Bændablaðið - 24.05.2018, Page 34

34 Bændablaðið | Fimmtudagur 24. maí 2018
Föstudaginn 11. maí var nýr elda-
skáli og þjónustuhús með snyrting-
um vígt í Laugarvatnsskógi. Af því
tilefni voru 100 tré gróðursett í
sérstökum fullveldislundi, eitt tré
fyrir hvert ár fullveldis Íslands.
Eldaskálinn er allur úr íslensku
timbri en timbur er byggingarefni
framtíðarinnar enda bindur það í
sér kolefni öfugt við stál og stein-
steypu sem hefur í för með sér mjög
mikla losun. Ívar Örn Þrastarson,
byggingameistari og skógfræðing-
ur, hefur stýrt framkvæmdum við
eldaskálann. Í Laugarvatnsskógi
hefur Skógræktin ásamt heima-
fólki, skólum á staðnum og fleirum
starfað að skógafriðun og skógrækt
allan fullveldistímann og því var
þessi staður valinn til hátíðarhalda
í tilefni fullveldisafmælisins.
Svæðið hefur breyst úr berangri
með lágvöxnu kjarri í blómlega
skóga. Eldaskálinn og nýja þjón-
ustuhúsið er samstarfsverkefni
Skógræktarinnar, Bláskógabyggðar
og skóla í sveitarfélaginu. Til stend-
ur að koma upp fleiri eldaskálum
upp á nokkrum stöðum á landinu á
næstu misserum.
/MHH
Forsvarsmenn verkefnisins gróðursettu nokkrar plöntur í tilefni dagsins en þetta eru þau, talið frá vinstri, Elfa
Birkisdóttir, skólastjóri Bláskógaskóla, Halldór Páll Halldórsson, skólameistari menntaskólans, Þröstur Eysteinsson,
Skógræktarinnar og Helgi Kjartansson, oddviti Bláskógabyggðar. Myndir / Magnús Hlynur Hreiðarsson
Guðmundur Magnússon á Flúðum á heiðurinn af smíði þjónustuhússins sem
er klætt að utan með lerki, mjög fallegt hús og mikil prýði af því á Laugarvatni.
Eldaskálinn er um 250 fermetrar að
stærð, allur byggður úr íslenskum
trjám, aðallega sitkagreni úr Hauka-
dalsskógi.
Húnavallaskóli:
Vinna verk með tilvísun
í fullveldisafmælið
Húnavallaskóli tekur þátt í
verkefni á vegum Textílsetursins en
markmið þess er að auka þekkingu
og innsýn nemenda í söguna,
samfélagið, fullveldishugtakið og
velta því fyrir sér hversu mikilvægt
fullveldið og prjónaskapur er fyrir
Íslendinga.
Um leið er aukin þekking á prjóni
og mikilvægi þessa þjóðararfs í
sögu landsins. Nemendur vinna
verk sem hefur tilvísun í fullveld-
isafmælið þar sem prjón er nýtt
sem verkfæri. Verkið verður sýnt á
Prjónagleði 2018, sem haldin verður
á Blönduósi í júní, og síðan mun
það prýða súlu í Leifsstöð. Sagt
er frá þessu á vef Húnavallaskóla.
Jóhanna Pálmadóttir, forstöðumaður
Textílsetursins, heimsótti nemendur
í 4.–8. bekk og hóf verkefnið form-
lega nú fyrir skömmu. Í verkið er
notuð ull í fánalitunum og prjónaðir
eru bútar sem verða settir saman í
teppi. Allir í skólanum geta tekið
þátt.
Á vef skólans kemur einnig
fram að nemendur í 4. og 5.
bekk fara í árlega heimsókn í
Heimilisiðnaðarsafnið. Eins og
venja er fengu nemendur leiðsögn
og fræðslu um safnið. Einnig fengu
þau að spreyta sig á að vefa, kemba
og spinna ull. /MÞÞ
Nemendur í 4. og 5. bekk fara árlega í heimsókn í Heimilisiðnaðarsafnið á
Blönduósi og fá þar leiðsögn og fræðslu auk þess að spreyta sig á að vefa,
kemba og spinna ull.
Jóhanna Pálmadóttir, forstöðumað-
ur Textílsetursins, heimsótti nem-
endur í 4.–8. bekk og hóf verkefnið
formlega, en það hefur tilvísun í
fullveldisafmælið þar sem prjón er
nýtt sem verkfæri.
Bændablaðið
Smáauglýsingar 56-30-300
Næsta blað kemur út 7. júní
Nýr eldaskáli og þjónustuhús
í Laugarvatnsskógi
Umhverfisverðlaun veitt í Eyjafjarðarsveit
– Páll Snorrason í Hvammi hlaut hvatningarverðlaun fyrir skógrækt
Umhverfisverðlaun Eyja fjarðar -
sveitar fyrir árið 2017 voru
afhent nýlega, en þau eru veitt
þeim sem skarað hafa fram
úr í tengslum við umgengni
og umhirðu á sínu nánasta
umhverfi. Umhverfisverðlaun
Eyjafjarðarsveitar eru afhent
annað hvert ár.
Að þessu sinni hlutu
viðurkenningar ábúendur að
Villingadal, eigendur Brúnahlíðar
8 og hvatningarverðlaun hlaut Páll
Snorrason.
Villingadalur hlaut viður-
kenningu fyrir snyrtilegt umhverfi
og fallega ásýnd. Bærinn ber
þess merki að vel hefur verið
hugsa um allt nærumhverfið. Í
Villingadal er vélum og tækjum
vel upp raðað, girðingar í lagi, vel
málað og ekki sýnilegur kerfill
eða njóli. Ábúendur eru Guðrún
Jónsdóttir, Árni Sigurlaugsson
og Ingibjörg Jónsdóttir. Þá hlaut
Brúnahlíð 8 viðurkenningu fyrir
snyrtilega lóð og fallegan og vel
hirtan garð. Eigendur eru Rannveig
Guðnadóttir og Snorri Ragnar
Kristinsson.
Páll Snorrason, Hvammi, hlaut
hvatningarverðlaun fyrir lofsvert
starf á sviði skógræktar. Hann
hefur gróðursett og hugsað af
mikilli natni um skógræktarsvæðin
í Hvammi og á Kroppi. /MÞÞ

www.VBL.is REYKJAVÍK
Krókháls 5F
110 Reykjavík
Sími: 414-0000
AKUREYRI
Baldursnes 2
603 Akureyri
Sími: 464-8600
HLIÐGRINDUR - ÝMSAR STÆRÐIR
Númer Lýsing Verð án vsk. Verð með vsk.
F000 2147 03 Hlið 0,91 m, 7 sláa kr. 11.018 kr. 13.662
F000 2147 04 Hlið 1,22 m, 7 sláa kr. 12.900 kr. 15.996
F000 2140 05 Hlið 1,52 m, 7 sláa kr. 14.264 kr. 17.687
F000 2147 06 Hlið 1.83 m, 7 sláa kr. 17.222 kr. 19.147
F000 2140 07 Hlið 2,13 m, 7 sláa kr. 15.779 kr. 21.355
F000 2140 09 Hlið 2.75 m, 7 sláa kr. 20.549 kr. 25.481
F000 2140 10 Hlið 3,05 m, 7 sláa kr. 21.396 kr. 26.531
F000 2140 11 Hlið 3,35 m, 7 sláa kr. 23.211 kr. 28.782
F000 2140 12 Hlið 3,66 m, 7 sláa kr. 23.376 kr. 28.986
F000 2140 13 Hlið 3,95 m, 7 sláa kr. 26.658 kr. 33.056
F000 2140 14 Hlið 4,27 m, 7 sláa kr. 28.509 kr. 35.351
F000 2140 15 Hlið 4,57 m, 7 sláa kr. 29.639 kr. 36.752
F000 2140 16 Hlið 4.88 m, 7 sláa kr. 30.327 kr. 37.605