Slökkviliðsmaðurinn - 01.08.1974, Blaðsíða 5

an, til að stuðla nægilega vel að hagsmunamálum
sínum. Flestir þeir slökkviliðsmenn sem skipaðir
eru í slökkvilið víðsvegar um landið, hafa slökkvi-
starf ekki að aðalatvinnu og hafa þess vegna ekki
haft tíma né aðstöðu til að fylgjast með fram-
kvæmd mála um kaup og kjör á hverjum tíma.
Slökkviliðsmenn eru flestir afar illa launaðir og
þau dæmi finnast að þeir séu ólaunaðir. Jafn-
framt eru þeir afar illa tryggðir, ef miðað er við
aðra launþega. Fæstir gera sér grein fyrir þeim
hættum er slökkvistarfi fylgja, og margir telja
starfið litið og löðurmannlegt. Fólk vill gleyma
t>ví, að mesti eyðingarmáttur j arðkringlunnar er
eldur. íslendingar hafa verið heppnir hve lítið
manntjón hefur verið í eldsvoðum, en aðra sögu er
að segja um brunatjón á eignum. Ef við lítum
aðeins aftur til ársins 1968, þá eru íslendingar
með eitthvert hæsta eignatj ónshlutfall vegna elds
i heiminum, er skýrslur sýna, ef miðað er við fólks-
fjölda, en þessar tölur hafa lækkað mikið síðustu
2—3 árin, og það tel ég mest að þakka starfi
Brunamálastofnunar ríkisins. En betur má ef duga
skal. Það dugir ekki lengur sem áður var, að fá
fólk til að drífa að, ef elnsvoða bar að höndum,
til að handlanga skjóður i eldinn. í dag eru
slökkvitæki orðin það fullkomin og margþætt, að
einungis er hægt að notast við vel þjálfaða
slökkviliðsmenn til slökkvistarfa ef árangur á að
nást. Tel ég höfuðnauðsyn að komið verði upp
skóla fyrir slökkviliðsmenn og, að ekki verði ráðnir
aðrir til starfa en þeir, sem lokið hafa prófi, við
viðkomandi skóla (eins og tíðkast víða erlendis).
Tilgangur og markmið Landssambandsins er:
ai Að sameina í eitt samband alla slökkviliðs-
menn, með það sem höfuðmarkmið, að vinna
að hagsmunamálum þeirra.
b) Að gangast fyrir stofnun aðildarfélaga á öllu
landinu. Þau félög, sem fyrir eru, halda sér
óbreytt.
c) Veita félögum alla þá aðstoð, sem Sambandið
getur í té látið, og halda uppi sem nánustum
tengslum við þau, og gefa út fréttablað minnst
einu sinni á ári.
d) Sambandið mun koma fram af hálfu aðildar-
félaganna, í samskiptum við önnur heildar-
samtök og opinber yfirvöld. Að vinna að auk-
inni starfsmenntun slökkviliðsmanna, svo og
annarri starfsþjálfun, meðal annars með því
að gangast fyrir hvers konar fræðslustarfsemi,
í samráði við opinbera aðila, svo sem Bruna-
málastofnun rikisins, Almannavarnir, Flug-
málastjórn, Bæjar- og sveitarfélög o. fl.
e) Að beita sér fyrir aukinni fræðslu almennings
í eldvörnum, með því meðal annars, að gefa
út eða stuðla að útgáfu blaða, bóka og ritlinga,
og láta flytja í fréttamiðlum skýrslur, fréttir,
ritgerðir og greinar, er samtökin varða.
Eins og fram hefur komið frá opinberum aðil-
um, er slökkviliðsmönnum lagt á herðar að gæta
öryggis allra landsmanna, ef neyðarástand brýst
út í einhverri mynd. Þar af leiðandi teljum við
það skyldu hvers bæjar- og sveitarfélags, að sýna
í verki, að störf slökkviliðsmanna séu virt, með
því að þeim sé greitt kaup í samræmi við aðrar
stéttir þjóðfélagsins.
Eins og að framan getur, er tilgangur Lands-
sambandsins margþættur og því eðlilegt, að al-
menningur í landinu stuðli að uppbyggingu Sam-
bandsins eftir bestu getu. Eitt höfuðmarkmið
sambandsins er, að fá lagfært það misræmi, er
átt hefur sér stað hjá slökkviliðsmönnum, því
staðreyndin er, að „þvi betur uppbyggt slökkvilið,
því meira öryggi landsmanna“.
Guðmundur Haraldsson.
Tryggingar
Tryggingar slökkviliðsmanna hafa verið mjög
óljósar undanfarin ár. Gefnar hafa verið upp
ýmsar tölur, sem svo ekki hafa staðist.
Stjórn L.S.S. sendi Tryggingastofnun ríkiSins
fyrirspurn og óskaði eftir upplýsingum um trygg-
ingamál slökkviliðsmanna. Okkur barst eftirfar-
andi svar:
Tryggingar slökkviliðsmanna koma undir lið
e) 29. gr. laga um almannatryggingar. Þessi liður
hljóðar þannig, miðað við 1. febr. 1972:
Ekkja hins látna hlýtur mánaðarlega upphæð í
8 ár frá dauða maka. Sú upphæð er nú kr. 12.245,00
á mánuði. Þessar bætur greiðast með öllum öðrum
tegundum bóta og falla ekki niður, þó ekkja giftist
að nýju. Með hverju barni hins látna, undir 17
ára aldri, greiðist barnalífeyrir, sem nú er kr.
5.001,00 á mánuði.
Foreldri hins látna fær lágmark 153.044,00 í
dánarbætur og allt að kr. 459.132,00, eftir því, að
hve miklu leyti hinn látni veitti þeim stuðning.
Sama gildir um barn hins látna yfir 16 ára aldri,
sem er öryrki og þáði aðstoð föður.
Miðað við 100% örorku fær hinn slasaði greidd-
an fullan örorkulífeyri, sem nú er kr. 9.772,00 á
mán. Einnig fær hann barnalífeyri með börnum
sínum undir 17 ára aldri, eins og að ofan greinir.
SLÖKKVILIÐSMAÐURINN 3