Íþróttablaðið - 01.11.1974, Blaðsíða 35

VIRKU
ÍÞRÓTTAFÓLKI
FJÖLGAÐI
UM 12 ÞÚS.
Iþróttaþingið var haldið.í húsakynnum
Slysavarnarfélags Islands í Reykjavik,
7.—8 sept. s.l. og sóttu það 90 fulltrúar
af 100 sem eiga rétt til þingsetu, auk
nokkurra gesta.
Þingforsetar voru kjörnir Úlfar Þórð-
arson og Einar Sæmundsson en þingrit-
arar Hannes Þ. Sigurðsson og Torfi
Steinþórsson.
1 upphafi þings minntist forseti ISI
Frimanns Helgasonar. Fór hann viður-
kenningarorðum um mikið og gott fram-
lag Frímanns til íþróttahreyfingarinn-
ar, en hann var meðal þekktustu knatt-
spyrnumanna landsins um langt árabil,
sat í rnörg ár í stjórn ISÍ og var meðal
þeirra fyrstu til að skrifa að staðaldri
um íþróttir í dagblöð auk margra ann-
arra ritstarfa er hann fékkst við. Þing-
fulltrúar heiðruðu minningu Frímanns
Helgasonar með því að rísa úr sætum.
Gísli Halldórsson forseti Isl flutti ýt-
ariega setningarræðu og rakti gang
ýmissa mála frá síðasta íþróttaþingi.
I ræðu hans kom m.a. fram eftirfar-
andi:
# Að á s.l. 2 árum hefði virkum iþrótta-
iðkendum fjölgað um 12 þúsund og
væru nú komnir yfir 50 þúsund.
# Að þessa aukningu mætti einkum
rekja til árangurs Trimmherferðar-
innar undanfarin 3 ár og ötuls starfs
íþróttahreyfingarinnar víðs vegar um
landið.
# Að unnið hefði verið þrotlaust að því
að fá aukinn fjárstyrk opinberra aðiia
til íþróttastarfsins.
# Að menntamálaráðuneytið hefði sam-
þykkt samkv. tillögu lSÍ, að skipa
nefnd til að kanna fjárþörf og stöðu
íþróttahreyfingarinnar í þjóðféiaginu.
* Að eðlileg fjármögnun iþróttastarfsins
gæti talist: 30% frá viðkomandi sveit-
arfélagi, 30% frá ríkinu og 40% frá
félagsmönnum sjálfum.
* Að nú væri iokið að mestu stækkun
Iþróttamiðstöðvarinnar í Laugardal
og við ;það myndi stórum batna starfs-
aðstaða sérsambandanna sem nú eru
orðin 15 innan ÍSl.
* Að i framtíðinni þyrfti að stækka
Iþróttamiðstöðina enn meira, ekki
síst vegna væntanlegrar tilkomu
Grunnskóla Isl.
* Að unnið hefði verið markvisst að
íþróttaiðkun fyrir fatlaða.
* Að margt benti til þess i þróun íþrótt-
anna á alþjóðavettvangi, að hætt verði
að tala um áhugamenn og atvinnu-
menn i íþróttum, aðeins um íþrótta-
menn.
* Að leggja þyrfti áherslu á að ná til
starfsfólks á vinnustöðum og í fyrir-
tækjum til þess að auka enn á út-
breiðslu íþróttanna.
NÁMSEFNI GRUNNSKÓLA ÍSl
Á þinginu var kynnt námsefni Grunn-
skóla ÍSÍ, sem fræðslunefnd sambands-
ins hefur unnið að útgáfu á s.l. 2 ár. Er
þar um mikið verk að ræða um 300 bls.
í tveimur bindum. Var héraðssambönd-
unum og sérsamböndunum afhent ein-
tak af Grunnskólanum, en hér er um
fjölbreytt námsefni að ræða fyrir þá,
sem ætia að taka að sér leiðtogastörf
'hjá íþróttahreyfingunni. annað hvort sem
félagslegir eða íþróttalegir leiðbeinend-
ur. Verið er nú að undirbúa kynningu
námsefnisins meðal sambandsaðila og
annara sem vilja færa sér það í nyt.
I BOÐI BORGARSTJÓRNAR
OG KSl
Borgarstjórn Reykjavíkur bauð þing-
fulltrúum til hádegisverðar í Höfða síð-
ari þingdaginn og KSl bauð þingfull-
trúum að sjá landsleikinn ísland—Belgía
er fram fór þann sama dag.
SÆMDIR GULLMERKI ÍSÍ
Á þinginu var þremur mönnum af-
hent Gullmerki ÍSl, sem framkvæmda-
stjórn sambandsins hafði nokkru áður
samþykkt að sæma þá i viðurkenningar-
skyni fyrir mikið og gott starf að íþrótta
málum. Það voru: Guðmundur Þórar-
insson, íþróttakennari Reykjavik, og
Valtýr Snæbjörnsson og Ingólfur Arnar-
son, Vestmannaeyjum.
1 lok íþróttaþings bauð forseti ISI
og frú Margrét kona hans þingfulltrú-
um til kvöldverðarboðs að Hótel Esju.
Við það tækifæri afhenti Óskar Ágústs-
son, form. HSÞ, gjafir frá héraðssam-
böndum utan Reykjavíkur og Hafnar-
fjarðar til forseta og framkvæmdastjóra
ISl i tilefni 60 ára afmælis þeirra fyrr á
árinu. Þessar gjafir voru hátíðarplattar
þjóðhátíðanefndanna úti á landsbyggð-
inni.
I stjórn ISI næstu 2 árin voru kjörnir:
Gísii Halldórsson forseti, Sveinn Björns-
son varaforseti, Gunnlaugur J. Briem
gjaldkeri, Hannes Þ. Sigurðsson ritari
og Þorvarður Árnason, er kom i stjórn-
ina í stað Ólafs Jónssonar, sem baðst
undan endurkosningu.
35