Bændablaðið - 06.09.2018, Blaðsíða 1

17. tölublað 2018 ▯ Fimmtudagur 6. september ▯ Blað nr. 522 ▯ 24. árg. ▯ Upplag 32.000 ▯ Vefur: bbl.is
Vætutíðin í sumar á Suðurlandi hefur sett strik í reikninginn hjá garðyrkjubændum í útirækt. Enn getur brugðið til beggja vona hjá þeim með afkomuna í haust, en góðir dagar í lok ágúst og
byrjun september gætu gert gæfumuninn. Hér eru þau Sigrún Pálsdóttir og Þröstur Jónsson í Garðyrkjustöð Sigrúnar við skurð á kínakáli. Rætt er við Sigrúnu á blaðsíðu 27. Mynd / smh
Þungt hljóð í ungum bændum vegna stöðunnar í sauðfjárbúskapnum og sumir tala um að bregða búi:
Búreksturinn fjármagnaður
með tekjum utan búsins
Staða sauðfjárbænda er erfið og á
það ekki síst við um unga bændur
sem tiltölulega stutt er síðan þeir
hófu búskap. Margir þeirra vinna
utan búsins og halda rekstri
búanna gangandi með tekjum sem
þeir afla utan búsins.
Jóna Björg Hlöðversdóttir,
Björgum í Þingeyjarsveit og
formaður Samtaka ungra bænda,
segir að meðlimir samtakanna
séu mjög hugsandi yfir stöðu
sauðfjárræktarinnar.
Ungir bændur tala um
að bregða búi
„Hljóðið í mörgum ungum bændum,
sem hafa verið að fjárfesta í
sauðfjárrækt, er þungt og þeir segja
margir að þeir hafi ekki haft tíma til
að koma sér fyrir og borga niður lán
eftir þeim áætlunum sem þeir gerðu
vegna forsendubrests. Ég hef heyrt
unga bændur tala um að fækka og
jafnvel hætta búskap.
Flestir vinna utan búsins og
hafa fjárbúskap að aukastarfi og
sumir hverjir eru að borga með
búrekstrinum með tekjum utan
búsins.
Fyrir ekki svo löngu var nýliðun
í landbúnaði stýrt inn á sauðfjárrækt
með nýliðunarstyrkjum þrátt fyrir
að því sé hætt í dag. Nýliðar sem
ekki höfðu bakland leituðu því
í sauðfjárrækt og lengi vel voru
sauðfjárbændur hvattir til að
framleiða sem allra mest.“
Óneitanlega erfið staða
Jóna Björg segir að óneitanlega sé
ástandið í sauðfjárrækt í dag ekki
eins og best verður á kosið og að
hún sé ekki með lausnina í hendi sér.
„Um þessar mundir er mikið talað
um frystingu á stuðningsgreiðslum
og ef frystingin er miðuð við einhver
ákveðin tímabil, þá er ég smeyk um
að þar geti einhverjir bændur lent
á milli og utan greiðslukerfisins.“
Sauðfjárrækt hluti af stóra
planinu
„Ég er bjartsýn að eðlisfari og trúi
því að við viljum öll að það verði
áfram sauðfjárrækt í landinu og
að hagur sauðfjárbænda sé sem
bestur. Að mínu mati á að aðstoða
ungt fólk til að halda áfram búskap
því það er það sem er að leggja
allt undir og vill hafa búskap að
lífsstarfi. Við getum ekki litið
fram hjá því að ef ungt fólk hættir
búskap er hætt við að það verði rof
og að það detti hreinlega út kynslóð
viljugra bænda. Það hlýtur aftur á
móti að vera hluti af stóra planinu
að viðhalda sauðfjárrækt í landinu
og ég er sannfærð um að það séu
bjartari tímar fram undan þrátt fyrir
að staðan sé erfið í dag,“ segir Jóna
Björg Hlöðversdóttir, formaður
Samtaka ungra bænda.
Staða sauðfjárbænda er
sannar lega ekki góð. Að loknum
samningafundi ríkis og bænda,
sem haldinn var föstudaginn 31.
ágúst, er ljóst að ekki er von á
bráðaaðgerðum nú í haust. Bændur
verða því að taka ákvarðanir sínar
nú í haust með hliðsjón af því, að
mati Unnsteins Snorra Snorrasonar,
framkvæmdastjóra Landssamtaka
sauðfjárbænda. /VH
– Sjá nánar um málið á bls. 10
Jóna Björg Hlöðversdóttir, formaður
Samtaka ungra bænda.
Slæmar
uppskeruhorfur
í Flóahreppi
26
Engar aðgerðir fyrir
sauðfjárbændur í haust
10 22
Efnagreining
greinir heysýni