Bændablaðið - 09.01.2020, Side 14

Bændablaðið | Fimmtudagur 9. janúar 202014
HLUNNINDI&VEIÐI
Það var hátíðisdagur í Grímsnes-
og Grafningshreppi laugardaginn
14. desember síðastliðinn því
þá var opnuð verslunin á Borg
eftir að hafa verið lokuð í marga
mánuði.
Það er þau Þórður Ingi Guðnason
og Björg Ragnarsson sem eiga
reksturinn en húsið eiga Svanur
Fannberg og Katrín Hjálmarsdóttir,
sem eiga Litlu kaffistofuna. Þórður
Ingi og Björg búa í Þorlákshöfn en
hann vinnur á Sólheimum og hún
mun sjá um að standa vaktina í
versluninni.
„Við erum mjög ánægð með þær
viðtökur sem við höfum fengið enda
hefur verið nóg að gera. Heimamenn
og ferðamenn sem koma til okkar
eru mjög ánægðir með að verslunin
hafi verið opnuð á ný,“ segir Björg.
Hægt er að kaupa allar nauð­
synja vörur í versluninni, auk gjafa­
vara og handverks eftir Björgu og
vinkonur hennar. Opið er alla daga
vikunnar frá kl. 9 til 18 yfir vetrar­
tímann og í sumar verður opið frá
klukkan 9 til 22 alla daga vikunnar.
/MHH
Ungir sem aldnir í Grímsnes- og Grafningshreppi, ásamt ferðamönnum og sumarbústaðaeigendum, eru duglegir
að koma við í versluninni á Borg hjá þeim Björgu og Þórði Inga og versla hjá þeim, hvort sem það er nammi, mjólk,
brauð, kjöt eða eitthvað allt annað. Mynd / Magnús Hlynur Hreiðarsson
Suðurland:
Verslunin á Borg í Grímsnesi opnuð á ný
Mikil ánægja er með opnun verslunarinnar á Borg á ný eftir að hún hafði
verið lokuð í fleiri mánuði.
FRÉTTIR
Hörgársveit:
Heimavist Þelamerkurskóla
breytt í allt að 9 leiguíbúðir
Fyrsti þáttur í nýju sameigin-
legu verkefni Hörgársveitar og
ríkisins og snýr að húsnæðis-
uppbyggingu í sveitarfélaginu
felur í sér breytingu á húsnæði
að Laugalandi á Þelamörk þar
sem áður var heimavist fyrir
Þelamerkurskóla en verður breytt
í hagkvæmt íbúðarhúsnæði.
Ásmundur Einar Daðason
félags­ og barnamálaráðherra og
Snorri Finnlaugsson, sveitarstjóri
í Hörgársveit, undirrituðu síðla
nýliðins árs viljayfirlýsingu um
aðkomu stjórnvalda að húsnæðisupp­
byggingu í Hörgársveit. Með þessu
verkefni er gert ráð fyrir að fjölga
megi leiguíbúðum í sveitarfélaginu
um allt að níu.
Spennandi kostur að
nýta eldra húsnæði
Í tilkynningu frá Stjórnarráðinu
segir að fjölga eigi leiguíbúðum í
sveitarfélaginu en mikill skortur
hefur verið á húsnæði í Hörgársveit
um lengri tíma meðal annars vegna
nálægðar við Akureyrarbæ, þar sem
mikill vöxtur hefur verið undanfarin
ár. „Það er spennandi kostur að nýta
húsnæði sem fyrir er í sveitarfélaginu
til þess að fjölga íbúðum í stað þess
að láta það standa óhreyft og byggja
nýtt, sagði Ásmundur Einar við
undirritunina.
Íbúðalánasjóður veitir þriggja
milljóna króna þróunarstyrk
Íbúðalánasjóður mun einnig koma
að útfærslu verkefnisins og hefur
sjóðurinn ákveðið að leggja sveitar­
félaginu til þriggja milljóna króna
styrk til þróunar þess. Styrkurinn er
veittur sem hluti af sérstöku tilrauna­
verkefni sjóðsins, sem snýr að því
að örva húsnæðisuppbyggingu utan
suðvesturhorns landsins og bregðast
við erfiðu ástandi á húsnæðismark­
aði, ekki hvað síst á landsbyggðinni.
„Að undanförnu hefur sams konar
verkefnum verið ýtt úr vör víða á
landsbyggðinni og eru fleiri í farvatn­
inu. Eftir langvarandi stöðnun þykir
mér afar ánægjulegt að fylgja þeim
úr hlaði á hverjum stað fyrir sig. Ég
hef lagt ríka áherslu á að húsnæð­
isskortur standi ekki atvinnuupp­
byggingu á landsbyggðinni fyrir
þrifum og bind vonir við að þessar
aðgerðir styrki atvinnulíf hringinn í
kringum landið,“ segir Ásmundur
Einar. /MÞÞ
Snorri Finnlaugsson, sveitarstjóri í Hörgársveit, Ásmundur Einar Daðason
félags- og barnamálaráðherra og Axel Grettisson, oddviti Hörgársveitar, við
undirritun viljayfirlýsingarinnar.
Bænda
23. janúar
Loftslagsvænn landbúnaður
Námskeið fyrir bændur
Í febrúar verða haldin heilsdags námskeið í loftslagsvænum
landbúnaði víða um land. Þar mun bændum og öðrum
landeigendum gefast kostur á að efla þekkingu á
loftslagsmálum. Farið verður yfir aðgerðir til að draga úr
kolefnisspori landbúnaðarins, með breyttri landnýtingu, ræktun,
áburðarnotkun og fóðrun, auk kolefnisbindingar. Kennarar
á námskeiðinu koma frá Ráðgjafarmiðstöð landbúnaðarins,
Landgræðslunni og Skógræktinni.
Námskeiðsstaðir verða ákveðnir með tilliti til fjölda skráninga
á hverju svæði. Mikilvægt er að áhugasamir skrái sig sem
fyrst í gegnum heimasíðu RML, rml.is til að hafa áhrif á hvaða
námskeiðsstaðir verða fyrir valinu.
Nánari upplýsingar á rml.is og í síma 516-5000
Ríflega hundrað hross fórust
í fárviðrinu í desember
Nú liggur fyrir að ríflega 100
hross fórust í hamfaraveðr-
inu sem gekk yfir Norðurland
vestra dagana 10.–12. des-
ember 2019. Þetta eru mestu
afföll á hrossum í áratugi og
svarar til um 0,5% þeirra
20.000 hrossa sem ætla má að
hafi verið á útigangi á þessu
landsvæði.
Samkvæmt upplýsing­
um MAST fórust hross á 46
bæjum, þar af 29 í Austur­
Húnavatnssýslu (61 hross),
9 í Vestur­Húnavatnssýslu
(20 hross) og á 8 bæjum í
Skagafirði (22 hross). Oftast
var um að ræða eitt til fjög­
ur hross á hverjum bæ, sem
gerir að meðaltali 2 hross á
bæ. Dreifingin endurspeglar
að afföllin verða ekki rakin
til óviðunandi aðbúnaðar eða
undirbúnings á ein staka bæjum
en ljóst má vera að veðrið kom
mishart niður á svæðum innan
landshlutans. Hross á öllum
aldri fórust í óveðrinu; 29
folöld, 34 trippi og 30 hryssur, en
einnig drápust 15 hestar, flestir full­
orðnir. Hryssurnar voru sömuleiðis
í flestum tilfellum í eldri kantinum
og því má segja að elstu og yngstu
aldurshóparnir hafi orðið verst úti
í óveðrinu.
Algengast var að hross hefði
hrakið undan veðri í skurði,
girðingar eða aðrar hættur en
einnig fennti hross sem stóðu
í skjóli, þ.m.t. hross sem rekin
höfðu verið sérstaklega í skjól
og gefið þar. Dæmi voru um
tveggja metra snjódýpt niður
á hræin, en gríðarlegir skafl­
ar mynduðust hvar sem skjól
var að finna. Almennt séð var
harðara á hrossum á jörðum
nærri ströndinni á meðan hross
sem stóðu hærra í landinu sluppu
mun betur, líklega vegna þess að
þar var kaldara og ekki hlóðst á
þau ís með sama hætti.
Afar óvenjulegt er að saman
fari svo hart norðanáhlaup með
mikilli úrkomu og hitastigi
við frostmark. Veðurskilyrðin
leiddu til þess að slydda lagðist
á hrossin og fraus þar. Hrossin
urðu klömbruð og þung sem
gerði þeim erfiðara fyrir að
standa af sér þá langvarandi
stórhríð sem á eftir fylgdi þar
sem veðurhæðin náði styrk
fellibyls á köflum. Skjól kom
ekki að gagni þar sem aðstæð­
ur voru verstar og átti það jafnt
við um manngerða skjólveggi og
náttúrulegt skjól. Hross voru alla
jafna í góðu standi fyrir áhlaupið
enda hafði haustið verið hagfellt
hrossum á útigangi. /HKr.
Magnús Ásgeir Elíasson, bóndi á Stóru-Ásgeirsá
í Víðidal, var meðal þeirra sem misstu hross í
óveðrinu.