Morgunblaðið - 07.02.2020, Blaðsíða 12

12 FRÉTTIRViðskipti | Atvinnulíf
MORGUNBLAÐIÐ FÖSTUDAGUR 7. FEBRÚAR 2020
BRUNCH
Allar helgar kl. 11:00-16:00
Amerískar
pönnukökur
Beikon, egg og
ristað brauð
Franskt eggjabrauð
Hafragrautur
Skyr
Omeletta
Big Brunch
Eggs Benedict
Gerðu þér
dagamun og
komdu á
Sólon
Borðapantanir í síma 562 3232
Landsbankinn hagnaðist um 18,2
milljarða króna eftir skatta í fyrra.
Dróst hagnaðurinn því saman um
1,1 milljarð frá árinu 2018 þegar
hann nam 19,3 milljörðum króna.
Arðsemi eigin fjár var 7,5% borið
saman við 8,2% ári fyrr. Bendir
bankinn í tilkynningu á að án
bankaskatts hefði arðsemin í fyrra
reynst 9,2% sem þó er 0,8 prósent-
um frá því markmiði bankans að ná
að lágmarki 10% arðsemi á eigið fé
sitt.
Hreinar vaxtatekjur bankans
námu 39,7 milljörðum í fyrra og
drógust saman um 1,1 milljarð frá
fyrra ári. Hreinar þjónustutekjur
námu 8,2 milljörðum og stóðu í stað
milli ára. Aðrar rekstrartekjur
námu 8,5 milljörðum og jukust um
4,9 milljarða eða 136% milli ára.
Hækkunin skýrist að sögn bankans
aðallega af jákvæðum gangvirðis-
breytingum óskráðra hlutabréfa.
Neikvæð virðisbreyting útlána og
krafna nam 4,8 milljörðum sam-
anborið við jákvæða virðisbreytingu
upp á 1,4 milljarða árið 2018.
Kostnaðurinn stóð í stað
Rekstrarkostnaður nam 24 millj-
örðum í fyrra og stóð í stað milli
ára. Þar af voru laun og launatengd
gjöld 14,5 milljarðar, samanborið
við 14,6 milljarða ári fyrr. Annar
rekstrarkostnaður jókst um 200
milljónir og nam 9,5 milljörðum
króna. Heildareignir Landsbankans
námu 1.426 milljörðum króna um
nýliðin áramót og jukust þær um
100,3 milljarða milli ára. Útlán juk-
ust um 7,1% eða 75,7 milljarða. Út-
lánaaukning ársins kom aðallega til
vegna lántöku einstaklinga. Í árslok
2019 voru innlán frá viðskiptavinum
708 milljarðar og jukust um 15
milljarða milli ára.
Eigið fé bankans nam 247,7 millj-
örðum í árslok, samanborið við
239,6 milljarða í árslok 2018. Stjórn
bankans gerir tillögu um að 9,5
milljarðar verði greiddir í arð til
eigenda en ríkissjóður Íslands held-
ur á 98,2% hlut í bankanum. Lækk-
ar greiðslan frá fyrra ári um 400
milljónir króna. Á árinu 2019 fækk-
aði ársverkum hjá Landsbankanum
um 11 og voru þau 950 talsins, sam-
anborið við 961 árið 2018.
ses@mbl.is
Morgunblaðið/Golli
Landsbankinn Mikill hagnaður varð
af rekstri Landsbankans í fyrra.
18,2 milljarða hagnaður
 Landsbankinn greiðir 9,5 milljarða í arð til eigenda sinna
 Arðsemi eigin fjár reyndist 7,5% 2019 en var 8,2% ári fyrr
Þóroddur Bjarnason
tobj@mbl.is
Icelandair tapaði 7,3 milljörðum
króna á árinu 2019. Það er álíka mikið
tap og árið áður, en þá tapaði félagið
sjö milljörðum króna. Sé horft til
fjórða fjórðungs ársins nam tapið 3,8
milljörðum króna, eða tæpum 30
milljónum Bandaríkjadala. Umtals-
verður bati er á rekstrinum í fjórð-
ungnum miðað við
árið á undan, en á
fjórða ársfjórð-
ungi 2018 tapaði
félagið 7,2 millj-
örðum króna, eða
rúmum 57 milljón-
um dala.
Eignir félagsins
í lok tímabilsins
námu jafnvirði 212
milljarða króna,
eða tæpum 1,7 milljörðum Banda-
ríkjadala. Eignirnar jukust milli ára
um tæp 15%, en þær voru tæpir 1,5
milljarðar dala í lok árs í fyrra.
Eiginfjárhlutfall 29%
Eigið fé félagsins var 482,5 millj-
ónir dala í lok fjórða ársfjórðungs, en
var 471 milljón dala í byrjun ársins.
Eiginfjárhlutfall Icelandair er nú
29%, og hækkaði úr 28% frá byrjun
2019.
Tekjur Icelandair á fjórða árs-
fjórðungi námu rúmum 40 milljörð-
um króna, eða 319,2 milljónum dala,
og jukust um sjö prósent milli ára.
Þær voru 299 milljónir dala á fjórða
ársfjórðungi 2018.
Í tilkynningu frá félaginu segir að
helsta ástæða tapsins á árinu 2019 sé
kyrrsetning Boeing 737 MAX-þotna
félagsins, en allar þrjár vélar félags-
ins af þessari gerð hafa verið kyrr-
settar síðan í mars á síðasta ári. Þar
kemur einnig fram að félagið áætli að
neikvæð nettó áhrif á EBIT vegna
kyrrsetningarinnar séu um 12 millj-
arðar króna.
Árangur náðist í rekstri
Bogi Nils Bogason, forstjóri fé-
lagsins, segir í tilkynningunni að nið-
urstaða fjórðungsins sé í takti við
væntingar stjórnenda. Hann segir
að árið í fyrra hafi reynst mikil
áskorun, þar sem kyrrsetning MAX-
véla félagsins hafi haft fordæmalaus
neikvæð áhrif á rekstur félagsins.
Það sjáist í lægri tekjum, auknum
kostnaði og hömlum á nýtingu á flota
félagsins og starfsmönnum. „En með
því að einblína á leiðir til að bæta
reksturinn, þá náðist umtalsverður
árangur í undirliggjandi rekstri. Að
auki þá sýndi það sig er á reyndi
hvað leiðakerfið er sterkt og sveigj-
anlegt, sem sést á því að farþega-
fjöldi félagsins jókst um 25% á árinu,
þrátt fyrir kyrrsetningu MAX-vél-
anna.“
Bogi segir einnig í tilkynningunni
að hann trúi því að með skýrri
stefnu, sveigjanlegu leiðakerfi,
sterkri fjárhagsstöðu og frábærum
starfsmönnum sé félagið vel í stakk
búið til að ná því markmiði sínu að
skila hagnaði á árinu 2020 og leggja
grunn að sjálfbærum og arðvænleg-
um rekstri til framtíðar.
Farþegum fækkaði í janúar
Í gærmorgun birti félagið flutn-
ingatölur fyrir fyrsta mánuð nýs árs.
Þar sést að félagið flutti 210.257 far-
þega í janúar en það er 7% minna en í
janúar í fyrra. Segir félagið að það
skýrist annars vegar af breyttum
áherslum félagsins þar sem meiri
þungi er settur í að flytja farþega til
og frá landinu í stað þess að leggja
áherslu á tengifarþega milli Evrópu
og Bandaríkjanna. Þá varð félagið
einnig fyrir miklum áhrifum vegna
þess óveðurs sem geisaði á landinu
stóran hluta mánaðarins. Leiddi það
til þess að flugáætlun félagsins rask-
aðist mikið. Í tölum félagsins kemur
fram að farþegum til Íslands fjölgaði
um 17% frá janúarmánuði í fyrra og
voru þeir 102.764. Farþegar frá land-
inu voru 11% fleiri eða 40.443. Hins
vegar varð samdrátturinn í hópi ten-
gifarþega 35% og reyndust þeir
67.050 í mánuðinum.
Sætanýtingarhlutfall hjá Ice-
landair var 73,2% í nýliðnum mánuði
samanborið við 71,9% yfir sama
tímabil í fyrra. Félagið dró sæta-
framboð sitt saman um 14% yfir
samanburðartímabilið.
Markaðurinn tók vel í flutninga-
tölurnar í gær og hækkuðu bréf fé-
lagsins um 3,4% í 246,7 milljóna
króna viðskiptum.
Icelandair tapaði 3,8
mö. á 4. ársfjórðungi
 Tap ársins 7,3 ma. kr.  2019 reyndist mikil áskorun
Flug Icelandair flutti 210.257 farþega í janúar 2020 en það er 7% minna en í
janúar í fyrra. Segir félagið að það skýrist m.a. af breyttum áherslum.
Morgunblaðið/Sigurður Bogi
Bogi Nils Bogason
Hagnaður tæknifyrirtækisins Mar-
els dróst saman um rúm tíu pró-
sent á síðasta ári frá því sem var
árið á undan. Hagnaðurinn árið
2019 nam 110,2 milljónum evra,
eða 15,3 milljörðum íslenskra
króna, en var 122,5 milljónir evra
árið áður, eða tæpir sautján millj-
arðar króna.
Sé horft til fjórða ársfjórðungs
síðasta árs þá var hagnaðurinn
10,2 milljónir evra, en 18,38 millj-
ónir evra árið áður, og var undir
væntingum, að því er fram kemur í
uppgjörstilkynningu félagsins til
Kauphallar.
Eignir félagsins í lok ársins
námu tæplega 1,9 milljarði evra,
258 milljörðum króna, og hækkuðu
um 19% milli ára. Þær voru tæpir
1,6 milljarðar evra í lok árs 2018.
Eigið fé Marels er 955,8 millj-
ónir evra, eða 132 milljarðar
króna, og hækkaði um 70% milli
ára, en það var 560,9 milljónir
evra í lok árs 2018.
Eiginfjárhlutfall er 51%.
Í tilkynningu Marels kemur
fram að tekjur félagsins hafi auk-
ist á milli ára.
Þær voru 1,22
milljarðar evra á
síðasta ári, eða
178 milljarðar ís-
lenskra króna,
en voru 1,18
milljarðar evra
árið á undan.
Árni Oddur
Þórðarson, for-
stjóri Marels
segir í tilkynningu félagsins að síð-
ustu 18 mánuðir hafi verið krefj-
andi. „Undanfarnir 18 mánuðir
hafa verið býsna krefjandi þar sem
markaðsaðstæður lituðust af um-
róti á heimsmörkuðum og við-
skiptahindrunum. Stöðug nýsköp-
un og náið samstarf við
viðskiptavini um heim allan hafa
gert okkur kleift að halda áfram
vegferð okkar að umbreyta mat-
vælaframleiðslu,“ segir Árni.
Þá segir hann að fyrstu vikur
ársins 2020 gefi góð fyrirheit um
framhaldið, einkum í kjúklingaiðn-
aði þar sem fjárfestingarþörf sé
augljóslega að aukast.
Marel hagnaðist
um 15 milljarða
Horfur Byrjun 2020
gefur góð fyrirheit.
 Fjórði ársfjórðungur undir væntingum