Bændablaðið - 05.03.2020, Side 27
Bændablaðið | Fimmtudagur 5. mars 2020 27
Setningarathöfn Búnaðarþings
2020 fór fram í hádeginu á
mánudag í Súlnasal Hótel Sögu.
Guðrún S. Tryggvadóttir,
formaður Bændasamtaka
Íslands, flutti setningarræðu
og síðan ávarpaði Kristján Þór
Júlíusson sjávarútvegs- og
landbúnaðarráðherra gesti. Haraldur
Benediktsson, alþingismaður og
fyrrverandi formaður Bændasamtaka
Íslands, hélt hátíðarræðu. Soffía
Björg Óðinsdóttir flutti eigin tónlist
og veitingar voru í boði íslenskra
bænda.
Loks veitti Kristján Þór tveimur
bæjum landbúnaðarverðlaunin,
nautgripabændunum í Garði í
Eyjafirði og blómaframleiðendunum
á Espiflöt í Reykholti í Biskups-
tungum, og er nánar fjallað um
verðlaunin hér annars staðar á
síðunni.
Stöndum þétt saman
Í ræðu Guðrúnar kom fram að
viðeigandi hafi verið að nota
slagorðið „stöndum þétt saman“
fyrir Búnaðarþingið 2020 vegna
þess að félagskerfi landbúnaðarins
var eitt af stóru málum þingsins.
„Nefnd var skipuð sem hafði það
verkefni að leggja fram tillögu að því
hvernig einfalda mætti félagskerfið.
Við bændur erum með talsvert mörg
félög, bæði eftir búgreinum og
eins eftir landsvæðum. Nú þegar
samkeppnin við innfluttar búvörur
er orðin býsna hörð, meðal annars
vegna innflutnings á fersku kjöti og
aukinna heimilda á ostainnflutningi
á lágum eða engum tollum, er enn
mikilvægara en áður að við náum
að þétta raðirnar.
Bændur – sama í hvaða búgrein
þeir starfa – þurfa að standa saman
sem ein heild,“ sagði Guðrún.
Hún bætti við að stefna ætti að
samstöðu víðar en í landbúnaði,
bændur, stjórnvöld og neytendur
eiga saman að standa vörð um
íslenska framleiðslu. „Við eigum að
sameinast um að tryggja fæðuöryggi
þjóðarinnar, framleiða fyrsta flokks
matvæli og hafa gæði þeirra alltaf
í forgrunni. Horfum á holla og
heilbrigða fæðu sem þátt í lýðheilsu
þjóðarinnar,“ sagði hún.
Guðrún sagði að Ísland þyrfti
sjálfbæran og samkeppnishæfan
landbúnað til að tryggja framleiðslu
á hágæðamat fyrir landsmenn alla
– líka sterkt félags- og efnahagslegt
samfélag á landsbyggðinni.
„Við þurfum að koma á
heildstæðri stefnu um landbúnaðinn
og hvaða hlutverki hann á að
þjóna fyrir þjóðfélagið. Skýr
stefna er grundvöllur þess að
íslenskur landbúnaður geti þróast
og tekist á við þær áskoranir sem
landbúnaðargeirinn og dreifbýlið
stendur frammi fyrir. Örar breytingar
á ytra umhverfi og neysluháttum er
áskorun fyrir frumframleiðendur
og alla fæðukeðjuna. Þessar
breytingar gera það að verkum að
landbúnaðurinn þarf að aðlagast
nýju umhverfi og það hratt. Við
verðum að huga á nýjan hátt að
framleiðslunni – hvernig hún
fer fram og hvað er framleitt.
Landbúnaðarstefnan þarf eðlilega
að ríma við matvælastefnu,
innkaupastefnu og aðra gildandi
stefnumótun sem hefur verulega
snertifleti við hana.
Nútímavædd landbúnaðarstefna
þarf að leggja meiri áherslu á
umhverfi og loftslag: Stuðla að
umskiptum í átt til sjálfbærari
landbúnaðar og styðja við þróun
lifandi og öflugra sveita.
Stefnumótun er ekki töfraorð sem
mun leysa öll viðfangsefni á einni
nóttu. En hún mun koma okkur nær
því að vinna betur saman. Skýrir
BETRA START
MEÐ EXIDE RAFGEYMUM
Áreiðanlegir og sterkbyggðir rafgeymar fyrir
flestar gerðir dráttarvéla. Veldu þaulreynda
vöru frá gæðaframleiðanda.
Ráðgjafar Olís og Rekstrarlands veita allar nánari
upplýsingar í síma 515 1100 eða pontun@olis.is.
Ræður við setningarathöfn Búnaðarþings 2020:
Stöndum þétt saman
– um stefnu að nýjum og betri landbúnaði framtíðarinnar
Frá fundi á Búnaðarþingi 2020 sem fram fór í Bændahöllinni í Reykjavík. Mynd / HKr.
Guðrún Tryggvadóttir við setningu Búnaðarþings Bændasamtaka Íslands
2020. – Framhald á næstu síðu