Bændablaðið - 24.05.2018, Qupperneq 37

37Bændablaðið | Fimmtudagur 24. maí 2018
og fjölbreytni lífríkis á svæðinu
almennt.“
Bláin var ræst fram fyrir margt
löngu og eins og um önnur svæði
átti þar að vinna og rækta land til
grasnytja. Það var þó aldrei stund-
aður heyskapur á þessu svæði sem
neinu nam því það náðist satt best
að segja aldrei að þurrka það nægi-
lega vel upp. Andrés segir að þessi
framræsing hafi verið mikil mistök
á sínum tíma.
„Ég álasa mönnum ekkert sem
þetta gerðu. Fólk vissi bara ekki
betur á þeim tíma.“
Allir eiga að leggja sitt af
mörkum
– Má segja að þessi framkvæmd
sé framlag Djúpavogshrepps til
að draga úr losun gróðurhúsa-
lofttegunda?
Sannarlega má segja að svo
sé og að mínu mati er þetta bara
upphafið að frekari endurheimt í
sveitarfélaginu, ég að minnsta kosti
vona að haldið verði áfram á sömu
braut því árangurinn er ótvíræður.“
– Er það ekki dálítið magnað
að lítið sveitarfélag norður á
hjara veraldar sé að gera meira
í endurheimt votlendis en stór
sveitarfélög?
„Jú, sannarlega, mér finnst það
vera góður vitnisburður fyrir okkar
fámenna en landstóra sveitarfélag
að við skulum takast á hendur svo
stórt verkefni. Við viljum að hver
og einn – þótt lítill sé – leggi sitt af
mörkum til að sporna við hlýnun
jarðar. Okkur ber skylda til að
hugsa um komandi kynslóðir og
sýna metnað með því að leggja lóð
á vogarskálarnar inn í framtíðina í
þessum efnum.“
Jákvæð viðbrögð íbúa
Djúpavogshrepps
– Ég þykist vita að fuglarnir séu
hæstánægðir með endurheimt
votlendis hjá Djúpavogshrepp –
en hvað segja samborgarar þínir?
Fólkið sem býr í hreppnum?
„Jú, víst fékk ég spurningar til
hvers væri verið að þessu. En ég finn
ekki annað en bara mjög jákvæðar
undirtektir hjá íbúunum þegar fólk
sér hvernig svæðið tekur sig út eftir
endurheimtina. Fólk skilur þegar
það sér breytinguna hvað þetta hefur
gríðarlega skjótvirk og jákvæð áhrif
m.a. á fuglalífið og þarna hafa auk
þess myndast fallegar tjarnir.
Það er efalaust um þetta eins og
margt annað að fólk hefur skiptar
skoðanir en þó finn ég ekkert annað en
stuðning við endurheimtina, ekki síst
frá eldra fólki, sem hafði sumt hvert
reyndar hvatt mig til að ganga fram
í þessum málum löngu áður en þetta
átak um endurheimtina átti sér stað.“
– Eru einhverjar áætlanir um
framhald eða meiri endurheimt í
sveitarfélaginu?
Það verður nýrrar sveitarstjórnar
að taka ákvörðun um það en ég vil trúa
því að þegar ávinningurinn er svona
augljós að það hljóti að vera ríkur vilji
að halda áfram á sömu braut.“
Sveitarstjórnarfólk og
landeigendur – hugsið til framtíðar
– Hvers vegna ættu sveitarfélög –
lítil og stór – að hefja endurheimt
votlendis? Hvað viltu segja við allt
það góða fólk sem innan skamms
sest í nýjar umhverfisnefndir og
sveitarstjórnir?
„Það sem ég vil segja við
nýtt sveitarstjórnarfólk sem og
landeigendur almennt úti um hinar
dreifðu byggðir landsins, þar sem
jarðir hafa fengið nýtt hlutverk t.d.
í ferðaþjónustutengdri starfsemi.
Hugsið til framtíðar og látið taka út
t.d. aflagt framræst land sem sýnt er
að ekki verði nytjað frekar til ræktunar
og látið endurheimta og leggið þannig
ykkar af mörkum.
Aðilar í ferðaþjónustu geta einnig
laðað að sér fjölda ferðamanna með
því að endurheimta votlendi og auka
þannig fuglalíf sem margir hafa
áhuga á, auk þess eru menn um leið
í tilfellum að bæta stórlega ásýnd
svæða. Það verður því hver og einn
að skoða túngarðinn heima í þessum
efnum og huga að því hvernig þeir
ætla að skilja eftir sig jákvætt vistspor
inn í framtíðina.“
– Væri ráð að gera úttekt á landi í
sveitarfélaginu og athuga hvar mætti
endurheimta votlendi?
„Já, það ættu í raun öll sveitarfélög
að láta gera úttekt í þessum efnum
í góðu samstarfi við landeigendur
og gera svo áætlun um endurheimt
votlendis í kjölfarið í takti við
umfangið.“
Fólk getur ekki beðið eftir að aðrir
bjargi heiminum
– Hefur almenningur – kjósendur
– meiri áhuga nú en áður á
umhverfismálum, landgræðslu,
skógrækt og loftslagsmálum en áður?
„Það er mín tilfinning að fólk sé
mun meðvitaðra í dag en áður. Það
eru ekki svo ýkja mörg ár að menn
afneituðu loftslagsbreytingunum og
afleiðingum ýmissa mengandi efna.
Nú vita menn betur og mótrökin
fokin út í veður og vind.
Helsta áhyggjuefnið er að
margir virðast ætla að treysta því
að það verði bara einhverjir aðrir
sem taki að sér að bjarga heim-
inum í þessum efnum. Við náum
ekki árangri í þessum málum nema
að heimurinn taki allur höndum
saman – og þeir sem nú lifa verða
að hugsa hlýrra til afkomenda
sinna en svo að þeir ætli bara að
eftirláta öðrum að vinna á vandan-
um, sem hefur orðið til á ótrúlega
skömmum tíma.
Ég hef stundum sagt að okkar
kynslóð sé bara eins og eitt sand-
korn í jarðsögunni, samt hefur
þessari kynslóð nánast einni tek-
ist að kollvarpa jarðkringlunni
með ófyrirsjáanlegum afleiðing-
um á örtíma í þessu samhengi.
Það er því eiginlega ótrúlegt að
eins vel og almenningur á að
vera upplýstur skuli hann ennþá
sýna jafn mikið skeytingarleysi
gagnvart móður jörð og raun ber
vitni. Mengunin er yfirgengileg og
afleiðingar hennar gríðarlegar og
það er fullkomlega ábyrgðarlaust
að skila jarðkringlunni svona af sér
til afkomenda okkar og ætla þeim
að vinna úr vanda sem við höfum
kallað yfir þau.
Við erum ekkert of góð að byrja
strax að taka ærlega til í garðinum
okkar. Vandi afkomenda verður
nú nægur samt að takast á við þær
áskoranir sem bíða þeirra,“ segir
Andrés Skúlason. /ÁÞ
Votlendið í Teigarhorni verður að veruleika. SG vélar á Djúpavogi sáu um verkið þar og í Blánni. Mynd / GG. Jaðrakan í endurheimtu landi. Mynd / AO
Gæsin kunni vel við sig í Blánni. Mynd / AO
Mynd / AO
Verndarsvæði í byggð
Djúpavogshreppur náði þeim áfanga að gerast fyrst sveitarfélaga
aðili að verkefninu Verndarsvæði í byggð með staðfestingu ráðherra.
En hvað er Verndarsvæði í byggð?
Markmiðið með Verndarsvæði í byggð er að stuðla að vernd og varðveislu
byggðar sem hefur sögulegt gildi sem ástæða þykir að varðveita. Við þessa
vinnu er lagt mat á varðveislugildi viðkomandi svæða og á Djúpavogi má segja
að sagan sé við hvert fótmál.
Andrés sagði að heimamenn
hefðu séð í því mikil tækifæri að
gerast aðilar að þessu verkefni
með það fyrir augum að vinna
með söguna, og t.d. gömlu húsin
sem verið er að endurgera.
„Við viljum blanda saman
fortíð og framtíð með því að nýta
gömlu húsin með fjölbreyttum
og nýstárlegum hætti.
Við afmörkuðum miðbæjarsvæðið hér í kringum voginn og skilgreindum
sem Verndarsvæði í byggð og á grunni vinnunnar við verndarsvæðið erum
við svo að vinna deiliskipulag hér á miðbæjarsvæðinu og þannig tryggjum við
þessa órjúfanlegu og mikilvægu samþættingu, fortíðar og framtíðar.
Þau sveitarfélög sem hafa rutt gömlu húsunum og öðrum merkum
menningar minjum í burtu eru að rýra framtíð sína og sérstöðu. Fulltrúar
sveitarfélaga almennt ættu í mun meira mæli að sjá tækifærin sem felast í að
varðveita menningarminjar og nýta þau miklu tækifæri sem felast í því.
Fornleifaskráningar og varðveisla á minjasvæðum eru því gríðarlega
mikilvægar og það er að mínu mati besta leiðin til að varðveita menningar-
arfinn sem að öðrum kosti kann að glatast með öllu.“
Lómur á „nýrri“ tjörn. Mynd / AO
Vesturhrauni 3 - 210 Garðabær
480-0000 - sala@aflvelar.is - www.aflvelar.is
i-vac 6 ryksugan er fyrir
mikla notkun. Hún er
hönnuð með fagfólki sem
gerir þessa ryksugu að
frábæru vinnutæki
i-mop XL gólfþvottavélin
auðveldar þrif, sparar
tíma og léttir lífið.
Hentar fyrir fyrirtæki
og stofnanir
www.i-
Bylting í
hreinlæti!