Íþróttablaðið - 01.04.1995, Page 48

Guðmundur Ágúst Ingvarsson, framkvæmdastjóri Ingvars Helgasonar hf.
NISSAN og HM '95
- rætt við GUÐMUND INGVARSSON, Texti: Þorgrímur Þráinsson
framkvæmdastjóra Ingvars Helgasonar hfv
sem er einn helsti stuðningsaðili HM '95
NISSAN hefur verið töluvert
•áberandi í íþróttaheiminum síðast-
liðin tvö ár og á 1. deild karla í hand-
knattleik, sem kallast NISSAN
DEILDIN, án efa hvað stærstan þátt í
því. Ingvar Helgason hf. er umboðs-
aðili Nissan á Islandi en fyrirtækið
heldur áfram stuðningi við hand-
knattleik á íslandi því það er einn
helsti styrktaraðili HM '95.
GUÐMUNDUR INGVARSSON,
sem á sæti í landsliðsnefnd HSÍ, er
framkvæmdastjóri Ingvars Helgason-
ar hf., og innti ÍÞRÓTTABLAÐIÐ
hann eftir því hver ávinningurinn
hefði verið af því að styðja við bakið
á handknattleiknum — t.d. með því
að kalla 1. deildina NISSAN DEILD-
INA. „Mér finnst nafnið hafa verið vel
sjáanlegt og tengt NISSAN meira við
íþróttir en ella. Ávinningurinn hefur
verið töluverður sem sýnir sig hvað
best í jtví að annað bílaumboð hefur
ákveðið að styðja við bakið á KSI á
næstu árum. Forráðamenn þess fyrir-
tækis sjá greinilega hvað NISSAN
hefur verið áberandi í tengslum við
handboltann. Stuðningur með þess-
um hætti er töluvert kostnaðarsamur
en við teljum hann þess virði, sér-
staklega þegar til lengri tíma.er litið.
Markaðshlutdeild NISSAN á íslandi
hefur aukist töluvert og ég er sann-
færður um að stuðningur okkar við
handknattleik á sinn þátt í því. Við
gerðum rammasamning til þriggja
ára og því mun deildin væntanlega
bera nafn NISSAN."
— Hefurðu verið sáttur við það
hvernig fjölmiðlar hafa haldið NISS-
AN nafninu á lofti þegar 1. deildin
hefur verið til umfjöllunar?
„Ekki allskostaren margir hafa tek-
iðsigverulegaá íþeimefnum. Þaðer
alveg Ijóst að fyrirtæki styðja síður
við bakið á íþróttahreyfingunni með
þessum hætti ef fjölmiðlar ætla að
hundsa að kalla deildina réttu nafni.
Mér finnst ólíklegt að íþróttafrétta-
menn vilji eiga einhverja sök á því að
öflug íyrirtæki hætti stuðningi við
íþróttahreyfinguna með einum eða
öðrum hætti. Með góðri samvinnu er
hægtaðefla íþróttastarfið í landinu til
muna."
— í hverju felst samstarf ykkar við
HSÍ hvað varðar HM '95?
„Við munum, í samstarfi við bíla-
leiguna ALP, útvega HM nefndinni
að minnsta kosti 15 bíla fyrir dómara,
lækna og ýmsa erlenda gesti meðan á
heimsmeistarakeppninni stendur."
— Verjið þið miklum fjármunum
til stuðnings íþróttahreyfingunni ef
handknattleikurinn er undanskilinn?
„Já, við gerum það. Sumir myndu
segja að það hálfa væri nóg en við
höfum óneitanlega þurft að draga úr
stuðningi við aðra."
— Hverjir verða heimsmeistarar?
„Það er erfitt að segja. Svíar eru
sterkir en vitanlega vona ég að ls-
lendingar nái góðum árangri. Við
höfum alla burði til þess."