjálp, kennslu barna,
félagslíf í bæjum,
þorpum og sveitum,
opnunartíma sund-
lauga, aðgengi að
interneti eða menn-
ingarstarfsemi – í að-
draganda kosninga,
eru hverfandi líkur á
því að þau mál verði
sett á oddinn hjá kjörnum fulltrúum
á þingi. Það er bara svo einfalt.
Björt framtíð tók meðvitaða
ákvörðun um að tefla fram sterkum
kvennalista í Norðvesturkjördæmi,
af þeim ástæðum sem reifaðar eru
hér að ofan. Einsleitni er engum til
góðs, það er almenn regla.
Ég hef áralanga reynslu af
jafnréttismálum, störfum að eflingu
vinnumarkaðar fyrir fólk með
háskólamenntun, auk umfangs-
mikillar innsýnar í félagsleg rétt-
indakerfi landsins. Ég kem úr
heilbrigðisgeiranum, hef starfað
bæði sjálfstætt og hjá LSH sem
sjúkraþjálfari með ýmsum sjúkl-
ingahópum. Það veganesti óska ég
eftir að fá að leggja af mörkum til að
efla samkeppnisfærni Norðvestur-
kjördæmis um ungt fólk, fram-
tíðarlífið í fjórðungnum.
Við stöllurnar í efstu sætum
listans hjá Bjartri framtíð vonum að
kjósendur í Norðvesturkjördæmi
séu reiðubúnir að hugsa út fyrir
kassann og laða til sín nýtt fólk í
þjónustustörfin á Alþingi.
Guðlaug Kristjánsdóttir,
oddviti Bjartrar framtíðar
í NV-kjördæmi.
X17 AÐSENT Halla Signý Kristjánsdóttir skrifar
Íslenskur vinnumarkaður
og afnám frítekjumarks
Það er staðreynd að íslenskur
vinnumarkaður tekur breytingum
í samræmi við framþróun
þjóðfélagsins. Ekki
bara að störfin
breytist heldur tekur
samsetning
vinnuaflsins
breytingum. Þar
kemur til menntun,
aldur, þjóðerni og
bætt heilsa. Heil-
brigiðsvísindum
fleygir fram og fólk
verður eldra og lifir
lengur við betri
heilsu.

Fólk sem er á miðjum aldri getur
gert ráð fyrir að eiga ágæt ár vel
fram yfir 90 ára aldurinn og þeir
sem eru á grunnskólaaldri núna að
komast yfir 100 ára. Það er því
eðlilegt að starfslok fólks á
vinnumarkaði breytist. Geta ein-
staklinga er mjög
misjöfn og þeir sem nú
eru á aldrinum 65-70
ára eru margir hverjir
alls ekki tilbúnir að
hætta að vinna, jafnvel
nýkomnir úr námi og
eða hafa fulla starfs-
getu ennþá. Það er því
erfitt að vera gert að
hætta að vinna og fara
á eftirlaun sem ná ekki
einu sinni lámarks-
launum vinnumark-
aðins. Ef aðrar tekjur koma til,
hvort sem fólk heldur áfram að
vinna eða þiggja úr lífeyrissjóði
skerðast laun vegna frítekjumarks
af atvinnutekjum.
Fylgjumst með tímanum
Atvinnuþátttaka er nú mest á milli
25 -55 ára, þetta kemur til með að
breytast hratt á næstu áratugum og
þetta bil færist lengra fram á ævina í
takt við símenntun og betra
heilsufar. Eins og staðan er í dag er
vinnumarkaðurinn tilbúinn að taka
við því, atvinnuleysi er lítið og á
mörgum sviðum vantar fólk í störf.
Það er ávinningur samfélagsins alls
að skapa svigrúm til að þeir sem
geta unnið fái tækifæri til þess.
Afnám frítekjumarks af atvinnu-
tekjum eldri borgara er því eðlileg
breyting til að mæta breyttum
vinnumarkaði. Getum við ekki
verið sammála um það?
Halla Signý Kristjánsdóttir
skipar 2. sæti Framsóknarflokksins
í NV kjördæmi
Stefán Óli í stöðu prófessors
Háskólinn á Hólum
Dr. Stefán Óli Steingrímsson hefur hlotið framgang
í stöðu prófessors við Fiskeldis- og fiskalíffræði-
deild Háskólans á Hólum. Á vef skólans segir að
Stefán Óli hafi starfað við Háskólann á Hólum
samfleytt frá 2003, en hann hafði áður unnið hjá
Hólaskóla með hléum frá 1993 til 1997.
Stefán Óli lauk doktorsprófi í líffræði árið 2004, frá
Concordia háskóla í Montreal í Kanada, meistara-
prófi frá sama skóla árið 1996 og B.S. prófi í líffræði
frá Háskóla Íslands árið 1992 og hefur kennt við allar
deildir Háskólans á Hólum, auk þess að hafa komið
að kennslu við aðra opinbera háskóla á Íslandi. Hann
hefur kennt ýmis námskeið um náttúru og vistfræði
Íslands og um umhverfismál fiskeldis, auk þess að
kenna aðferðafræði við rannsóknir og í háskóla-
námi.
Auk kennslu í námskeiðum hefur Stefán leiðbeint
fjórum meistaranemum og einum doktorsnema sem
hafa lokið sínu námi og nú eru tveir meistaranemar
og einn doktorsnemi undir handleiðslu hans. /PF
40/2017 13