Bændablaðið - 05.03.2020, Side 30

Bændablaðið | Fimmtudagur 5. mars 202030
BÚNAÐARÞING 2020 STÖNDUM ÞÉTT SAMAN
Ályktanir Búnaðarþings 2020
Búnaðarþing 2020 ályktaði
um fjölda mála. Á vefsíðu
Bændasamtakanna, bondi.is, er
að finna ítarlegri texta, ályktanir
og greinargerðir í heild sinni. Þar
eru einnig fundargerðir þingsins
aðgengilegar ásamt upplýsingum
um þingfulltrúa og nefndaskipan.
Landbúnaðarstefna
Búnaðarþing 2020 beinir því til
stjórnar Bændasamtakanna að
hraða mótun landbúnaðarstefnu.
Markmiðið er að til verði
áherslupunktar sem byggðir
eru á grunni stefnumarkmiða
aðildarfélaga Bændasamtakanna.
Samtökin komi á samtali
aðildarfélaga sinna, með það að
leiðarljósi að fá fram markmið
þeirra og sjónarmið. Stjórn BÍ er
falið að sjá um framgang málsins.
Nýtt skipulag á félagskerfi
landbúnaðarins
Búnaðarþing 2020 felur stjórn
BÍ að ljúka endurskipulagningu
á félagskerfi samtakanna,
við þá vinnu verði tillögur
félagskerfisnefndar sem liggja fyrir
Búnaðarþingi hafðar til hliðsjónar.
Tillögur að nýju og fullmótuðu
skipulagi félagskerfisins liggi fyrir
eigi síðar en á Búnaðarþingi 2021.
Búnaðarþing leggur ríka áherslu
á eftirfarandi þætti:
• Ein öflug hagsmunasamtök
fyrir landbúnaðinn.
• Bein aðild félagsmanna að BÍ
með veltutengdu félagsgjaldi.
• Byggt á tveimur megin stoðum,
bændum og landbúnaðar­
tengdum fyrirtækjum.
Umhverfisstefna landbúnaðarins
2020-2030
Búnaðarþing 2020 samþykkir
Umhverfisstefnu landbúnaðarins
2020­2030.
Markmið með stefnumörkuninni
eru m.a. eftirfarandi:
1. Að umhverf iss tefnan
verði leiðarljós einstakra
bænda og búgreina sem
og landbúnaðarins alls í
umhverfismálum.
2. Að umhverfisstefnan
verði mikilvægt verkfæri
við endurskoðun búvöru­
samninga og aðra framtíðar­
samninga ríkis og bænda um
umhverfistengd verkefni.
3. Að umhverf is s tefnan
verði mikil vægt verk­
færi til markaðs sóknar
landbúnaðarvara á íslenskum
markaði og jákvæðrar
ímyndarsköpunar fyrir
íslenskan landbúnað.
Umhverfisstefnan fjallar á
almennan hátt um landbúnað og
umhverfismál og skilgreinir megin
markmið íslensks landbúnaðar í
umhverfismálum næsta áratuginn.
Lagt er til að leiðarljós stefnunnar
verði loftslagsmál, sjálfbærni
og vistheimt og meginmarkmið
landbúnaðar í umhverfismálum
hafi skírskotun í þessa þætti.
Jafnréttisstefna BÍ
Bændasamtök Íslands eru samtök
bænda sem starfa að framgöngu
landbúnaðar á Íslandi í víðri
merkingu. Með jafnréttisáætlun
vilja Bændasamtök Íslands stuðla
að jafnrétti kynjanna, jafnri stöðu
og virðingu kvenna og karla í
félagskerfi sínu með því að ryðja
úr vegi hindrunum sem geta verið
á vegi kvenna og karla. Áætluninni
er ætlað það hlutverk að skoða og
endurmeta aðstæður á hverjum
vinnustað og tryggja sambærilega
möguleika fyrir alla starfsmenn.
Auknu jafnrétti fylgja ný verkefni,
meiri stöðugleiki og aðdráttarafl
fyrir nýtt starfsfólk. Stjórnendur og
starfsfólk taka höndum saman og
vinna markvisst að jafnrétti með
hagsmuni allra í huga.
Markmiðið er að auka hlut kvenna
í nefndum, ráðum og stjórnum á
vegum Bændasamtaka Íslands með
því að leitast við að tilnefna fólk af
báðum kynjum. Samtökin leitist við
að skapa jákvæða ímynd samtakanna
varðandi viðhorf til kynjanna.
Friðun landsvæða og stofnun
þjóðgarðs
Búnaðarþing 2020 krefst þess
að friðun landsvæða og stofnun
þjóðgarðs verði ekki gerð nema
í samvinnu og með samþykki
landeigenda og sveitarfélaga.
Landsvæði verði ekki tekið undir
friðunarákvæði án þess að ítarlegt
samráð verði haft við alla hagaðila
að málinu og horft til áhrifaþátta svo
sem atvinnuveg, landbúnað og fleira.
Málinu verði fylgt eftir í samræmi
við umsagnir Bændasamtaka
Íslands um frumvarp til laga um
þjóðgarðastofnun og frumvarp til
laga um stofnun hálendisþjóðgarðs.
Vísinda- og rannsóknastarf
landbúnaðarins
Búnaðarþing 2020 telur að efla þurfi
mennta­, vísinda­ og rannsóknarstarf
í landbúnaði.
Samkeppnishæfni íslensks
landbúnaðar þarf að styrkja með
öflugri menntun, vísinda­ og
rannsóknarstarfi.
Landbúnaðarháskólunum í
landinu verði tryggt nægilegt
fjármagn til að starfrækja öflugt
rannsóknastarf. Að búa til fleiri
hvata fyrir nemendur til að afla
sér framhaldsmenntunar á sviði
landbúnaðar.
Stjórn BÍ er falið að vinna málinu
framgang. Ályktun Búnaðarþings
2018 um sama efni er ítrekuð, sem
og ályktanir Búnaðarþings 2015 og
2016 um landbúnaðarháskóla.
Aðför að Framleiðnisjóði
mótmælt
Búnaðarþing 2020 mótmælir
Sigurður Ingi Jóhannsson samgöngu- og sveitarstjórnarráðherra og Kristján Þór Júlíusson sjávarútvegs- og
landbúnaðarráðherra við setningu Búnaðarþings 2020.
Sigurður Eyþórsson, framkvæmdastjóri Bændasamtaka Íslands, ávarpar búnaðarþingsfulltrúa. Myndir / HKr.
Frá fundi á Búnaðarþingi 2020.