Bændablaðið - 09.01.2020, Síða 12

Bændablaðið | Fimmtudagur 9. janúar 202012
VOR – verndun og ræktun, félag
framleiðenda í lífrænum búskap,
og Landbúnaðarháskóli Íslands
hafa nú tekið saman höndum til
að efla rannsóknir í lífrænum
landbúnaði hér á landi. Í blað-
inu er nú auglýstur styrkur til
MS-nema á sviði jarðvegsrann-
sókna sem miða að því að kanna
jarðvegsheilsu og lífrræðilegan
fjölbreytileika jarðvegs í líf-
rænni ræktun.
Nokkuð hefur skort á rann­
sóknum í lífrænni ræktun hérlend­
is og þykir mikilvægt að kanna
áhrif hennar hér á landi í ljósi
nýrra áskorana í umhverfismál­
um og mótun landbúnaðar í fram­
tíðinni. Erlendis hafa rannsóknir
sýnt fram á margvíslega kosti líf­
rænnar ræktunar m.t.t. vistkerfis
og sjálfbærni. Heilsa jarðvegs sé
almennt betri og jafnvel sé kolefn­
isbinding meiri. Í samstarfi sínu
munu VOR og LbhÍ leita leiða til
að koma á rannsóknum og mæl­
ingum á þeim lykilþáttum sem
snúa að samspili þessa ræktun­
arforms og umhverfisverndar í
land búnaði.
FRÉTTIR
Þeir sem fengu starfsaldursviðurkenningarnar, ásamt Ágústi Jónssyni, rekstrarstjóra MS á Selfossi, sem afhenti
viðurkenningarnar. Hann er lengst til vinstri, svo kemur Rúnar, Reynir, Sigurður og Jónas. Myndir / MS Selfossi
MS á Selfossi:
Tók á móti 75 milljónum
lítra af mjólk árið 2019
– Fyrirtækið veitti starfsaldursviðurkenningar í lok árs
Bráðabirgðatölur sýna að mjólk-
urbúið á Selfossi tók á móti 75
milljónum lítra af mjólk árið 2019
frá kúabændum.
Hjá MS Selfossi starfa u.þ.b. 124
starfsmenn að bílstjórum meðtöld­
um. Þann 30. desember síðastliðinn
var hefðbundið áramótakaffi haldið
fyrir starfsfólk MS Selfossi. Veittar
voru starfsaldursviðurkenningar og
starfsmenn sem létu af störfum á
árinu kvaddir.
Þeir sem fengu starfsaldurs­
viðurkenningu voru Rúnar Þór
Sævarsson og Sigurður Hilmarsson
fyrir 20 ár. Reynir Þórisson fékk
viðurkenningu fyrir 30 ár og Jónas
Lilliendahl fyrir 40 ár. Þeir sem
létu af störfum í búinu á síðasta ári
eru Unnar Ólafsson eftir tæplega
35,7 ára starf, Elsa Jónsdóttir eftir
rúmlega 24 ára starf og Ólafur
Jóhannsson eftir rúmlega 8 ára
starf. /MHH
Þrír starfsmenn létu af störfum hjá MS Selfossi á árinu 2019 en þau eru hér
ásamt Ágústi, frá vinstri, Ólafur, Unnar og Elsa.
Skarphéðinn Berg Steinarsson ferðamálastjóri og Sævar Freyr Þráinsson, bæjarstjóri á Akranesi, við Guðlaugu
eftir að verðlaunin höfðu verið afhent. Akraneskaupstaður sótti um í Framkvæmdasjóð ferðamannastaða árið 2017
og fékk 30 milljóna króna styrk til að hefjast handa við verkefnið. Markmið styrkveitingarinnar var að skapa nýtt
aðdráttarafl og styrkja þannig uppbyggingu ferðaþjónustu á svæðinu. Mynd / Ferðamálastofa
Ferðamálastofa:
„Guðlaug“ fékk umhverfisverðlaunin 2019
Verkefnið „Guðlaug“, sem er heit
laug í grjótvörn við Langa sand á
Akranesi, er handhafi umhverfis-
verðlauna Ferðamála stofu árið
2019.
Verðlaunin voru afhent rétt fyrir
jól í blíðskaparveðri við Guðlaugu.
Verkið var unnið á árunum 2017–
2018 og samanstendur af útsýnis­
palli, heitri laug og síðan grynnri
laug sem nýtur vatns úr yfirfalli efri
laugarinnar.
Vel að verki staðið
Mannvirkið er sagt það fyrsta sinnar
tegundar hér á landi og fellur vel
að þörfum útivistarsvæðisins við
Langasand, í miðjum grjótgarði
fyrir opnu hafi. Guðlaug er gott
dæmi um glæsilega framkvæmd þar
sem vel er að verki staðið og áhugi
heimamanna og fagaðila á að vanda
til verka augljós.
Guðlaug var formlega opnuð 8.
desember 2018. Guðlaug nýtur mikilla
vinsælda og hafa um 30 þúsund gestir
hvaðanæva að heimsótt laugina á
þessu rúmlega eina ári. /MHH
Verðlaununum var fagnað við Guðlaugu þar sem fulltrúar Akraneskaupstaðar,
Ferðamálastofu og aðrir sem tengjast verkefninu komu saman.
VOR og LbhÍ í samstarf
Á myndinni eru nokkur þeirra sem komu að mótun verkefnisins, þau
Kristján Oddsson, gjaldkeri VOR, og Kristín Vala Ragnarsdóttir, prófess-
or í sjálfbærnivísindum við HÍ, Eygló Björk Ólafsdóttir, formaður VOR, og
Snorri Baldursson, deildarforseti við auðlinda- og umhverfisdeild LbhÍ.
Wales - í landi rauða drekans
sp
ör
e
hf
.
Sumar 8
Stórbrotið landslag og keltnesk menning eru aðaleinkenni
áfangastaðar okkar, Wales. Ferðast verður um Norður-Wales,
áhugaverðir staðir skoðaðir og komið í fallega bæi og borgir,
svo sem Chester, Llandudno og Conwy. Einnig verður farið
um Snowdonia þjóðgarðinn og til borgar Bítlanna, Liverpool.
Ferðinni líkur í Manchester þar sem gaman er að skoða
mannlífið og borgina á eigin vegum.
9. - 15. júní
Fararstjóri: Árni Snæbjörnsson
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 Reykjavík
Verð: 168.800 kr. á mann í tvíbýli.
Mjög mikið innifalið!
Skagabyggð kostaði lagningu þriggja fasa jarðstrengs:
Fjárfrek framkvæmd og enginn
opinber stuðningur
„Í ljósi atburða síðustu daga er
varða gríðarlegar rafmagns-
truflanir á Norðurlandi vill sveitar-
stjórn Skagabyggðar benda á að
almennt voru íbúar í Skagabyggð
vel settir hvað rafmagn varðar,“
segir í ályktun sem samþykkt var
á síðasta fundi sveitarstjórnar
Skagabyggðar.
Fram kemur einnig að það sé ljóst
að ástandið hefði orðið mjög alvar­
legt á Skaga hefði rafmagnið ekki
verið í jörðu. Sveitarfélagið hefði
sjálft ráðist í lagningu 3ja fasa jarð­
strengs samhliða ljósleiðaralagningu
á Skaga á árunum 2013–2014, norð­
an Skagastrandar. Greiddi sveitarfé­
lagið á fjórða tug milljóna í flýtigjald
til RARIK, ásamt því að kosta alla
plægingu strengsins. Framkvæmd
sem þessi er gríðarlega fjárfrek og
ekki fékkst stuðningur frá hinu opin­
bera við hana, að því er fram kemur
í bókun sveitarstjórnar. /MÞÞ