Morgunblaðið - 24.02.2020, Síða 8

8 FRÉTTIRInnlent
MORGUNBLAÐIÐ MÁNUDAGUR 24. FEBRÚAR 2020
Heyrðu
umskiptin
Fáðu heyrnartæki
til reynslu
ReSound LiNX Quattro
eru framúrskarandi heyrnartæki
Hlíðasmára 19 • 201 Kópavogur • Sími 534 9600 • heyrn.is
Fagleg þjónusta hjá
löggiltum heyrnarfræðingi
Með þeim færðu notið minnstu smáatriða hljóðs sem berst þér til eyrna.
Í þeim er nýr örgjörvi með 100% meiri hraða, tvöfalt stærra minni og eru
sérlega sparneytin.
Tækin eru heyrnartól fyrir þráðlaust streymi úr síma og öðrum tækjum.
Hægt að stjórna allri virkni með appi eða með takka á tækjum. Eru með
rafhlöður, sem hlaðast þráðlaust á einfaldan hátt, eða með einnota rafhlöður.
Það er sérkennilegt, svo ekki sémeira sagt, að eina stofnun
landsins sem sérstaklega er í lög-
um sögð „í almannaþágu“ skuli
sveipuð slíkum leyndarhjúp að al-
menningur veit lítið sem ekkert
um það helsta
sem þar ger-
ist.
  
Þessi stofn-un,
„Ríkis-
útvarpið, fjölmiðill í almannaþágu“
skýlir sér til dæmis á bak við það
þegar hentar að það geti ekki upp-
lýst um fjárhag sinn vegna þess að
það hafi gefið út skuldabréf sem
skráð sé á markað. Með þeim „rök-
um“ hefur stofnunin jafnvel tak-
markað aðgang fjárlaganefndar
Alþingis að fjárhagsupplýsingum.
  
Annað dæmi um þetta fráleitaleynimakk er nýlegt
ráðningarferli útvarpsstjóra þar
sem þessi stofnun, ein ríkisstofn-
ana, taldi sig ekki geta fengið hæf-
an forstöðumann nema leyna því
hverjir hefðu sótt um. Sé svo, hlýt-
ur það að gilda um allar hinar
ríkisstofnanirnar líka, en þær eru
að vísu ekki „í almannaþágu“.
  
Nú hefur umboðsmaður Alþing-is fjallað um þetta og segir í
áliti sínu (í talsvert lengra máli að
vísu) að ekki sé nægilega skýrt í
lögum hversu greiðan aðgang al-
menningur eigi að hafa að upplýs-
ingum um starfsemi Ríkisútvarps-
ins.
  
Stjórnendur Rúv. hafa „í al-mannaþágu“ skýrt þessa laga-
óvissu leyndinni í vil. Augljóst er
að Alþingi þarf að aflétta leyndinni
af starfsemi Rúv. og fyrsta skrefið
í þá átt ætti að vera að taka ohf.
aftan af nafni þess. Að öðrum kosti
verður auðvitað að fjarlægja orðin
„í almannaþágu“.
Er leynimakkið
„í almannaþágu“?
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Á dögunum endurnýjuðu Eyjólfur
Guðmundsson, rektor Háskólans á
Akureyri, og Adolf Berndsen,
stjórnarformaður BioPol á Skaga-
strönd, samstarfssamning til næstu
fimm ára.
Sjávarlíftæknisetrið BioPol, sem
stofnað var á Skagaströnd 2007,
hefur unnið að fjölbreyttum verk-
efnum sem m.a. hafa miðað að því að
kortleggja tækifæri til verðmæta-
sköpunar í sjávarútvegi. Í dag starfa
hjá félaginu átta sérfræðingar og
komið hefur verið upp rannsókna-
aðstöðu og vottuðu vinnslurými sem
nýtist frumkvöðlum.
Ánægja hefur verið, segir í frétta-
tilkynningu, meðal forráðamanna og
starfsmanna BioPol ehf. og HA með
samstarfið. Í því ljósi hefur nú verið
gerður samningur um áframhald-
andi samstarf um rannsóknir og
tækniþróun á sviði sjávarlíftækni,
matvælafræði og tengdra sviða. Í því
felst m.a. að skilgreina ný rann-
sóknaverkefni, en styrkleiki sam-
starfsins byggir á samlegð þekk-
ingar. Samningurinn tilgreinir
jafnframt að BioPol getur auglýst
stöðu sérfræðings sem staðsettur
verður á Skagaströnd, en staðan er
tilkomin vegna vinnu Norðvestur-
nefndar sem starfaði fyrir forsætis-
ráðuneytið á sínum tíma.
Semja um samstarf á Skagaströnd
 BioPol og HA  Kortleggja tækifæri
til verðmætasköpunar í sjávarútvegi
Ljósmynd/Aðsend
Samstarf Eyjólfur Guðmundsson og
Adolf Berndsen undirrita samning.
Helga Jóna Ás-
bjarnardóttir lést á
gjörgæsludeild Land-
spítalans þriðjudaginn
18. febrúar, 76 ára að
aldri. Hún var fædd í
Reykjavík 26. júlí
1943, dóttir hjónanna
Jórunnar Jónsdóttur
húsmóður og Ás-
björns Ólafssonar
Jónssonar sem bjuggu
á 3. hæð fjölbýlishúss-
ins að Hringbraut 45 í
Reykjavík. Á fjórðu
hæð bjuggu hjónin
Margrét Jónsdóttir og
Þórbergur Þórðarson og var
Helga Jóna sem lítið barn vinur
og heimagangur hjá þessum ná-
grannahjónum. Fór svo að Þór-
bergur skrifaði sögu stúlkunnar,
um samskipti þeirra og sýn
hennar á heiminn. Var lýsingin
sú að þetta væri „sönn saga“ um
„minnstu manneskju á Íslandi“.
Bókin Sálmurinn um blómið
kom út í tveimur bindum á ár-
unum 1954-1955 og segir frá
samskiptum Guðs, Sobbegga afa
og Lillu Heggu, en svo nefndi
höfundurinn sögupersónu sína.
Sálmurinn um blómið þykir um
margt einstakt bókmenntaverk
og vitnar um Þór-
berg sem galdra-
meistara í frásagnar-
list og stíl. Helga
Jóna var þó um
margt feimin gagn-
vart þessari sögu um
sig og las hana fyrst
komin á miðjan
aldur, þá með barna-
barni sínu.
Helga Jóna fór
tæplega tvítug til
náms í Þýskalandi
þar sem hún kynnt-
ist fyrri manni sín-
um, Agli Gunnlaugs-
syni, sem þar var við dýralækna-
nám. Þau sneru heim 1964 og
settust þá að á Hvammstanga.
Börn þeirra eru þrjú; Þórbergur,
Jórunn Anna og Gunnlaugur.
Seinni maður Helgu Jónu var
Grétar Leví Jónsson og settust
þau að í Hafnarfirði. Börn þeirra
eru Ragnheiður Jóna og Ásbjörn
Leví. Komin á miðjan aldur fór
Helga Jóna í sjúkraliðanám og
starfaði sem slík á ýmsum stofn-
unum, meðal annars við aðhlynn-
ingu geðsjúkra.
Útför Helgu Jónu fer fram frá
Fossvogskirkju föstudaginn 28.
febrúar klukkan 11.
Andlát
Helga Jóna Ásbjarnar-
dóttir (Lilla Hegga)