Slökkviliðsmaðurinn - 01.06.2003, Blaðsíða 18

18
Erling Júlínusson slökkviliðsstjóri
Þurfum að takast á við
nýjar aðstæður og auknar skyldur
ErlingJúlínusson, nýbakaður slökkviliðsstjóri Slökkviliðs Akureyrar: Okkar bíða mörg mikilvœg verkefhi sem verður spennandi að takast á við.
angað til starf slökkviliðsstjóra hér á Ak-
ureyri var auglýst hafði ég ekki önnur
áform en að starfa áfram sem stöðvarstjóri
hjá Slökkviliði höfuðborgarsvæðisins enda var ég
ánægður í því starfi. En það er ekki oft sem starf
slökkviliðsstjóra í atvinnumannaliði losnar og
mér fannst ekki hægt annað en að láta reyna á
þetta. Það sakaði ekki að konunni leist strax vel á
að flytja norður. Eg reyndi að láta það ekki koma
mér á óvart að ég skyldi verða fyrir valinu enda
hefði ég ekki sótt um nema ég teldi að ég ætti
raunhæfa möguleika. Slökkvilið Akureyrar er öfl-
ugt og vel mannað lið og ég er mjög ánægður
með að vera kominn til starfa hér. Okkar bíða
mörg mikilvæg verkefni sem verður spennandi
að takast á við, segir Erling Júlínusson, nýráðinn
slökkviliðsstjóri hjá Slökkviliði Akureyrar, í sam-
tali við Slökkviliðsmanninn.
Segja má að talsverð tímamót hafi orðið hjá
Slökkviliði Akureyrar fyrr á þessu ári. í janúar
voru liðin 50 ár frá því teknar voru upp fastar
vaktir launaðra starfsmanna hjá liðinu. í febr-
úar tók Erling svo við starfi slökkviliðsstjóra af
Tómasi Búa Böðvarssyni sem hafði gegnt
starfinu í næstum 30 ár eða frá 1974.
Kona Erlings og dætur búa enn fyrir sunn-
an en hyggjast flytja norður með vorinu.
Fjölskyldan er búin að selja hús sitt í Reykja-
vík og er staðráðin í að koma sér fyrir á Ak-
ureyri til frambúðar. I miðju samtali blaðsins
við Erling fær hann símtal frá fasteignasala.
- Eg hef haft í mörgu að snúast síðan ég
kom norður svo það hefur hentað mér ágæt-
lega að búa einn. En við hlökkum auðvitað
til þess að koma okkur fyrir hér og búa sam-
an að nýju. Okkur líst mjög vel á að búa hér,
umhverfið er fjölskylduvænt og ég hef góða
tilfinningu fyrir fólkinu og öllum aðstæðum,
segir Erling.
Víðfeðmt starfssvæði
Erling vissi býsna vel að hverju hann myndi
ganga hjá Slökkviliði Akureyrar. Hann þekkti
til starfsmanna og aðstöðu liðsins og ekki sakar
að vaktir hjá Slökkviliði Akureyrar eru þær
sömu og hjá SHS. Liðin veita að mestu leyti
sams konar þjónustu en sá munur er þó á að
Slökkvilið Akureyrar rekur hvorki köfunar-
flokk né landflokk. Á hinn bóginn er sjúkra-
flug talsvert áberandi í starfi Slökkviliðs Akur-
eyrar en síður hjá sunnanmönnum. Talsverður
munur er jafnframt á starfssvæði liðanna því
starfssvæði Slökkviliðs Akureyrar er æði víð-
feðmt. Það nær vestur á miðja Öxnadalsheiði,
Slökkviliðsmaðurinn