Bændablaðið - 26.01.2017, Blaðsíða 1

Útflutningur á íslensku grænmeti til Danmerkur í sjónmáli:
Danir vilja íslenskt grænmeti
Samkvæmt heimildum Bænda-
blaðsins eru samningar um
útflutning á íslensku grænmeti til
Danmerkur langt á veg komnir.
Búið er að hanna umbúðir fyrir
grænmetið á danskan markað
og ein hugmyndin er að mark-
aðssetja það undir slagorðinu
„Ræktað undir norðurljósunum“.
Gunnlaugur Karlsson, fram-
kvæmdastjóri Sölufélags garðyrkju-
manna, segir að viðræður við Dani
um innflutning á íslensku grænmeti
séu vel á veg komnar og ekki lengur
á hugmyndastigi.
Hreinleiki og gæði
„Búið er að senda prufur af mörg-
um tegundum af grænmeti til
Danmerkur til bragðprófana og
Danirnir eru sammála um að bragð-
gæði íslenska grænmetisins séu
mjög mikil.
Í fyrstu fóru Danirnir fram á að
grænmetið yrði lífrænt vottað en
eftir að þeir komu hingað og sáu
hvernig ræktunin fer fram féllu þeir
frá þeirri kröfu. Að þeirra mati eru
ræktunaraðferðirnar og sérstaklega
hreinleiki vatnsins langt umfram
það sem þekkist í öðrum löndum.
Undanfarin ár hefur orðið mikil
vakning í Danmörku um hreinleika
matvæla og segja þeir íslenska vatn-
ið einstaklega hreint og þar sem í
grænmeti sé mikið vatn skipti hrein-
leiki þess gríðarlega miklu máli
þegar kemur að bragðgæðum.
Meðal verslana sem hafa sýnt
grænmetinu frá okkur áhuga er Irma
og mögulegt að það fari í sölu hjá
þeim strax næsta haust.“
Flogið með grænmetið
Gunnlaugur segir að grænmetið
verði flutt út í flugi enda um við-
kvæma vöru að ræða. „Við erum
ekki enn búin að semja um neitt
ákveðið magn en ef allt fer á besta
veg spýtum við bara í og aukum
ræktunina enda góðar aðstæður til
þess hér á landi.“
Að sögn Gunnlaugs er verðið sem
fæst fyrir grænmetið í Danmörku
mjög ásættanlegt og svipað og hér
á landi.
Grænmeti í forsetaveislu
Í móttöku forseta Íslands, Guðna
Th. Jóhannessonar, til heiðurs
Margréti Þórhildi Danadrottningu,
í Nordatlantens Brygge, var lögð
sérstök áhersla á að kynna íslensk
matvæli. Flogið var sérstaklega út
með grænmeti vegna opinberrar
heimsóknar forsetans til Danmerkur.
Einnig var boðið upp á íslenskt
hunang frá Elliðahvammi og fleiri
íslenskar matvörur í móttökunni.
/VH
Mynd /TB
Skyrsala heldur áfram að aukast
en hún jókst um tæp 17% á milli
áranna 2015 og 2016. Rjómasala
hefur aukist um 1,8% og sala á
smjöri um 4,2%.
Sala á drykkjarmjólk dregst
örlítið saman í heildina en athygli
vekur að sala á G-mjólk, sem er
mikið notuð í kaffidrykki, hefur
aukist um tæp 11% á einu ári. Sala
á nýmjólk hefur aukist örlítið,
eða um hálft prósent, en sala á
léttmjólk og undanrennu hefur
minnkað nokkuð. Söluaukning
í ostum nemur 3,2% á milli ára.
Þetta kemur fram í nýútkomnu
yfirliti Samtaka afurðastöðva í
mjólkuriðnaði um sölu mjólkur-
vara á síðasta ári.
Sala á fitugrunni var 139,2 millj-
ónir lítra síðasta ár og er það aukn-
ing frá fyrra ári um 4,8%. Ef miðað
er við söluþróunina frá janúar 2012
til og með desember 2016, er sölu-
aukningin á fitugrunni slétt 25% á
fimm árum. Greinileg söluaukning
er því í fituríkari mjólkurvörum á
síðustu árum.
Sala á próteingrunni árið 2016
var 129,0 milljónir lítra, sem er
aukning um 5,2% á milli ára.
Innvegin mjólk árið 2016 var
150,3 milljónir lítra, sem er 2,9%
aukning frá árinu á undan. Síðustu
þrjá mánuði ársins var hins vegar
samdráttur í innvigtun miðað við
sömu mánuði í fyrra um 4,2%./TB
Nýliðið ár:
Drjúg söluaukning
mjólkurvara 2016
2. tölublað 2017 ▯ Fimmtudagur 26. janúar ▯ Blað nr. 483 ▯ 23. árg. ▯ Upplag 32.000
Mynd / irma.dk Mynd / BBL
24–25 28–29 45