Bændablaðið - 26.01.2017, Qupperneq 17

17Bændablaðið | Fimmtudagur 26. janúar 2017
Bókmenntafélag flytur í Bændahöllina
Hið íslenska bókmenntafélag mun
flytja starfsemi sína í Bændahöllina
í maímánuði 2017. Forsvarsmenn
Bændahallarinnar ehf. og Hins
íslenska bókmenntafélags skrifuðu
undir húsaleigusamning til 15 ára
í síðustu viku. Bókmenntafélagið
verður á jarðhæð í austurhluta sem
snýr að Landsbókasafninu og lóð
Húss íslenskra fræða. Húsnæðið
er hannað af Hornsteinum arki-
tektum og framkvæmdir við
breytingar eru þegar hafnar. Þetta
kom fram í sameiginlegri fréttatil-
kynningu frá Bændahöllinni ehf.
og Hinu íslenska bókmenntafélagi.
Sindri Sigurgeirsson, formaður
Bændasamtakanna, sagði í stuttri
tölu þegar skrifað var undir leigu-
samning að það væri ánægjulegt að
fá Bókmenntafélagið í Bændahöllina
og í nábýli við Bændasamtökin. Þau
væru byggð á gömlum grunni, sam-
tök bænda yrðu 180 ára í ár og væru
því ekki á ósvipuðum aldri og Hið
íslenska bókmenntafélag.
Félagið stofnað til að vernda og
efla íslenska tungu
Hið íslenska bókmenntafélag var
stofn að árið 1816 og hefur starfað
óslitið síðan. Stofnun þess olli á sínum
íslenskrar tungu og bókmennta síðari
alda. Bókmenntafélagið hófst þegar á
fyrsta starfsári handa um útgáfu bóka
og tímarita og hefur sú starfsemi verið
meginviðfangsefni þess síðan.
Jón Sigurðsson, forseti Hins
íslenska bókmenntafélags, segir að
þessi nýja staðsetning á starfsstöð
Bókmenntafélagsins sé einkar heppi-
leg vegna nábýlis við Háskólann og
ýmsar menningarstofnanir sem honum
tengjast. „Þegar Bókmenntafélagið
var stofnað fyrir 200 árum var
íslenskan í hættu. Félagið var stofn-
að til þess að vernda og efla íslenska
tungu. Íslendingum hefur tekist vel
að verja og efla tungu sína til þessa.
Starf Bókmenntafélagsins hefur án
efa skipt hér máli. Því starfi þarf að
halda áfram,“ segir Jón.
Góð viðbót við aðra starfsemi í
húsinu
Að sögn Elíasar Blöndal, fram-
kvæmdastjóra Bændahallarinnar, er
starfsemi Hins íslenska bókmennta-
félags góð viðbót við aðra starfsemi
í húsinu og styður við rekstur Hótel
Sögu. „Fyrir er bankaútibú, rakari,
hárgreiðslustofa, ferðaskipuleggj-
andi, veitingastaðir og ráðstefnu-
deild, skrifstofur Bændasamtaka
Íslands, skrifstofur á vegum hins
opinbera og annarra og 236 hótel-
herbergi.“
Um 1.000 manns heimsækja
Bændahöllina á hverjum degi
Bændahöllin ehf. er félag í eigu
Bændasamtaka Íslands. Bændahöll-
in var byggð af bændum árið 1962
og hefur alla tíð verið í eigu þeirra.
Bændahöllin er um 18.500 fer-
metrar að stærð og um 1.000 manns
heimsækja húsið á degi hverjum
í margvíslegum tilgangi. Þáttur
Bændahallarinnar og Hótel Sögu
-
mennsku er mjög stór og Bænda-
höllin hefur verið eitt af helstu
kennileitum Reykjavíkurborgar
síðastliðin 55 ár.
Ýmsar menningarstofnanir eru í
næsta nágrenni. Stofnun Vigdísar
Finnbogadóttur í erlendum tungu-
horni Suðurgötu og Brynjólfsgötu
og Hús íslenskra fræða mun rísa
þar sem Melavöllurinn var forðum.
Þjóðarbókhlaðan, Þjóðminja-
safnið og Háskóli Íslands eru allt
rótgrónar stofnanir steinsnar frá
Bændahöllinni. /TB
Sala og ráðgjöf
Sími 540 1100
www.lifland.is Reykjavík
Lyngháls
Akureyri
Óseyri
Borgarnes
Borgarbraut
Blönduós
Efstubraut
Hvolsvöllur
Stórólfsvelli
Kostur fæst í tveimur
útfærslum með 16% eða
19% próteininnihaldi.
Kostur er ríkur af fitusýrum og inniheldur gott hlutfall
hæggerjanlegra hráefna sem hafa jákvæð áhrif á myndun
mjólkurfitu og gefa af sér fitumyndandi gerjunarafurðir.
Forsvarsmenn Hins íslenska bókmenntafélags handsala leigusamning við
bændur. Frá vinstri: Eiríkur Blöndal, Sindri Sigurgeirsson, Jón Sigurðsson
og Sverrir Kristinsson. Mynd / TB
Hreindýrakvóti 2017:
Fleiri kýr en
færri tarfar
Hreindýrakvóti fyrir árið 2017
hefur verið ákveðinn, það er
umhverfis- og auðlindaráðherra
sem ákveður kvótann að fengnum
tillögum frá Umhverfisstofnun.
Á þessu ári verður heimilt að veiða
allt að 1.315 dýr, 922 kýr og 393 tarfa.
Á liðnu ári, 2016 var kvótinn 1.300
dýr, 848 kýr og 452 tarfar.
Veiðin skiptist milli níu veiðisvæða
og eru mörk þeirra og fjöldi dýra á
hverju svæði tilgreind nánar í auglýs-
ingu sem birtist í Lögbirtingablaðinu.
Heimildirnar eru veittar með fyrirvara
um að ekki verði verulegar breytingar
á stofnstærð fram að veiðum sem kalli
á endurskoðun veiðiheimilda.
Veiðitími hefst 1. ágúst
Veiðitími tarfa er frá 1. ágúst til og
með 15. september, en þó getur
Umhverfisstofnun heimilað veiðar á
törfum frá og með 15. júlí. Veiðitími
kúa er frá 1. ágúst til 20. september.
Veturgamlir tarfar eru alfriðaðir og
miðast tarfaveiði því við tveggja vetra
og eldri tarfa. Óheimilt er að veiða
kálfa.
Verð fyrir veiðileyfin eru 140.000
kr. fyrir tarf, og nemur hækkun um
5.000 krónum og 80.000 kr. fyrir kú.
Úthlutuð veiðileyfi skulu greiðast að
fullu eigi síðar en 15.apríl. Frestur til
að sækja um er til og með 15. febrúar.
/MÞÞ