Bændablaðið - 24.05.2018, Blaðsíða 4

4 Bændablaðið | Fimmtudagur 24. maí 2018
Samkvæmt könnun sem Gallup
gerði fyrir markaðsstofuna
Icelandic Lamb í lok síðasta árs
keyptu erlendir ferðamenn sem
hingað komu í fyrra um 207
þúsund íslenskar lopapeysur fyrir
nær fjóra milljarða króna. Þar af
fékk ríkissjóður 750 milljónir í
virðisaukaskatt.
Engum dylst að Ísland er orðið
að vinsælum áningarstað erlendra
ferðamanna. Samkvæmt tölum
Ferðamálastofu sóttu rúmlega
tvær milljónir okkur heim í fyrra.
Þetta er margföldun á örfáum árum.
Ástæður vinsældanna eru eflaust
margar en ímynd hreinleika og
sjálfbærni, alþjóðleg velgengni
íþróttafólks og listamanna og land-
læg gestrisni okkar Íslendinga hefur
án efa hjálpað mikið til. Öflugt
markaðsstarf Íslandsstofu og
ýmissa íslenskra fyrirtækja skiptir
líka verulegu máli.
Ferðamenn koma sterkir inn
Markaðsstofan Icelandic Lamb
hóf starfsemi fyrir rúmu ári.
Helsta verkefni hennar er að
kynna íslenskt lambakjöt og aðrar
sauðfjárafurðir fyrir erlendum
ferðamönnum. Þetta er m.a. gert
með öflugri markaðsherferð á
samfélagsmiðlum og samstarfi
við um 150 aðila í verslun,
veitingarekstri, framleiðslu,
nýsköpun og hönnun. Árangurinn
hefur verið framar björtustu vonum.
Innanlandssala á lambakjöti hefur
vaxið síðustu misseri og kannanir
sýna okkur að stór hluti þess vaxtar
er vegna aukinnar neyslu erlendra
ferðamanna.
Ferðamenn borða eina og hálfa
milljón lambakjötsmáltíða
Samkvæmt könnun sem Gallup
gerði fyrir markaðsstofuna
Icelandic Lamb
í lok síðasta árs
borðaði rúmur
helmingur erlendu
f e r ð a m a n n a n n a
lambakjöt í Íslands-
ferðinni. Sumir
borðuðu eingöngu
lambakjöt á veitinga-
stöðum en aðrir
keyptu það úti í búð.
Sumir gerðu hvort
tveggja. Samtals
borðuðu erlendu
ferðamennirnir um
eina og hálfa milljón skammta
af íslensku lambakjöti. Í upphafi
þessa árs spurði Gallup líka út í
kaup ferðamanna á ull, gærum og
ullarvörum.
Fjórir milljarðar króna
fyrir sölu á lopapeysum
Um þriðjungur þeirra nærri 2.500
erlendu ferðamanna sem svöruðu
sögðust hafa keypti einhverjar vörur
úr ull, beinum, gærum eða öðrum
afurðum sauðkindarinnar. Þegar
rýnt er í tölurnar sést einnig að 9,4%
þeirra keyptu íslenska lopapeysu í
ferðinni. Þetta gera samanlagt um
207 þúsund peysur. Andvirði þeirra
út úr búð er öðru hvorum megin við
fjóra milljarða króna.
Virðisaukaskattur til ríkis ins
af þessum kaupum nemur um
750 milljónum króna. Bændur
þakka handverksfólki, verslunar-
eigendum og ferðaþjónustunni
samstarfið. /HKr./SH
Erlendir ferðamenn sækjast eftir vörum sem unnar eru úr hráefni af íslensku sauðkindinni:
Keyptu um 200.000 lopapeysur
fyrir um fjóra milljarða króna
FRÉTTIR
Hross landsmanna teljast nú vera 64.792 og hefur fækkað nokkuð á milli ára samkvæmt tölum Búnaðarstofu MAST:
Hrossflesta sveitarfélagið á
landinu er Skagafjörður
– Húnvetningar eiga þó landshlutavinninginn, eða 8.346 hross, en minnst hrossaeign er hjá Suðurnesjamönnum, eða 362 hross
Fjöldi hrossa á Íslandi hefur
yfirleitt verið talinn vera nálægt
70 þúsund að teknu tilliti til
skekkjumarka samkvæmt tölum
Búnaðarstofu MAST. Flest voru
þau 80.5782 árið 1996 en nú eru
þau talin vera 64.792.
Verulega hefur verið bætt úr
skýrsluhaldi og skráningu hrossa á
landinu, en í nokkur ár gat þar að
líta verulegt misræmi. Sem dæmi
voru einungis 53.021 hross í landinu
samkvæmt tölum MAST árið 2013
en voru árið 2012 talin vera 77.380.
Tölurnar nú, eftir að Búnaðarstofa
MAST kom til sögunnar, benda til
að skráningin sé mun raunhæfari en
áður þótt kunnugir telji að nokkuð
vanti upp á að hrossaeigendur,
einkum í þéttbýli, geri grein fyrir allri
sinni hrossaeign. Því geti hugsanlega
skeikað um nokkur þúsund hross.
Hins vegar gefi tölur í fyrra og nú
tilefni til að ætla að komið sé nokkuð
gott samræmi í hlutina þannig að
greina megi þróunina í greininni.
Rétt skráning mikilvæg sem og
skil á skýrslum
Líkt og með skráningu á hrossa-
eign landsmanna, þá skipta allar
búfjártölur miklu máli í hagtölum
landsins. Þá er það líka hreint og
klárt fjárhagsspursmál fyrir bænd-
ur að þeir skili inn skýrslum um
búfjáreign sína ella detta þeir út úr
kerfinu og missa tilkall til stuðn-
ingsgreiðslna.
Flest hross sveitarfélaga
eru í Skagafirði
Þegar skoðaður er fjöldi hrossa
sem skráður er í einstökum
sveitarfélögum, þá skera þrjú
sveitarfélög sig algjörlega úr. Þar
trónir Skagafjörður efst með 6.963
hross og hefur þar fjölgað um 127
hross frá birtingu talna í fyrravor.
Næst kemur Rangárþing eystra með
6.000 hross en þar hefur fækkað um
251 hross.
Í þriðja sæti er Borgarbyggð með
5.106 hross en þar hefur fækkað um
143 hross.
Húnvetningar með mestu
samanlagða hrossaeignina
Húnvetningar sem heild eiga þó
sameiginlega landshlutametið með
samtals 8.346 hross. Þar af eru 4.344
hross í Húnavatnshreppi og hafði
fjölgað þar um 178 hross. Húnaþing
vestra er svo með 4.002 hross, en þar
hefur fækkað um 30 hross.
Á eftir Húnvetningum í sjötta
sæti kemur Flóahreppur með
2.680 hross. Þar hefur fækkað um
182 hross á milli ára. Skeiða- og
Gnúpverjahreppur er eins og áður
í sjöunda sæti með 1960 hross, en
þar hefur fækkað um 51 hross. Í
áttunda sæti kemur Bláskógabyggð,
eins og í fyrra, með 1.680 hross og
hefur þar einnig fækkað, eða um
213 hross. Í níunda sæti kemur svo
Ásahreppur með 1.370 hross. Þar
hefur hrossum fjölgað um 50 og
skýst Ásahreppur þar með upp fyrir
Árborg þar sem töluverð fækkun
hefur orðið í hrossastofninum.
Þannig er Árborg nú í tíunda sæti
með 1.332 hross eftir fækkun frá
fyrra ári um 295 hross.
Akureyri með 1.083 og Reykjavík
með 682 hross
Næst kemur svo Ölfus með 1.285
hross, Hrunamannahreppur með
1.236 (var með1.450), Dalabyggð
með 1.198 (var með1.279),
Akureyri með 1.083 (voru með
1.278), Fljótsdalshérað með 1.044
(var með 1.116), Hörgársveit
með 1.037 (var með 1.033) og
Akrahreppur með 1.007 (var með
984), en önnur sveitarfélög voru
með færri hross. Í Reykjavík eru
hross nú skráð 682 en voru 700 í
fyrra.
Fæst hross á Suðurnesjum
og á Vestfjörðum
Ef skoðuð eru sveitarfélög sem hafa
fæst skráð hross þá eru einungis 9
hross skráð í Tálknafjarðarhreppi,
10 í Vesturbyggð og 21 í
Kaldrananeshreppi. Á Vestfjörðum
í heild eru einungis skráð 774
hross og hlutfallslega flest
þeirra í Ísafjarðarbæ, eða 240. Á
Suðurnesjum eru skráð 362 hross.
Þar af flest í Reykjanesbæ, eða 221,
en fæst í Sandgerði, eða 12 og 17
í Garði (sveitarfélög sem bráð-
um heita líklega eitthvað annað,
Garðskagabær). /HKr.

– Sjá nánar um búfjáreign á bls. 2
Suðurnes; 362; 1%
Höfuðborgarsvæðið;
2.824; 4%
Vesturland; 10.617; 17%
Vestfirðir; 774; 1%
Norðurland;
22.764; 35%
Austfirðir; 2.001; 3% Suðurland; 25.450; 39%
Bændablaðið / HKr. Heimild: Búnaðarstofa MAST
Samráðshópur um endurskoðun
búvörusamninga í samstarfi
við KPMG heldur vinnufundi á
næstu vikum vegna sviðsmynda-
vinnu um framtíð landbúnaðar
á Íslandi.
Markmið fundanna er að laða
fram skoðanir frá aðilum um land
allt á þeim þáttum sem munu skipta
landbúnaðinn mestu máli á kom-
andi árum. Þar er horft til þátta eins
og byggðaþróunar, sjálfbærni og
tengsla bænda við neytendur.
Á fundunum munu gestir fá tæki-
færi til að velta upp mikilvægustu
áhrifaþáttum sem geta haft áhrif á
framtíð íslensks landbúnaðar.
Í tilkynningu frá samráðshópi um
endurskoðun búvörusamninga segir
að fundirnir séu öllum opnir sem
láta sig málefni íslensks landbún-
aðar varða.
Fundirnir verða haldnir á eft-
irfarandi stöðum:
Hvanneyri, Ársalir
3. hæð í Ásgarði
Þri 29. maí kl. 13–15
Egilsstaðir,
Icelandair Hótel Hérað
Mið 30. maí kl. 13–15
Laugarbakki
Hótel Laugarbakki
Mán. 4. júní kl. 13–15
Akureyri, Hótel KEA
Þri 5. júní kl. 13–15
Reykjavík, Hótel Saga, 2. hæð
Mið 6. júní kl. 13–15
Hella, Árhús
Fim. 7. júní kl. 13–15
Hver er framtíð
landbúnaðar?