Fréttablaðið - 06.06.2020, Qupperneq 2

75%
aukning varð í sölu á þung-
unarprófum í Apóteki MOS
á tímabilinu febrúar til maí
í samanburði við sama tíma-
bil í fyrra.
Veður
Norðvestan 3-8, en 8-13 austast.
Víða þurrt og bjart veður, en
skýjað með köflum fyrir norðan.
Hiti 4 til 14 stig, mildast syðst.
SJÁ SÍÐU 42
Ship-o-hoj!
SAMFÉLAG Mikið hefur verið rætt
um það hvort þjóðin myndi taka
upp á því að fjölga sér í samkomu-
banninu sem fylgdi COVID-19.
Vissulega er erfitt að komast að því
með haldbærum hætti hvað Íslend-
ingar gera meðan þeir eru tilneydd-
ir til að halda sig innandyra en þó
eru til mælanlegar einingar sem
gætu sýnt fram á hegðun Íslendinga
í samkomubanni.
Fréttablaðið hefur óskað eftir
upplýsingum frá tugum apóteka
í öllum landshlutum til að athuga
hvort sala á þungunarprófum hafi
aukist á síðustu mánuðum með
mælanlegum hætti. Niðurstöð-
urnar benda til þess að samkomu-
banns-börn séu á leiðinni.
Akurey ringum mun lík lega
fjölga eitthvað á næstu mánuðum
en samkvæmt upplýsingum frá
Akureyrarapóteki jókst sala á
öllum tegundum þungunarprófa
um 8 prósent á tímabilinu febrúar,
mars og apríl í samanburði við sama
tímabil í fyrra.
Akureyringar hafa þó ekki verið
jafn duglegir og íbúar í Mosfellsbæ
en samkvæmt upplýsingum frá
Apóteki MOS var 75 prósenta
aukningu í sölu á þungunarprófum
á tímabilinu febrúar til maí í saman-
burði við sama tímabil í fyrra.
Skagamenn virðast hafa reynt
að fjölga sér á síðustu mánuðum en
9,5 prósenta aukning varð í sölu á
þungunarprófum í Apóteki Vestur-
lands á Akranesi á tímabilinu janú-
ar til apríl milli ára. Apótekið hóf
sölu á nýrri tegund þungunarprófs
undir lok síðasta árs og ef sölutölur
yfir það eru teknar með í reikning-
inn er söluaukningin 21 prósent.
Um 50 prósenta aukning er í sölu
á þungunarprófum hjá Íslandsapó-
teki á Laugaveginum í Reykjavík en
þar sem um tiltölulega nýtt apótek
er að ræða ber að taka tölum um
söluaukningu þar á milli ára með
varúð að mati apóteksins.
Þá jókst sala á þungunarprófum
í 16 apótekum Lyfju um 4 prósent í
heildina á tímabilinu 1. mars til 25.
maí, borið saman við sama tímabil
í fyrra.
Við fyrstu sýn virðist 4 prósent
ekki há tala. En á sama tímabili
milli áranna 2018 og 2019 varð ein-
ungis 0,1 prósents aukning í sölu á
þungunarprófum.
„Þannig að þessi aukning á milli
2019 og 2020 er töluverð,“ segir Sig-
fríð Eik Arnardóttir, sviðsstjóri
Vöru-, birgða- og framleiðslusviðs
hjá Lyfju, en Lyfja rekur apótek í
Hafnarfirði, Akureyri, Borgarnesi,
Egilsstöðum, Ísafirði, Neskaupstað,
Húsavík, Reykjanesbæ, Sauðárkróki
og á höfuðborgarsvæðinu.
Þá hefur ekki verið mælanleg
aukning í sölu á þungunarprófum
hjá Lyfjum og heilsu, sem einnig
rekur Apótekarann, á fyrstu fjórum
mánuðum ársins. Þar er hins vegar
um 27 útibú að ræða og var ekki
hægt að fá upplýsingar um einstök
apótek. mhj@frettabladid.is
Sala þungunarprófa
jókst í samkomubanni
Sölutölur yfir þungunarpróf benda til að Íslendingum fjölgi talsvert í kjölfar
samkomubannsins vegna COVID-19 faraldursins. Sala á slíkum prófum jókst
um 75 prósent milli ára í apóteki í Mosfellsbæ en aðeins 8 prósent á Akureyri.
Umbúðir nokkurra tegunda af þungunarprófum FRÉTTABLAÐIÐ/SIGTRYGGUR ARI
KJARAMÁL Hjúkrunarfræðingar sem
starfa samkvæmt kjarasamningi
Félags íslenskra hjúkrunarfræð-
inga (FÍH) og fjármálaráðherra hafa
boðað til ótímabundins verkfalls frá
klukkan átta að morgni mánudags
22. júní, náist ekki samkomulag um
nýjan samning fyrir þann tíma.
Samningaviðræður hafa staðið í
rúman mánuð, eða frá því að hjúkr-
unarfræðingar felldu kjarasamning
í lok apríl. Atkvæðagreiðsla um
verkfallsboðun fór fram rafrænt
og tóku 2.143 hjúkrunarfræðingar
þátt, eða 82,2 prósent félagsmanna.
Mikill meirihluti kaus með verk-
fallsboðun, eða 85,5 prósent, 13,3
voru á móti og 1,2 prósent skiluðu
auðu. Krafa hjúkrunarfræðinga
snýr að hækkun grunnlauna en nær
15 mánuðir eru frá því að gerðar-
dómur FÍH rann út og þar með mið-
lægur kjarasamningur félagsins.
Ríkissáttasemjari hefur ekki
boðað til annars fundar. – bdj
Verkfall FÍH
samþykkt
COVID -19 Tillaga heilbrigðisráð-
herra um fyrirkomulag á greiðslu
fyrir skimun fyrir kórónaveirunni
á ferðamönnum sem koma til lands-
ins eftir að formlegu ferðabanni
verður aflétt 15. júní var samþykkt
á fundi ríkisstjórnar Íslands í gær.
Farþegar sem koma til landsins
og kjósa að fara í sýnatöku vegna
veirunnar fremur en að vera 14
daga í sóttkví, munu frá 1. júlí næst-
komandi greiða 15.000 króna gjald
vegna sýnatökunnar.
Sýnataka á landamærum hefst
15. júní og verður gjaldfrjáls fyrstu
tvær vikurnar. Börn fædd árið 2005
eða síðar þurfa ekki að fara í sýna-
töku.
Fram kemur í greinargerð sem
kynnt var á síðasta ríkisstjórnar-
fundi, að hagfræðileg rök væru fyrir
því að ferðamenn verði látnir greiða
fyrir kostnað við sýnatöku. Nú ligg-
ur fyrir að alþjóðaheilbrigðisreglu-
gerðin stendur ekki í vegi fyrir slíkri
gjaldtöku, enda sé sýnatakan val-
kvæð og tilkynnt með hæfilegum
fyrirvara.
Gjaldið sem innheimt verður frá
1. júlí miðast við beinan kostnað
ríkisins annan en stofnkostnað og
er miðað við fyrirliggjandi kostn-
aðargreiningu sem fram kemur
í skýrslu verkefnisstjórnar um
sýnatöku fyrir COVID-19 á landa-
mærum sem kynnt var í ríkisstjórn
26. maí síðastliðinn. – hó
Skimunin
gjaldfrjáls
fyrstu vikurnar
Svandís Svavarsdóttir, heilbrigðis-
ráðherra, lagði fram tillöguna.

Aðalfundur FEB árið 2019

Aðalfundur Félags eldri borgara í Reykjavík og nágrenni verður haldinn þriðjudaginn
19. febrúar 2019 og hefst kl. 16.00 í Ásgarði, Stangarhyl 4, Reykjavík.

Dagskrá fundarins:
1. Kosning fundarstjóra og fundarritara
2. Skýrsla stjórnar um starfsemi félagsins á liðnu ári
3. Ársreikningar félagsins fyrir árið 2018 ásamt fjárhagsáætlun 2019
4. Kosning stjórnar
5. Afgreiðsla tillagna og erinda
6. Ákvörðun um árgjald félagsmanna árið 2019
7. Önnur mál

Fundurinn verður haldinn, sem fyrr segir, þriðjudaginn 19. febrúar og hefst kl. 16.00.

Félagsmenn eru hvattir til að fjölmenna og hafa með sér félagsskírteini fyrir árið 2018.

Stjórn FEB - Félags eldri borgara í Reykjavík og nágrenni

Áður frestaður aðalfundur Félags eldri
borgara í Reykjavík og nágrenni sem vera
átti þann 12. mars, verður haldinn
þriðjudaginn 16. júní kl. 14:00 í
Súlnas l í Radisson BLU Saga Hotel.
Félagsmenn eru hvattir til að hafa með sér félagsskírteini.
Stjórn FEB - Félags eldri borgara í Reykjavík og nágrenni.
AÐALFUNDUR
FEB ÁRIÐ 2020
Nýtt hús Hafrannsóknastofnunar við Hafnarfjarðarhöfn var vígt í gær. Húsið er jafnframt stærsta timburhús landsins. Guðni Th. Jóhannesson
forseti var kampakátur þegar hann klippti á borðann til að vígja húsið, neðst á landgangi rannsóknaskipsins Árna Friðrikssonar. Sigurður Guðjóns-
son, forstjóri Hafrannsóknastofnunar, var ekki síður kátur. Komu þeir að húsinu með lítilli skipalest frá Reykjavík. FRÉTTABLAÐIÐ/SIGTRYGGUR ARI
6 . J Ú N Í 2 0 2 0 L A U G A R D A G U R2 F R É T T I R ∙ F R É T T A B L A Ð I Ð