Víkurfréttir - 07.05.2020, Blaðsíða 65

Smelltu á myndskeiðið til að horfa og hlusta
Már Gunnarsson og Iva Marín Adrichem sameinuðu krafta sína á
dögunum og gerðu sína eigin útgáfu af laginu Barn eftir Ragnar Bjarnason við
ljóð Steins Steinarr. Lagið er í sumarbúningi og skemmtilegum Reggae-takti. Því
fylgir svo fallegt myndband með þeim saman í íslenskri náttúru en myndbandið
er tekið upp á Garðskaga og í Sandvík á Reykjanesi. Það var okkar maður, Hilmar
Bragi Bárðarson, sem tók upp og setti saman myndbandið við lagið en þetta er
fyrsta staka tónlistarmyndbandið sem hann framleiðir. Hilmar tók einnig upp
tónleikana Alive fyrir Má í vetur en þeir voru sýndir um páskana, m.a. á vf.is.
„Kæru landsmenn nær og fjær, nú fer að
hlýna í veðri og tannhjól samfélagsins
fara að snúast á ný. Þetta markar ákveðin
tímamót. Ég og elskuleg vinkona mín, Iva,
viljum færa samfélaginu þessa tímamóta-
gjöf; yndislegt lag sem allir ættu að þekkja
í nýjum búningi. Útsetning er eftir mig og
minn kæra Þórir Baldursson,“ skrifar Már
á fésbókina um síðustu helgi um leið og
hann deilir upptöku af laginu. Þegar blaðið
fór á netið um miðjan dag, miðvikudaginn
6. maí, hafði myndbandið með laginu verið
spilað um 80.000 sinnum á fésbókinni.
Í spilaranum hér á síðunni má nálgast lagið
og myndbandið við það á YouTube.
Fimmtudagur 7. maí 2020 // 19. tbl. // 41. árg.
VíKuRFRÉttiR á SuÐuRNESJum í 40 áR // 65