Bændablaðið - 06.09.2018, Side 4

Bændablaðið | Fimmtudagur 6. september 20184
FRÉTTIR
Von er á nýjum íslenskum gulrótum í verslanir:
Stefnir í fremur rýra uppskeru
– segir Guðmundur Óli Ingimundarson í garðyrkjustöðinni Leyni í Laugardalnum í Bláskógabyggð
Guðmundur Óli Ingimundarson
hefur rekið garðyrkjustöðina
Leyni í Laugardalnum í
Bláskógabyggð frá 1979.
„Móðir mín er héðan og foreldrar
mínir ráku hér blandaðan búskap –
og voru með svolítið af útiræktuðu
grænmeti. Ég prófaði að vera
með kýrnar í eitt ár, en mér fannst
það bara svo leiðinlegt. Ég fór í
Garðyrkjuskólann og lauk prófi
þaðan 1978. Síðan hef ég fikrað mig
smám saman út í það sem ég er með
núna,“ segir Guðmundur Óli.
Langmest af gulrótum
„Ég er með langmest af gulrótum í
útiræktun, en líka hvítkál, kínakál
og grænkál, sem ég er reyndar líka
með inni allan ársins hring. Síðasta
árið hef ég sent grænkál frá mér í
hverri einustu viku. Mitt grænmeti
fer í Bónus og ég læt Banana um að
dreifa því fyrir mig og það á að fara
í allar verslanir þeirra, sem ég held
að séu hátt á þriðja tuginn.
Þetta eru nálægt fjórum
hekturum, landið sem ég nota
undir gulræturnar. Uppskeran er
breytileg eftir tíðarfarinu á sumrin
– og það stefnir í að hún verði ekki
mikil þetta haustið. Þetta getur þó
bjargast ef veðrið verður hagstætt
í september – hitastigið í moldinni
skipti öllu máli fyrir vöxtinn. Þær
þyngjast vel á sólardögum eins og í
dag. Kálið skilar sér alltaf, því það
þarf miklu styttri vaxtartíma,“ segir
Guðmundur.
Aukinn áhugi á grænkálinu
Gulrótaruppskeran í Leyni hleypur
á tugum tonna en mun minna er
skorið upp af káli. „Það stefnir í að
grænkálsuppskeran verði um fimm
tonn,“ segir Guðmundur og bætir
við að hann finni fyrir auknum
áhuga almennings á þessu holla og
góða káli. „Það er líka heilmikill
aukinn áhugi í veitingageiranum á
grænkálinu og við erum einmitt að
pakka núna í eins kílóa pakkningar
sem fer á tiltekna veitingastaði sem
eru í viðskiptum við okkur. Bananar
sjá líka um þá dreifingu fyrir okkur.
Við ræktum bara í svokölluðum
mómoldarjarðveg. Ég hef prófað að
rækta gulrætur í sendnum jarðvegi,
en mér finnst geymsluþolið verða
minna. Íslendingar vilja íslenskar
gulrætur og við finnum að það er
mikil eftirvænting núna eftir því að
þær berist í búðir. Ég var að taka
stöðuna á þessu hjá mér í gær og
ég hugsa að ég sendi frá mér fyrstu
uppskeru í kringum 5. september.“
Sker upp hvít- og kínakál í
samræmi við eftirspurn
Guðmundur var að skera hvítkál
þegar blaðamaður kom í heimsókn
og kom með uppskeru morgunsins á
traktornum til móts við hann í vinnu-
og geymsluskemmunni í Leyni. „Ég
tók bara pásu þegar þú hringdir, en
eins og þú sérð þá eru þetta fallegir
litlir hvítkálshausar sem ég skar upp.
Fyrirkomulagið virkar þannig að
búðirnar láta vita hvað vanti mikið
og ég sker þá bara upp jafnóðum í
samræmi við það. Það var beðið um
eitt bretti af hvítkáli og tvö bretti af
kínakáli eftir helgina og ég var að
byrja að uppskera fyrir þá pöntun.
Þetta dugar í hálft bretti það sem
ég er með hérna. Ég er með góðar
kæligeymslur og get geymt bæði
hvít- og kínakálið alveg í sex vikur
þar inni áður en ég sendi frá mér.“
Upptökuvélin afkastar 10–15
tonnum á dag
Fjölskylda Guðmundar, kona hans
og 13 ára dóttir, sinnir að mestu
störfunum í kringum ræktunina
og uppskeru. „Aðalvinnan er við
uppskeru á gulrótunum og þá fáum
við mann til að hjálpa okkur með
hana. Við erum með góða upptökuvél
sem afkastar 10 til 15 tonnum á dag.
Tveir til þrír starfsmenn vinna á
vélinni við upptökuna og flokkun.
Þegar við förum í upptöku þá
hættum við ekkert fyrr en henni er
lokið, gulræturnar mega ekki frjósa.
Við fyllum þessa skemmu nær alveg
með uppskerunni.
Það var óvenju mikið frost í vor
þannig að það var ekkert hægt að
byrja að sá fyrr en um miðjan maí.
Svo byrjaði að rigna og það rigndi
látlaust. Þess vegna eru þær svo seint
á ferðinni – eða hátt í mánuði seinna
kannski en í meðalári.“
Enginn illgresiseyðir er notaður
í kálræktinni í Leyni, en það eru
viðvarandi vandamál með kálflugu
og því þarf að verjast henni með eitri
sem heitir Perfection – en notkun
á því er í algjöru lágmarki, að
sögn Guðmundar. „Grænkálið þarf
reyndar engar varnir því það bítur
alla óværu af sér. Gulræturnar þurfa
hjálp til að verjast illgresinu en mjög
lítið af illgresiseyði þarf og honum
er mjög sjaldan úðað yfir akrana
– aðallega í byrjun sumars þegar
plönturnar eru að ná sér á strik, því
annars myndi illgresið vaða yfir þær.
Þetta er notað í það litlum mæli að
engin hætta er af neyslu gulrótanna.“
/smh
Á fundi stjórn ar Auð humlu í gær
lét Egill Sigurðsson frá Beru-
stöðum í Ásahreppi af störfum sem
formaður stjórn ar Auð humlu og
Ágúst Guðjónsson, bóndi á Læk í
Flóahreppi, tók við.
Egill hafði gegnt starfi formanns
í rúm tíu ár, en Ágúst var kosinn í
stjórn Auðhumlu á síðasta aðalfundi
félagsins 27. apríl 2018.
/smh
Lukas og Guðmundur Óli við pökkun á grænkáli.
Nýskornir hvítkálshausar frá Leyni.
Þegar blaðamaður var í heimsókn í Leyni þann 29. ágúst, taldi Guðmundur Óli Ingimundarson að gulræturnar hans myndu koma í búðir eftir viku. Myndir / smh
Vélin sem sér um upptökuna stendur í skemmunni á Leyni sem mun að
mestu fyllast á næstu vikum.
Nýr formaður
Auðhumlu
– Ágúst á Læk í stað Egils
Ágúst Guðjónsson.
Innvigtunargjald
hækkar á mjólk
Stjórn Auðhumlu svf. ákvað á
fundi sínum 30. ágúst 2018 að
hækka sérstakt innvigtunargjald
úr 52 krónum á lítra á mjólk
umfram greiðslumark í 57 krónur.
Í tilkynningu sem birtist á vef
Auðhumlu í morgun segir:
„Er þetta gert með hliðsjón af því
verðmæti sem fæst fyrir þetta hráefni
í útflutningi.“
Lárus Björnsson í áhaldahúsinu og
Davíð Örvar Hanssonm starfsmaður
Flokkunarílát fyrir
sorp við Mývatn
Skútustaðahreppur í samstarfi
við Umhverfisstofnun hefur í
tilraunaskyni í sumar sett upp
flokkunarílát fyrir sorp á fimm
vinsælum ferðamannastöðum við
Mývatn.
Um er að ræða Skútustaði, Höfða,
Dimmuborgir, við Mývatnsstofu
og á Grímsstaðaútsýnispalli. Um
þróunarverkefni er að ræða. Verða
tvö flokkunarílát á hverjum stað,
annað fyrir almennt sorp og hitt fyrir
pappír og plast. Skútustaðahreppur
festi kaup á flokkunarílátunum og
starfsmenn Umhverfisstofnunar sjá
um að tæma þau reglulega. Reynslan
sem fæst af þessu verkefni verður
metin í haust og tekin ákvörðun um
framhaldið. /MÞÞ
Laxveiðiár
vaktaðar
Hafrannsóknastofnun annast
ýmsa þætti varðandi vöktun á
laxveiðiám til að fylgjast með í
hve miklum mæli strokfiskar úr
eldi skili sér í veiðiár.
Hluti af þessari vöktun er sú að
laxar sem veiðast og eru grunaðir um
að vera af eldisuppruna eru sendir
í svokallaða arfgerðagreiningu á
erfðarannsóknastofu Matís ohf. /VH