Slökkviliðsmaðurinn - 01.06.2003, Blaðsíða 14

14
Umfangsmikið brunavarnaátak
í kjölfar Laugavegsbrunans
Ikjölfar brunans við Laugaveg 40 og 40a
þann 19. október 2002 var á fundi slökkvi-
liðsstjóra með yfirmönnum forvarnadeildar
ákveðið að kanna möguleika á að framkvæma
ítarlega skoðun á húsum í þeim hverfum þar
sem byggð gamalla húsa er hvað þéttust. Það
sem helst hvatti til þessara ákvarðana var sú
staðreynd að eldur náði til tveggja húsa í
Laugavegsbrunanum og mikil mildi að þriðja
húsið skyldi ekki verða eldinum að bráð líka.
Hverfið sem tekið er fyrir núna afmarkast í
grófum dráttum þannig: Snorrabraut að aust-
an, Lækjargata að vestan, Hverfisgata að norð-
an og Grettisgata að sunnan. Samtals er um að
ræða u.þ.b. 300 hús. Til viðbótar koma síðan
þau sambýlishús sem skoðuð verða þannig að
heildarfjöldi húsa gæti verið um 350.
Á þessu svæði eru margar af eldri bygging-
um Reykjavíkur sem margar hverjar voru
byggðar fyrir tíma reglugerða og samþykktra
teikninga. Að auki hafa verið reist bakhús og
viðbyggingar sem ekki koma fram á teikning-
um. Af þessu mætti skilja að í heildina sé um
ófremdarástand að ræða en svo er þó ekki. Þó
eru þarna nokkrir kjarnar sem nauðsynlega
þarf að fá lagfærða. Um er að ræða sam-
byggðar byggingar án eldvarnaveggja og
byggingar sem standa það þétt að sambruna-
hætta er fyrir hendi. Einnig hafa verið gerð
göt í eldvarnaveggi. I mörgum tilfellum er
um blandaða notkun að ræða.
Við Laugaveginn og aðliggjandi götur eru
yfirleitt verslanir á jarðhæð og á efri hæðum
skrifstofur eða íbúðir. Mörg íbúðarhús eru á
baklóðum á þessu svæði, flest þeirra eru ein-
býlishús.
Undirbúningur og aðferðir
Akveðið var að senda eigendum atvinnuhús-
næðis bréf og bjóða þeim að vera viðstaddir
skoðun bygginganna. Einnig voru send bréf
til íbúðaeigenda/íbúa fjölbýlishúsa og þeim
boðin eldvarnaskoðun á sameign án kvaða
um úrbætur, en þetta er sá háttur sem hafður
er á varðandi skoðun fjölbýlishúsa almennt.
Við gerum okkur vonir um að takast megi
með þessum hætti að fá fólk til að hugsa um
brunavarnirnar. Úttektirnar eru því sem næst á
hefðbundnu formi forvarnasviðs. Skipulags-
Algengt er að gerðar séu athugasemdir við hvernig
staðið er að geymslu á sorpi.
stofa útbjó fyrir okkur kort af svæðinu með
sérmerktum öllum þeim húsum sem innihalda
atvinnustarfsemi. Byggingafulltrúaembættið sá
svo um að ljósrita fyrir okkur byggingarnefnd-
arteikningar af öllum þessum húsum.
Einnig lét byggingarfulltrúi okkur hafa gát-
lista með þeim atriðum sem hann vill leggja
áherslu á og verða þeir útfylltir og afhentir
honum. íbúðarhús verða ekki skoðuð að inn-
an nema eigendur óski eftir því, en umhverfið
verður skoðað og teknar verða myndir til
glöggvunar fyrir þá sem að málinu koma.
Kröfur um úrbætur
Eftir skoðun er kröfubréf sent til eigenda á
sambærilegu formi og venja er í öðrum skoð-
unum. f húsum þar sem bæði eru íbúðir og
atvinnustarfsemi er hluti athugasemda settur
fram sem ábendingar og hluti sem kröfur. í
fjölbýlishúsum eru skilin eftir útfyllt skoðun-
arblöð, þau sömu og í öðrum fjölbýlishúsa-
skoðunum.
Þegar gerðar eru kröfur á gömul hús þarf að
taka tillit til aldurs þeirra því oft og tíðum er
útilokað að ætlast til þess að þau geti uppfyllt
kröfur um brunavarnir sem gerðar eru til húsa
í dag. Því hefur verið tekið tillit til þessa við
kröfúgerðina og frekar reynt að benda á mót-
vægisaðgerðir til að auka öryggi. Með mót-
vægisaðgerðum er oftast lagt til að setja upp
viðvörunarkerfi til að stytta viðbragðstíma.
Staðan eftir þrjá mánuði
Fyrsta skoðun fór fram 17. janúar 2003. Um
mánaðamót apríl/maí var búið að skoða um
50 hús og gera um 120 skýrslur því hver
eignarhluti er skoðaður sérstaklega. Athuga-
semdalistar byggingarfulltrúa eru fylltir út og
fjölmargar myndir teknar af byggingunum
innan sem utan og einnig af nánasta um-
hverfi þeirra. Á sama tíma hafa níu sambýlis-
hús verið skoðuð á svæðinu. Nokkurn tíma
til viðbótar þarf til að ljúka verkefninu en
reiknað er með að því ljúki á þessu ári.
Þeir sem hafa unnið við verkefnið telja að
það hafi skilað ágætum árangri en spurning
er hvort niðurstöðurnar gefi ástæðu til að
halda þessu áfram með sama hætti og verið
hefur eða hvort breyta ætti fyrirkomulaginu.
Niðurstöður
Segja má að þær niðurstöður sem liggja fyrir
komi ekki svo mjög á óvart. í flestum tilfell-
um er um að ræða frekar hefðbundnar at-
hugasemdir. Helstu niðurstöður eru í 11
flokkum og raðað eftir þeim. Flokkunin var í
samræmi við neðangreinda töflu:
Ágallar á hólfunum að stigahúsum 33
Ágallar á hólfunum milli eignarhluta 25
Ágallar á klæðningum lofta og veggja 20
Sambrunahætta milli húsa 18
Ágallar á rýmingarleiðum 40
Ágallar á viðvörunarkerfum (reykskynjurum) 39
Ágallar á geymslu á sorpi 30
Umgengni um sameign ábótavant 16
Ágallar á rafbúnaði 8
Ágallar á gasbúnaði 6
Ágallar á slökkvibúnaði 35
Slökkviliösmaðurinn