Slökkviliðsmaðurinn - 01.08.1974, Page 29

Millifroða
Froðutala 60—200
Notkun millifroðu og léttfroðu hefur rutt sér
mjög til rúms á undanförnum árum, bæði erlend-
is og hérlendis. Víðtækar rannsóknir og tilraunir
hafa verið gerðar á notkun hennar og við það
komið fram bæði jákvæð og neikvæð atriði.
Við tilkomu nýrra slökkviefna hafa menn haft
tilhneigingu til að gera of mikið úr slökkvimætti
þeirra, oft haldið að hér væri komið hið eina og
sanna efni sem allan vanda leysti. Á þessu hefur
talsvert borið bæði í sambandi við milli- og létt-
froðu og létta vatnið svokallaða. Því miður, svo
er ekki. Gamla, góða vatnið er enn það slökkviefni
sem best er treystandi. Hins vegar hafa þessi
slökkviefni yfirburði við vissa tegund elda. Þetta
verður mjög að hafa í huga og dæma notagildi
þeirra út frá því.
Millifroða er blanda froðuvökva og vatns í á-
kveðnum hlutföllum. Froðuvökvi millifroðunnar
er samsettur úr tilbúnum efnum sem minna á
sulfosápu. Froðuvökvi er framleiddur víða um
heim og er hann sennilega nokkuð mismunandi
að gæðum, allavega er talsverður verðmismunur
á honum. Ekki skal þó lagður dómur á það hér
hver þeirra er bestur. Hinir ýmsu framleiðendur
hafa hver sína aðferð við gerð vökvans og er
hann að meira eða minna leyti framleiðsluleynd-
armál. Þeir eiginleikar sem helst er sótst eftir,
eru: Viðloðun froðunnar og að hún standist hita,
ryk og gastegundir sem best.
Froðutala: Með froðutölu er átt við hlutfall
vatns/froðuvökva og froðumyndunar. Froðutalan
60 þýðir að 1 lítri vatns/froðuvökva verða að 60
lítrum af froðu og að sama skapi froðutalan 200
að 1 litra vatns/froðuvökva verða að 200 lítrum
af froðu. Hlutfall froðuvökvans er mjög lítill eða
um 1—6% eftir því á hvaða tölu froðublöndung-
urinn er stilltur. Mismunurinn á froðutölu (létt-
leika froðunnar) næst með stillingu blöndungsins
og þrýsting vatnsins.
Eiginleikar froðunnar fyrir slökkvistarf eru
Tryggvi Ólafsson, varðstjóri, Slölckviliðinu í Reykjavík.
fyrst og fremst kæfandi, þó eru kælandi áhrif
hennar einnig nokkur vegna vatnsyfirborðs loft-
bólanna.
Millifroðutrektir eru til af nokkrum gerðum og
stærðum. Eru þær ýmist svokallaðar vellutrektir,
þar sem froðan veltur út og sem kasttrektir þar
sem lögun trektarinnar er þannig gerð að kasta
má froðunni nokkra vegalengd, ca. 8—15 m.
Myndun froðunnar fer fram á þann hátt að
vatninu, undir talsverðum þrýstingi, 100—180p.s.I.
— 7-12 kg/lm2, er dælt í gegnum froðublöndung-
inn. Hann er tengdur með slöngu í froðubrúsa.
Vinnur hann líkt og þannig að við hraða vatnsins
ssm streymir í gegnum hann myndast undirþrýst-
ingur í blöndungnum og froðuvökvinn sogast upp
úr brúsanum og blandast vatninu. Stilla má magn
froðuvökvans eftir tölum á blöndungnum. Töl-
urnar sýna prósentumagn vökvans er blandast
vatninu, t. d. 1 þýðir 1% og 6 að sama skapi 6%.
Vatns/froðublandan þrýstist síðan inn í trektina
um örsmá göt og sogar jafnframt með sér loft inn
um loftinntakið aftan á trektinni. Þessi blanda
streymir fram í net sem myndar loftbólurnar.
Hærri froðutala en ca. 200 næst þó ekki vegna
SLÖKKVILIÐSMAÐURINN 27