Dagblaðið Vísir - DV - 03.07.2020, Blaðsíða 30

Ólafía Þórunn Kristins-dóttir er einn af okkar fremstu kylfingum.
Matarræðið skiptir hana miklu
máli og leggur hún áherslu á
að borða hollan mat. Ólafía
fylgir mestmegnis vegan
matarræði og er hrifin af as-
ískri matargerð. En hvað ætli
atvinnukylfingurinn borði á
venjulegum degi?
Venjulegur dagur
„Dagarnir eru mjög mismun-
andi. Þar sem ég er atvinnu-
kylfingur eru sumar vikur
keppnisvikur og aðrar æfinga-
vikur og þar á milli er ég líka
að vinna í einhverjum allt öðr-
um verkefnum á hliðarlínunni.
Ég vakna samt alltaf snemma.
Ef ég er að keppa vakna ég oft
í kringum 6.00 þegar ég á rás-
tíma um morguninn. Ég fæ
mér morgunmat, teygi, hita
upp í klukkutíma og spila 18
holur. Svo eftir hringinn fæ ég
mér að borða og þá æfi ég mig
í einhvern tíma.
Stundum er ég ekki komin
heim fyrr en um sexleytið eða
seinna ef það eru viðburðir
sem tengjast mótunum sem við
þurfum að mæta á. Ég borða
kvöldmat með Thomasi, unn-
usta mínum, vinn í tölvunni ef
ég þarf þess, undirbý mig fyr-
ir næsta dag og svo lesum við
eða horfum á einn Netflix-þátt.
Sofnuð klukkan 22-23.30 vana-
lega,“ segir Ólafía Þórunn.
„Á æfingavikum leyfi ég
mér aldrei að sofa lengur en
til 8.30, ef ég þarf að ná endur-
heimt er gott að sofa lengur.
Þá stunda ég líkamsrækt, æfi
mikið og vinn að ýmsu. Ég
hitti styrktaraðila, fer í við-
töl, myndatökur, svara tölvu-
póstum, mæti á golfviðburði
og margt fleira. Þess á milli
hitti ég fjölskyldu og vini.
Ég er aðeins meiri nátthrafn
þessar vikur.“
Borðar hollt
Fyrir atvinnuíþróttamann-
eskju eins og Ólafíu Þórunni
skiptir matarræðið máli. „Ég
borða mjög hollt. Ég segist
aldrei vera vegan, en ég borða
mestmegnis vegan. Stundum
kemur nefnilega fyrir að ég
geri undantekningar ef það
er til dæmis erfitt á ferðalög-
unum að borða og ekki mikið í
boði. Svo hef ég líka leyft mér
að borða humar við sérstök
tilefni, það er uppáhaldið mitt
en gerist kannski tvisvar á ári.
Annars borða ég mikið avó-
kadó, indverskan, taílenskan,
japanskan og pasta, svo eitt-
hvað sé nefnt,“ segir Ólafía.
„Ég er ágætis kokkur en ég
er duglegri í eftirréttunum og
að baka. Ég gleymi stundum
að borða, þannig að Thomas
hjálpar mér að borða reglulega
og eldar oft fyrir mig. Hann er
frábær kokkur,“ segir hún.
Uppáhaldsmáltíð
„Heimalöguð pitsa með rauð-
lauk, vorlauk, rauðri papriku,
ananas og heitu pitsa kryddi.
Svo þegar hún kemur úr ofn-
inum set ég avókadó, hvít-
lauksolíu, salt og pipar á
hana. Stundum klettasalat
líka ef ég á það til,“ segir
Ólafía Þórunn. n
BORÐAR MESTMEGNIS VEGAN
Fyrir atvinnuíþróttamanneskju eins og Ólafíu Þórunni Kristinsdóttur skiptir matar­
æðið heilmiklu máli. Hún borðar mjög hollan mat sem er mestmegnis vegan fæði.
Guðrún Ósk
Guðjónsdóttir
gudrunosk@dv.is
Ólafía Þórunn er ágætis kokkur en segist duglegri að búa til eftirrétti og baka. MYND/ANTON BRINK
Súkkulaðikaka frá Veganistum
3 bollar hveiti
2 bollar sykur
½ bolli kakó
2 tsk. matarsódi
1 tsk. salt
2 bollar vatn
²/³ bollar bragðlaus olía – við not-
uðum sólblómaolíu
2 tsk. vanilludropar
1 msk. eplaedik
Hitið ofninn í 175°C með blæstri.
Blandið þurrefnum saman í skál.
Bætið restinni af hráefnunum sam-
an við og hrærið þar til engir kekkir
eru í deiginu.
Bakið í 20-30 mínútur.
Ég nota reyndar ekki kremuppskrift-
ina sem fylgir með. Ég set annað-
hvort brætt suðusúkkulaði eða bý til
smjörkrem ofan á eftir eyranu: Jöfn
hlutföll smjör og flórsykur, kakó og
vanilludropar eftir smekk.
Matseðill
Ólafíu Þórunnar
Morgunmatur
Þegar ég er að flýta mér: Cheer­
ios. Spari: Ristað brauð með
kókosolíu, avókadó, tómötum,
salt, pipar.
Millimál nr. 1
Bý mér til þeyting til að taka með
út á golfvöll. Frosin jarðarber og
bláber, grænkál og mylk.
Hádegismatur
Pasta
Millimál nr. 2
Ávöxtur, hnetur, orkustykki.
Kvöldmatur
Dal­réttur eða linsubaunasúpa.
MYND/AÐSEND
30 MATUR 3. JÚLÍ 2020 DV