Dagblaðið Vísir - DV - 08.05.2020, Blaðsíða 26

26 MATUR 8. MAÍ 2020 DV
Una í eldhúsinu
Kjúklingasalat með sumarlegum blæ
Hérna er uppskrift að einstaklega
góðu og sumarlegu salati sem ein-
falt er að skella í eftir vinnu fyrir
vinina, nú eða fjölskylduna alla,
fullorðna jafnt sem börn. Með
hækkandi sól og betra veðri er til-
valið að skella kjúklingi á grillið og
fá hið einstaka grillbragð, blandað
saman við ferskt salat.
1 pakki kjúklingalundir
1 krukka af Stonewall kitchen
sósunni Coconut Curry Simmer-
ing Sauce
Góð salatblanda
½ agúrka
2-3 tómatar
Handfylli af kasjúhnetum
½ granatepli – innvolsið
Nokkrir hvítlauks-brauðteningar
– keyptir tilbúnir
Parmesan-ostur til að strá yfir
salatið í lokin

Byrjið á að marínera lundirnar í
Coconut Curry sósunni í að lág-
marki 1 klst. Setjið lundirnar á
grillið og eldið vel í gegn.
Skerið niður tómatana og gúrkuna,
takið innvolsið úr eplinu og saxið
niður hneturnar. Blandið saman
við salatið.
Þegar kjúklingalundirnar eru til-
búnar eru þær lagðar yfir salatið og
svo er toppurinn að strá smá par-
mesan-osti yfir og brauðteningum.
Bruschetta
Bruschetta er einfaldur og góður
forréttur til að bera fram og mér
þykir hann einstaklega sumar-
legur. Frábært meðan beðið er
eftir aðalréttinum á sólríkum degi.

1 snittubrauð skorið í þunnar
sneiðar
3 hvítlauksrif
1 askja piccolo tómatar
1 poki mozzarella-perlur
½ búnt fersk basilíka
Ólífuolía
Parmesan-ostur

Skerið snittubrauð niður í þunnar
sneiðar og raðið í eldfast mót.
Setjið góða ólífuolíu yfir sneið-
arnar með skeið, sirka ½ tsk. og
pressið hvítlauksrifin og setjið yfir
sneiðarnar.
Setjið í ofninn á 200 gráður í um
5-7 mínútur.
Sneiðið tómatana og mozzarella-
ostinn niður og leggið á hverja
sneið að vild.
Setjið sneiðarnar aftur í ofninn í
um 4-5 mínútur.
Takið úr ofninum og stráið parme-
san-osti yfir ásamt ferskri basilíku.
Granateplakaka
Þessi ferska og góða kaka er mjög
einföld og tilvalin sem eftirréttur
þegar maður þarf að grípa í eitt-
hvað fljótlegt og gott. Kakan inni-
heldur aðeins 4 hráefni og slær
alltaf í gegn.

5 Jonagold-epli
1 peli rjómi
1 pakki Lu-kanilkex
1-2 granatepli
Byrjið á því að mylja Lu-kanilkex
niður í form. Afhýðið eplin og rífið
þau niður með rifjárni og leggið
yfir kexmylsnuna. Þeytið rjóma
og smyrjið yfir eplin. Hreinsið
granateplakjarnana ( rauðu berin)
úr kjarna granateplanna og stráið
þeim yfir rjómann. Geymið í kæli
yfir nótt eða í hið minnsta 4-5
klukkustundir til að kexið nái að
blotna vel.
Með hækkandi sól er tilvalið að
eyða minni tíma í eldhúsinu og
meiri tíma í að njóta. Hér koma
skotheldar hugmyndir frá Unu
Guðmundsdóttur, matgæðingi DV.
MYNDIR/ANTON BRINK