Fréttablaðið - 06.06.2020, Blaðsíða 72

HANN ER MJÖG PÓLITÍSK-
UR OG HANN VILL LAGA
ÍSLENSKT SAMFÉLAG FRÁ
TOPPNUM.
Bolli Kristinsson, fyrrverandi versl-
unarmaður
ÞAÐ SEM EINKENNIR HANN
ER AÐ HANN ER MJÖG GÓÐ-
UR Í ÖLLUM SAMSKIPTUM
Arnþrúður Karlsdóttir útvarpsstjóri
Guðmundur Franklín Jónsson er fæddur 31. ok tóber ár ið 1963 og alinn upp í Vo g a hve r f i nu . S onu r hjóna n na
Jóns Bjarnasonar og Guðbjargar
Lilju Maríusdóttur og í móðurætt
er hann skyldur Davíð Oddssyni,
fyrrverandi forsætisráðherra. Guð-
mundur á ættir að rekja til Vest-
fjarða og þaðan er nafnið Franklín
komið. Uppfinningamaðurinn Ben-
jamin Franklin var þar í miklum
metum og margir vestfirskir drengir
nefndir eftir honum.
Eftir grunnskólanám í Vogaskóla
lá leiðin í Verzlunarskólann en Guð-
mundur kláraði ekki stúdentinn
þar. Hann hélt vestur til Tallahassee
í Flórída og starfaði í gardínuverk-
smiðju. Í Flórída féll hann fyrir
Bandaríkjunum, þar sem hann átti
eftir að starfa síðar á lífsleiðinni.
Í millitíðinni f lutti hann aftur
heim og kláraði stúdentsprófið í
FÁ og hóf lögfræðinám við Háskóla
Íslands. Stoppið var hins vegar stutt
því hann hélt vestur til Rhode Island
fylkis og kláraði þar viðskiptafræði-
gráðu við Johnson & Wales háskól-
ann árið 1989. Þetta sama ár hóf
hann störf hjá verðbréfafyrirtækinu
Bersec International á Wall Street í
New York.
Guðmundur var giftur Ásdísi
Helgu Árnadóttur, dóttur Árna Vil-
hjálmssonar, eins af aðaleigendum
útgerðarfélagsins Granda, og eign-
uðust þau þrjú börn. Þau skildu eftir
um 30 ára hjónaband.
Vitni að hryðjuverkaárásum
Guðmundur átti eftir að starfa
lengi við verðbréfabransann á Wall
Street. Í tvö ár starfaði hann hjá
Oppenheimer & Co., en árin 1993
til 2002 hjá Burnham Interna tional
á Íslandi, sem áður hét Handsal.
Var hann bæði stjórnarformaður
og framkvæmdastjóri fjárfestinga-
bankasviðs þess félags. Félagið varð
gjaldþrota árið 2002 og var fjallað
um það í fjölmiðlum, meðal annars
vegna lána frá Lífeyrissjóði Austur-
lands.
Á tíma sínum á Wall Street varð
Guðmundur vitni að tveimur
hryðjuverkaárásum á World Trade
Center, eða Tvíburaturnana, eins
og þeir voru kallaðir. Hið fyrra var
í febrúar árið 1993, þegar trukkum
fullum af sprengiefni var ekið inn í
kjallara byggingarinnar. Sex manns
létust og meira en þúsund slösuðust
í þeirri árás, sem framkvæmd var af
íslömskum hryðjuverkamönnum.
Hið síðara var dagurinn sem breytti
heimssögunni, 11. september 2001,
þegar flugvélum var steypt niður á
turnana svo þeir hrundu til grunna
og þúsundir létu lífið.
Hægri grænir
Eftir þetta f lutti Guðmundur til
Tékklands og varð hótelstjóri í höf-
uðborginni Prag, árin 2002 til 2009.
Jafnframt stundaði hann meistara-
nám í alþjóðastjórnmálum og hag-
fræði við Charles University.
Guðmundur kom inn á sjónar-
svið íslenskra stjórnmála árið
2010, þegar hann stofnaði stjórn-
málaflokkinn Hægri græna. Helsta
stefnumálið var baráttan gegn því
að Íslendingar greiddu ICESAVE
kröfur Breta og Hollendinga. Þegar
kom að alþingiskosningum árið
2013 var talað fyrir afnámi verð-
tryggingar og leiðréttingu skulda
heimilanna.
Um tíma mældist flokkurinn með
6 prósenta fylgi, en hlaut aðeins 1,7
prósent á kjördag. Guðmundur var
sjálfur ekki í framboði, því hann
var ekki kjörgengur vegna búsetu
erlendis.
Guðmundur var þá f luttur til
Danmerkur og farinn að reka hótel
á Borgundarhólmi, sem hann gerir
enn í dag.
Stuðningsmaður Ólafs Ragnars
Guðmundur hafði hins vegar ekki
lokið afskiptum af íslenskum
Vitni að tveimur
hryðjuverkum
Guðmundur Franklín Jónsson, oft nefndur Gúndi, býður sig fram
til forseta Íslands. Hann starfaði áður í verðbréfabransanum á Wall
Street, en hefur síðan rekið hótel í Tékklandi og Danmörku.
Bolli Kristinsson fyrrverandi versl-
unarmaður í Sautján og víðar.
Arnþrúður Karlsdóttir útvarpsstjóri
á Sögu og viðskiptalögfræðingur.
stjórnmálum og árið 2016 fór hann
mikinn. En það sama ár voru Hægri
grænir lagðir niður og runnu inn í
Íslensku þjóðfylkinguna. Þann 20.
mars tilkynnti hann um framboð
sitt til forseta Íslands, en þá hafði
Ólafur Ragnar Grímsson tilkynnt í
nýársávarpi að hann hygðist hætta.
Guðmundur var mikill stuðnings-
maður Ólafs og hafði árið áður hafið
undirskriftasöfnun til að hvetja Ólaf
til að sækjast eftir endurkjöri.
Guðmundur dró hins vegar fram-
boð sitt til baka 18. apríl, þegar
Ólafur hætti við að hætta, og lýsti
yfir stuðningi við framboð Ólafs.
Í ágúst tók Guðmundur þátt í
próf kjöri Sjálfstæðisf lokksins í
Reykjavík fyrir alþingiskosning-
arnar um haustið. Var hann ekki
meðal 8 efstu og hafnaði ekki á lista.
Sumarið 2019 sagði Guðmundur
sig loks úr Sjálfstæðisflokknum eftir
30 ára samleið. Í úrsagnarbréfi sínu
sagði hann flokkinn horfinn langt
frá gildum sínum og orkupakki 3
hefði verið kornið sem fyllti mælinn.
Þetta sama ár var Guðmundur
virkur í baráttunni gegn þriðja
orkupakkanum, sem samþykktur
var á Alþingi eftir langar umræður.
Var Guðmundur í forsvari fyrir und-
irskriftasöfnun gegn staðfestingu
forseta á þingsályktunartillögunni
og afhenti honum 7.643 undirskrift-
ir. Guðni taldi það hins vegar allt of
lága tölu og skrifaði ekki undir.
Í vetur komu fram háværar raddir
um að Guðmundur færi í forseta-
framboð, meðal annars innan sam-
takanna Orkunnar okkar. Þann 23.
apríl tilkynnti hann framboð sitt.
Vill laga samfélagið frá toppnum
„Ég er búinn að þekkja Guðmund
Franklín í 30 eða 40 ár,“ segir Bolli
Kristinsson, oft kenndur við Sautj-
án og hefur rekið fjölda verslana á
Laugaveginum. „Þetta er skemmti-
legur strákur, lausnamiðaður og
hugmyndaríkur.“
Eins og Guðmundur sagði Bolli sig
úr Sjálfstæðisflokknum á síðasta ári,
en hann hafði verið einn af helstu
fjáröflunarmönnum flokksins. Eins
og Guðmundur, var Bolli óánægður
með stefnu flokksins.
Bolli segist bera fullt traust til
Guðmundar, en það hafi þó til að
byrja með komið honum á óvart að
hann færi í framboð.
„Eftir á að hyggja hefði það ekki
átt að gera það. Hann er mjög pólit-
ískur og hann vill laga íslenskt sam-
félag frá toppnum. Hann telur að
ekkert lagist með nýrri ríkisstjórn
á Alþingi.“
Góða yfirsýn yfir heimsmálin
„Það sem einkennir hann er að hann
er mjög góður í öllum samskiptum,“
segir Arnþrúður Karlsdóttir, við-
skiptalögfræðingur og útvarpsstjóri
Útvarps Sögu.
Guðmundur hefur starfað fyrir
stöðina í erlendum fréttum og má
oft heyra þau Arnþrúði rabba saman
á öldum ljósvakans.
„Eldklár, vel greindur og f ljótur
að setja sig inn í erfið mál og svo er
hann alltaf bráðhress og skemmti-
legur,“ segir hún.
„Guðmundur Franklín hefur
góða yfirsýn yfir stöðu heimsmála
og fylgist mjög vel með utanríkis-
málum.“ Efast hún ekki um að Guð-
mundur yrði góður forseti, því hann
viti að fullveldi þjóðarinnar sé sífellt
ógnað.
Kristinn Haukur
Guðnason
kristinnhaukur@frettabladid.is
6 . J Ú N Í 2 0 2 0 L A U G A R D A G U R32 H E L G I N ∙ F R É T T A B L A Ð I Ð