Morgunblaðið - 03.03.2020, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 3. MARS 2020
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Norski flugherinn er kominn til Íslands og tók í gær formlega
við loftrýmisgæslu Íslands. Um er að ræða fyrstu aðgerð
norska flughersins þar sem nýjar F-35 þotur hans eru notaðar
utan Noregs, en þjálfun og undirbúningur í notkun þeirra hef-
ur staðið yfir í tvö ár. „Við vorum að ljúka því ferli í nóvember
og erum núna, örfáum mánuðum seinna, komnir í þetta verk-
efni og það sýnir NATO með hversu litlum fyrirvara við get-
um hrint af stað svona umfangsmiklum aðgerðum,“ segir Sig-
urd Tonning-Olsen, fjölmiðlafulltrúi norska flughersins.
Hann segir um að ræða stórt verkefni þar sem mannskap-
urinn er 150 einstaklingar og eru það fleiri en þegar norski
flugherinn hefur sinnt loftrýmisgæslu með F-16 þotum sínum.
Ásamt flugmönnum eru innan herliðsins sem statt er hér á
landi einstaklingar sem meðal annars sinna öryggisgæslu og
annast eldsneyti auk slökkviliðsmanna, flugvirkja og tækni-
manna. Jafnframt eru mættir sérhæfðir starfsmenn norska
flughersins á sviði ratsjáreftirlits sem munu þjálfa íslenska
starfsmenn Landhelgisgæslunnar sem annast ratsjáreftirlit.
„Þetta er krefjandi verkefni skipulagslega. Við erum
ánægð með að fyrsta verkefnið með F-35 sé hafið og að það
skuli vera á Íslandi,“ segir Tonning-Olsen. gso@mbl.is
Morgunblaðið/Eggert
Um 150 Norðmenn
sinna loftrýmisgæslu
Þorgerður Anna Gunnarsdóttir
Arnar Þór Ingólfsson
Íslendingurinn sem fyrst greindist
með kórónuveiru hér á landi hefur
verið útskrifaður af Landspítalanum
og sætir nú heimasóttkví. Öll níu
sem greinst hafa með veiruna sæta
slíkri sóttkví, en þau munu vera við
ágæta heilsu þó þau finni fyrir ein-
kennum á borð við hósta, beinverki
og hita. Alls sæta um 260 Íslend-
ingar sóttkví um þessar mundir, þar
af nokkrir starfsmenn Landspítala.
Hefur því nú verið beint til heil-
brigðisstarfsfólks að bíða með allar
utanlandsferðir þar til ljóst verður
hvernig útbreiðsla veirunnar þróast.
Viðbragð vegna kórónuveirunnar
hefur ekki verið uppfært frá því
fyrsta smitið var staðfest. „Það getur
vel verið að það þurfi að breyta áætl-
unum eftir því hvernig þróunin verð-
ur. Ef það fara að verða einhverjar
alvarlegar sýkingar og sýkingar fara
að dreifa sér, þá gæti þurft að leita
annarra ráða. En það er ekki inni í
myndinni á þessu stigi,“ segir Þór-
ólfur Guðnason sóttvarnalæknir í
samtali við Morgunblaðið.
Evrópusambandið ákvað í gær að
hækka sitt viðbúnaðarstig og skil-
greinir ástandið nú sem „miðlungs
eða mikla hættu“ eftir að fjöldi
smita á Ítalíu tvöfaldaðist á tveimur
sólarhringum. Þar eru smit orðin
fleiri en 2.000 og dauðsföll á sjötta
tug. Efnahags- og framfarastofnun-
in (OECD) hefur jafnframt lækkað
spá sína um hagvöxt á heimsvísu í
2,4% og hefur hún ekki verið lægri
síðan efnahagskreppan skall á árið
2008.
Von er á niðurstöðum úr fleiri
sýnatökum síðar í dag.
Morgunblaðið/Árni Sæberg
Stöðufundur Ekki þykir enn ástæða til að uppfæra viðbragð, en áhersla er lögð á að hefta útbreiðslu innanlands.
Á þriðja hundrað
manns sætir sóttkví
 Heilbrigðisstarfsfólk beðið að bíða með utanlandsferðir
Alþýðusamband Íslands (ASÍ) vek-
ur athygli á því að launafólk sem
sett er í sóttkví eða er gert að
halda sig heima að læknisráði og
umgangast ekki vinnufélaga eða
annað fólk í umhverfi sínu vegna
þess að það sé sýkt af kórónuveiru
eða hugsanlegir smitberar hennar
sé að mati sambandsins óvinnufært
vegna sjúkdómsins. Slík forföll séu
greiðsluskyld samkvæmt ákvæðum
kjarasamninga og laga, en til
stendur að miðstjórn ASÍ fjalli um
stöðuna sem upp er komin og við-
brögð við henni á fundi næstkom-
andi miðvikudag, en samkvæmt
upplýsingum heilbrigðisyfirvalda
sæta 260 Íslendingar sóttkví eftir
ferðalög um áhættusvæði um þess-
ar mundir.
Landsþingi frestað og þjálf-
arar forðist óþarfa snertingar
Í ljósi þeirrar óvissu sem skapast
hefur vegna kórónuveirusmitanna
hefur stjórn Viðreisnar ákveðið að
fresta landsþingi flokksins sem fara
átti fram 14. og 15. mars, en stefnt
er að því að það fari þess í stað
fram í haust. Þá hefur aðalstjórn
íþróttafélagsins Fylkis mælst til
þess að iðkendur, þjálfarar og aðrir
sem komi að starfi félagsins hugi
vel að persónulegu hreinlæti og að
þjálfarar forðist óþarfa snertingar
milli iðkenda og starfsmanna.
Áhrifa veirunnar
gætir í atvinnulífinu
 Starfsfólk í sóttkví fái greitt, segir ASÍ