Bændablaðið - 05.03.2020, Síða 10

Bændablaðið | Fimmtudagur 5. mars 202010
„Það verður að viðurkennast
að það eru margir orðnir lang­
þreyttir á ástandinu og horfa
með tilhlökkun til vorsins og
batnandi tíðar með blóm í haga,“
segir Sigfús Ingi Sigfússon,
sveitarstjóri í Sveitarfélaginu
Skagafirði.
Ansi langt er síðan Skag firðingar
hafa upplifað sam bærilegan vetur
og þann sem nú stendur enn yfir
og virðist í fullu fjöri. Veður hefur
verið mun verra en gengur og ger­
ist að vetrarlagi í byggðarlaginu.
Veður og tilheyrandi ófærð hafa
haft mikil áhrif á daglega starfsemi
í héraði, en tíð hefur verið einkar
rysjótt frá því norðanáhlaupið gekk
yfir landið 10.–11. desember síð­
astliðinn.
Þjóðvegur 1 bæði um Vatnsskarð
og Öxnadalsheiði hafa ítrekað í
vetur verið lokaðir og vegur um
Þverárfjall og Siglufjarðarvegur
enn oftar, en síðasttöldu vegirnir
eru í þjónustuflokki 3 sem skýrir
að þeir hafa verið lokaðir oftar, í
26 og 24 skipti. Mikil ófærð hefur
að auki verið á stundum innan
héraðs. Í þrígang hefur sjór flætt
yfir hafnarsvæðið og Strandveg á
Sauðárkróki.
Skólahald hefur margoft fallið
niður í vetur í grunnskólum hér­
aðsins. Sem dæmi má nefna að 4
heilir kennsludagar hafa fallið niður
í Árskóla á Sauðárkróki vegna
ófærðar eða rafmagnsleysis, 7 dagar
hafa fallið niður í Varmahlíðarskóla
og í Grunnskólanum austan Vatna
hafa fallið niður 8 kennsludagar. Því
til viðbótar hafa komið upp nokkur
tilfelli þar sem hluti kennsludaga
hafa fallið niður. Tíðar lokanir hafa
einnig verið í vetur í leikskólum,
tónlistarskóla og íþróttamannvirkj­
um af sömu völdum.
Sigfús segir ekki búið að meta
heildartjón sem hlaust af óveðrinu
í desember. Raforkukerfi hafi lask­
ast verulega á nokkrum svæð um,
þá varð umtalsvert tjón á hafnar­
svæðinu á Sauðárkróki og sjóvar na­
görðum þar sem í tvígang flæddi inn
á svæðið. Hann nefnir einnig að tjón
hafi orðið á húsakosti í dreifbýli,
skepnur fennt og mikið tjón orðið
víða um hérað vegna skemmda á
girðingum. Þá hafi stöku kúabóndi
í Skagafirði orðið fyrir tjóni vegna
rafmagnsleysis í desember og eins
megi nefna tjón í formi vinnslu­
stöðvana hjá fyrirtækjum. /MÞÞ
FRÉTTIR
Náttúrulegur
styrkur
Skagfirðingar langþreyttir
á óvenju erfiðum vetri
– Horfa með tilhlökkun til vors og batnandi tíðar
Umtalsvert tjón hefur orðið á hafnarsvæðinu á Sauðárkróki og sjóvarnagörðum þar sem í tvígang hefur í vetur flætt
inn á svæðið. Skagfirðingar og eflaust fleiri bíða vors með óþreyju eftir óvenju erfiðan vetur.
Mynd / Sveitarfélagið Skagafjörður
Fimm ný verndarsvæði í byggð
Lilja Alfreðsdóttir mennta­ og
menn ingarmála ráðherra hefur
staðfest tillögur að fimm nýjum
verndar svæðum í byggð. Til­
gangur slíkra svæða er að stuðla að
verndun byggðar vegna svipmóts,
menningarsögu eða listræns gildis
þeirra.
Tillögur um verndarsvæði
koma frá viðkomandi sveitarfélagi
en Minjastofnun Íslands veitir
sveitarfélögum ráðgjöf
við undirbúning til lagna
og skilar einnig um sögn
sinni til ráðherra.
Svæðin sem um ræðir
nú eru framdalur­
inn í Skorradal,
gamli bæjarhlutinn á
Sauðár króki, vestur­
hluti Víkur í Mýrdal,
Þórkötlustaða hverfi í
Grindavík og bæjar­
hlutarnir Plássið og
Sandur inn á Hofsósi í
Skagafirði.
Byggð svæði hluti
af menningararfi
„Menningararfur okkar Íslendinga
er fjölbreyttur og byggð svæði eru
hluti hans. Verndarsvæði í byggð
geta meðal annars haft sögulegt,
félagslegt eða fagurfræðilegt gildi
fyrir fyrri, núlifandi og komandi
kynslóðir. Fyrstu verndarsvæðin
voru staðfest árið 2017 og nú
eru þau orðin tíu talsins. Ég hvet
landsmenn til þess að heimsækja
þessi svæði og kynna sér merkilega
sögu þeirra og þýðingu – bæði þá og
nú,“ segir ráðherra í frétt á vefsíðu
ráðuneytisins.
Eitt svæðanna er vesturhluti
Víkur í Mýrdal, svæði sem nær frá
Víkurbraut 16 í austri og tekur til
húsa norðan Víkurbrautar til og með
bátaskýlisins við Víkurbraut 40a,
auk húsa númer 21 (Halldórsbúð),
21a, 17 (Skaftfellingabúð), 19, 11 og
11a, sem eru sunnan Víkurbrautar.
Innan þessarar afmörkunar eru
verslunar­ og íbúðarhús frá upphafi
fjölbýlismyndunar í Vík og fram
til ársins 1918, auk nokkurra yngri
bygginga.
Tvö verndarsvæði í Skagafirði
Gamli bærinn á Sauðár­
króki: er á svæði sem
afmarkast að norðan
af nyrsta íbúðar­
húsi Sauðár króks, að
austan af Strandvegi,
að sunnan af Kirkju­
torgi og Kirkjuklauf
(Hlíðarstíg) og að
vestan af Nöfum.
Pláss ið og Sandurinn
á Hofsósi er á svæði
sem er um 3 hektarar að
stærð og afmarkast af
Brekkunni að norðan,
af brekkubrún Bakkans að austan
og sjó og hafnargarði að sunnan og
vestan.
Framdalur Skorradals afmarkast
við heimatún bæjanna Háafells,
Fitja, Sarps, Efstabæjar, Bakkakots
og Vatnshorns. Einnig nær verndin
til gömlu þjóðleiðanna sem liggja
um lönd fyrrgreindra bæja. Um er að
ræða fornar þingleiðir, biskupa­ og
prestaleiðir m.a. tengdar Fitjakirkju
og Þingvöllum, gamlar verleiðir
milli landshluta og leiðir til aðdrátta
sem lengst af lágu til Hvalfjarðar.
Þórkötlustaðahverfi í Grindavík
er svæði sem afmarkast af Austur­
vegi til norðurs og af túnmörkum og
hlöðnum túngörðum við Sloka hraun
til austurs. Strandlengja Þórkötlu­
staða bótar afmarkar svæðið til
suðurs og vesturmörkin eru við
Kóngahraun við Þórkötlustaðanes.
/MÞÞ
Lilja Alfreðsdóttir.