Víkurfréttir - 07.05.2020, Síða 35

Rósa fékk afmælis-
sönginn úti í garði
Páll Ketilsson
pket@vf.is
Smelltu á myndskeiðið til að horfa og hlusta
Á tímum COVID-19 hefur verið lítið um stærri mannfagnaði og afmæli. Rósa Jónsdóttir, íbúi í Reykjanesbæ varð 90 ára 2. maí og börn hennar og nánustu ættingjar ákváðu að koma
henni á óvart með því að óska henni til hamingju með stórafmælið og
syngja afmælissönginn úti í garði.
Rósa tyllti sér á stól í garðinum og svo söng hennar fólk fyrir hana afmælis-
sönginn. Rósa sem, eins og svo margir eldri borgarar, hefur ekki hitt marga
vegna COVID-19 var að vonum ánægð þrátt fyrir öðruvísi afmælisfagnað
og fékk líka afmælistertu sem gestir hennar gæddu sér á í hæfilegri fjarlægð
í samkomubanni.
Rósa er fædd og uppalin á Djúpavogi en hefur í rösk 70 ár búið á Suður-
nesjum, fyrst í Sandgerði og síðan í Reykjanesbæ. Eiginmaður hennar var
Jón H. Júlíusson, hafnarstjóri í Sandgerði til marga ára, en hann lést 1987.
Þau eignuðust sex börn.
Víkurfréttir heyrðu af uppátæki fjölskyldunnar og laumuðu sér á staðinn
og mynduðu viðburðinn. Sjáið líka myndskeið hér að neðan.
Fimmtudagur 7. maí 2020 // 19. tbl. // 41. árg.
VíKuRFRÉttiR á SuÐuRNESJum í 40 áR // 35