Bændablaðið - 26.01.2017, Qupperneq 8

8 Bændablaðið | Fimmtudagur 26. janúar 2017
Fréttir
Nýlokið er bændafundaferð þar
sem Bændasamtökin héldu 15
fundi með bændum um allt land.
Tólf fundir voru haldnir 9.-11. jan-
úar en þremur varð að fresta vegna
veðurs, en þeir voru svo haldnir
16. og 19. janúar. Fundargestir
voru alls rúmlega 700 talsins og
var aðsókn undantekningalaust
góð. Sigurður Eyþórsson, fram-
kvæmdastjóri BÍ, sagði að ekki
væru tök á að fara á alla staði nú
en úr því yrði bætt síðar.
Sigurður sagði meginefni fund-
anna tvíþætt. „Í fyrsta lagi var rætt
um áhrif nýju búvörusamninganna
sem tóku gildi um nýliðin áramót,
einkum þó reglugerðirnar sem þeim
fylgja en þar eru einstök verkefni
samninganna útfærð. Í öðru lagi
voru breytingar á starfsemi BÍ til
umræðu en eins og greint hefur
verið frá munu samtökin taka upp
félagsgjöld á þessu ári þar sem bún-
aðargjalds nýtur ekki lengur við.“
Breytingar fylgja nýju
samningunum
Margvíslegar breytingar fylgja nýju
samningunum að sögn Sigurðar.
„Eðlilega var mest rætt um nýju eða
verulega breyttu verkefnin, svo sem
jarðræktarstuðning, landgreiðslur,
nýliðunarstyrki og fjárfestingastyrki
í nautgriparækt sem hefjast á þessu
ári. Fjárfestingastyrkir í sauðfjár-
rækt hefjast 2018 og þar var meðal
annars nefnt hvort nýta mætti þá til
að endurnýja frauðplastseinangrun
í gripahúsum sem því miður er enn
víða að finna.“
Á fundunum komu fram miklar
áhyggjur af stöðunni í sauðfjárrækt-
inni í ljósi þess að afurðaverð lækkaði
um 10% í fyrrahaust. Innanlandssala
var góð í fyrra en smásöluverð stóð
í stað á milli áranna 2015 og 2016.
Á sama tíma eru útflutningsmarkaðir
erfiðir vegna sterks gengis krónunn-
ar og viðskiptabanns Rússa.
Greiðslumark í mjólk og
umhverfismálin á dagskrá
„Í nautgriparæktinni var heilmik-
ið rætt um fjárfestingastuðning en
einnig um fyrirkomulag innlausnar
á greiðslumarki. Kvótamarkaður
lagðist af um áramótin en í staðinn
kom innlausn á föstu verði sem verð-
ur 138 kr/ltr á árinu 2017. Innleyst
greiðslumark verður síðan boðið til
sölu á sama verði. Þar af gefst for-
gangshópum kostur á að kaupa allt
að helminginn, en það eru annars
vegar nýliðar og hins vegar þeir sem
framleiddu 10% eða meira umfram
greiðslumark árin 2013-15, þegar
kallað var eftir meiri framleiðslu,“
sagði Sigurður. Hann sagði að tals-
vert hefði verið rætt um umhverfis-
mál, einkum þó kolefnisfótspor land-
búnaðarins, mögulegar aðgerðir og
tækifæri landbúnaðarins til að marka
sér sérstöðu á því sviði. Þar skipti
máli að samtök bænda mörkuðu sér
skýrari stefnu á því sviði.
Félagsgjöld hjá BÍ
Eins og kunnugt er þá féllu lög um
búnaðargjald úr gildi um áramótin
og á þessu ári fara samtökin að inn-
heimta félagsgjald. Á fundunum var
farið yfir rökstuðninginn að baki
þeim gjöldum sem innheimt verða í
ár sem verða 42.000 kr. á hvert bú, en
því fylgir full aðild fyrir tvo einstak-
linga. „Það var farið yfir starfsemi og
þjónustu samtakanna og á fundun-
um kom vel fram að menn töldu
afar mikilvægt að Bændasamtökin
yrðu áfram öflug, en einnig var
rætt um nánari útfærslur á þjónustu
við félagsmenn svo sem verðmun
á skýrslu haldsforritum og öðru því
sem félagsmönnum stendur til boða.
Í febrúar mega félagsmenn eiga von
á ítarlegu kynningarbréfi þar sem
farið verður yfir þau mál,“ sagði
Sigurður.
Nýja ríkisstjórnin til umræðu
Umræður á fundunum mörkuðust
nokkuð af nýrri ríkisstjórn sem tók
við stjórnartaumunum um sama
leyti og fundirnir voru haldnir.
„Menn veltu fyrir sér mögulegum
fyrirætlunum hennar, en myndun
hennar var einmitt að ljúka meðan
á fundunum stóð. Enn fremur kom
fram að ganga þyrfti harðar fram í
að svara fyrir landbúnaðinn, ekki
síst í ljósi þeirrar óvægnu umræðu
sem hann býr löngum við,“ sagði
Sigurður Eyþórsson. /TB
Rúmlega 700 bændur mættu til bændafunda:
Bændur ræddu breytingar sem fylgja búvöru-
samningunum og félagsgjöld BÍ
Bændablaðið kemur vel út úr lestrarkönnun Gallup:
Þriðjungur karlmanna og rúmur
fjórðungur kvenna les Bændablaðið
Bændablaðið heldur sjó í nýrri
lesendakönnun Gallup á meðan
Fréttablaðið og Fréttatíminn falla
um rúm fjögur prósentustig í lestri
á milli áranna 2015 og 2016.
Alls 29,6% landsmanna
lesa Bændablaðið. Lestrartölur
Morgunblaðsins standa í 26,6%,
Fréttablaðið er með 45,3% lestur og
Fréttatíminn 32,3%. Viðskiptablaðið
er með 11,7% og DV er með 9%
lestur.
Þetta kemur fram í mælingu
Gallup á lestri prentmiðla á síðustu
þremur mánuðum ársins 2016.
Mest lesið á landsbyggðinni
Mikill munur er á lestri dagblaða á
höfuðborgarsvæðinu og landsbyggð-
inni. Í höfuðborginni er Bændablaðið
með 21,7% lestur en 43,8% á lands-
byggðinni. Það ber höfuð og herðar
yfir aðra prentmiðla utan höfuðborgar-
svæðisins en Fréttablaðið er næst
mest lesið með 28,6% meðallestur
á landsbyggðinni. Þá Morgunblaðið
með 25,3% og loks Fréttatíminn með
11,9% lestur. Athygli vekur að lestur
DV á landsbyggðinni hefur aukist frá
fyrra ári, var 7,1% en fer í 10,8%.
Þegar lesturinn á Bændablaðinu er
skoðaður með tilliti til kynjanna sést
að þriðjungur íslenskra karlmanna les
Bændablaðið að staðaldri. Rúmlega
fjórðungur kvenfólks í landinu les
Bændablaðið, eða 26,4%.
Karlar á landsbyggðinni eru sér-
staklega dyggir lesendur en 46,3%
þeirra lesa Bændablaðið reglulega.
40,7% kvenna á landsbyggðinni lesa
Bændablaðið.
Um helmingi upplags er dreift á
höfuðborgarsvæðinu
Bændablaðið er prentað í 32 þús-
und eintökum og dreift út um allt
land. Um 15 þúsund eintökum er
dreift innan höfuðborgarsvæðisins,
allir bændur fá blaðið sent heim
til sín auk þess sem blaðið liggur
frammi víða á landsbyggðinni í
verslunum, söluskálum, bensín-
stöðvum, sundstöðum og víðar.
Gallup mælir lestur á fjölmiðla
með samfelldum hætti með því að
safna saman svörum fólks á hverj-
um degi um lestur þeirra á prent-
miðlum. Í úrtakinu eru Íslendingar
á aldrinum 12–80 ára á landinu
öllu.
/TB
Tvö námskeið um íslensku land-
námshænuna verða haldin í febr-
úar, hið fyrra að Reykjum í Ölfusi
þann 11. febrúar og hið síðara á
Hvanneyri 25. febrúar. Fjöldi
fyrirspurna hefur borist um að
halda námskeiðið víðar á landinu
og er til skoðunar að efna einnig til
þeirra norðan heiða, í Skagafirði og
á Akureyri.
Endurmenntun Landbúnaðar-
háskóla Íslands stendur fyrir nám-
skeiðunum en kennari er Júlíus
Már Baldursson, bóndi og rækt-
andi í Þykkvabæ. Hann er eigandi
Landnámshænsna ehf. sem rekur
Landnámshænsnasetur Íslands.
Námskeiðið er ætlað þeim sem eiga
íslenskar hænur eða hyggjast hefja
ræktun á þeim, hvort heldur er í sveit
eða þéttbýli.
Vinsæl námskeið
Júlíus Már hefur haldið slík námskeið
áður á vegum Endurmenntunar LbhÍ,
en nokkuð er um liðið frá því þau voru
síðast í boði, eða á árinu 2014. „Það
var orðin þó nokkur eftirspurn eftir
þessum námskeiðum núna, það líður
vart sá dagur að ég fái ekki fyrirspurnir
af ýmsu tagi varðandi hænsnahald,
menn eru að spyrja um alls konar hluti
sem því viðkemur, fóðrun, húsnæði
og hvaðeina. Það er vaxandi áhugi
fyrir því meðal bæði fólks í sveit og
þéttbýli að halda nokkrar hænur sér til
gagns og gamans. Námskeiðin hafa
verið vinsæl og vel sótt og greinilegt
að fólk fýsir í að afla sér þekkingar á
þessu sviði. Við erum því að fara af
stað á ný og eftir því sem ég best veit
eru undirtektir góðar,“ segir hann.
Stefna norður
Þau námskeið sem haldin hafa verið
voru iðulega fullsetin og á Júlíus Már
ekki von á öðru en svo verði einnig
nú. „Við byrjum á þessum tveimur
námskeiðum, á Reykjum í Ölfusi og
Hvanneyri, en höfum einnig í hyggju
að bjóða þau fyrir norðan, þaðan hafa
komið fyrirspurnir og ef allt geng-
ur upp er líklegt að námskeið verði
í Skagafirði og á Akureyri síðar,“ segir
hann.
Námskeiðin standa yfir í 8
klukkutíma og farið er yfir allt sem
viðkemur hænum og hænsnahaldi.
Kennslugögn eru innifalin í nám-
skeiðsgjaldinu sem og veitingar yfir
daginn. Flest verkalýðsfélög styrkja
þá félagsmenn sína sem sækja nám-
skeiðið. /MÞÞ
Námskeið um íslensku landnámshænuna:
Vaxandi áhugi fyrir hænsnahaldi
Veðurstofa Íslands heiðrar
Jónatan Hermannsson
– Hefur tekið veðrið óslitið í 30 ár
Jónatan Hermannsson lét af
störfum við Landbúnaðarháskóla
Íslands (LbhÍ) sem tilraunastjóri
á Korpu um síðastliðin áramót.
Hann hefur starfað í 38 ár á
Rannsóknastofnun landbúnað-
arins og LbhÍ, þar af gegnt stöðu
tilraunastjóra í jarðrækt og sinnt
korntilraunum undanfarin 30 ár.
Jónatan hefur tekið veðrið fyrir
Veðurstofu Íslands síðustu 30 árin
á Korpu og hefur ekki misst dag úr.
Til að þakka honum dygga þjónustu
afhenti Óðinn Þórarinsson, fram-
kvæmdastjóri Veðurstofu Íslands,
honum gjöf að skilnaði. /smh
Mynd 1. Bændablaðið er mest lesið af öllum prentmiðlum á landsbyggðinni.
Mynd 2.
Óðinn Þórarinsson afhendir Jónatan gjöf Veðurstofu Íslands. Mynd / smh
Júlíus Már Baldursson.
Sigurður Eyþórsson, framkvæmda-
stjóri BÍ. Mynd / TB
Álag á göngustígum við Skógafoss
hefur verið gríðarlegt í vetur
vegna mikils ferðamannastraums.
Hlýindi og vætutíð hafa gert það
að verkum að göngustígar hafa vað-
ist upp í leðju og hætta hefur verið á
verulegum skemmdum á viðkvæmri
náttúru svæðisins. Umhverfisstofnun
lokaði göngustígnum á Skógaheiði
þann 9. desember síðastliðinn
tímabundið fyrir ferðamönnum
með það að markmiði að vinna að
viðeigandi verndarráðstöfunum t.d.
með því að byggja þar upp malar-
göngustíg.
Ljóst er að framkvæmdir á
Skógaheiði munu taka tíma og
spilar veðráttan þar stórt hlutverk.
Umhverfisstofnun hefur ákveðið
að göngustígurinn verði lokaður
næstu vikurnar, til 17. mars, eða þar
til verndarráðstöfunum er lokið og
óhætt verður að hleypa umferð fólks
aftur inn á svæðið. /MÞÞ
Tímabundin lokun göngustígs á
Skógaheiði við Skógafoss