Morgunblaðið - 03.03.2020, Blaðsíða 13

FRÉTTIR 13Erlent
MORGUNBLAÐIÐ ÞRIÐJUDAGUR 3. MARS 2020
SMÁRALIND – DÚKA.IS
SQUARE
NÝIR LITIR Verð 7.290,- stk.
STORM T-Light
Verð 8.990,- stk.
KERTASTJAKAR
CRUSH COUPLE NÝIR LITIR
Verð 7.490,- stk.
Kórónufaraldurinn gæti orðið veru-
leg ógn við ítalskan efnahag og
steypt landinu í alvarlega kreppu
verði útbreiðsla kórónuveirunnar í
landinu ekki hamin hið bráðasta.
Efnahagur landsins hefur verið í
úlfakreppu árum saman og var
landsframleiðsla þar í fyrra um það
bil sú sama og fimmtán árum áður,
og fjórum prósentum undir því sem
hún var árið 2007, skömmu fyrir
efnahagskreppuna sem þá var í
vændum.
Spáir minnkandi framleiðslu
Atvinnuleysi hefur einnig verið
langvarandi á Ítalíu og mælist nú
28,9 prósent meðal fólks yngra en
25 ára. Aðeins Spánn og Grikkland
búa við meira atvinnuleysi af Evr-
ópusambandslöndum. Roberto Pe-
rotti, prófessor við Bocconi-háskól-
ann í Mílanó, segir þjóðar-
framleiðslu nær örugglega dragast
saman á yfirstandandi ársfjórðungi
sem tákni að tæknilega séð muni
efnahagslægð ríkja í landinu miðað
við þá skilgreiningu að tveir árs-
fjórðungar í röð með minnkandi
þjóðarframleiðslu teljist efnahags-
lægð.
Ítölsk heilbrigðisyfirvöld hafa
farið halloka í baráttunni við kór-
ónufaraldurinn síðustu vikur og
voru kórónutilfelli í landinu komin
yfir 2.000 í gær og tala látinna stóð í
52 undir kvöld. Sýkingar af völdum
veirunnar hafa greinst í 18 ítölskum
héruðum og hefur heilu bæjunum
víða í Lombardy-héraði verið lokað
og íbúar beðnir að halda sig innan-
dyra.
Kemur þetta sérstaklega illa við
iðnað landsins, en Lombardy-hér-
aðið stendur undir 40 prósentum
iðnaðarframleiðslu Ítalíu.
Veruleg ógn við
ítalskan efnahag
 Kórónufaraldur
þyngir stöðuna sem
var erfið fyrir
AFP
Í Mílanó Ferðamaður með grímu á
Piazza del Duomo í miðborg Mílanó.
Recep Tayyip Erdogan Tyrklandsforseti var-
aði í gær við því að „milljónir“ flóttamanna
tækju fyrr en varði stefnuna á Evrópu og
hvatti um leið vestræn ríki til að veita Tyrk-
landi aukinn stuðning í tengslum við átökin í
Sýrlandi.
Sagðist Erdogan einnig vonast til þess að
samningar næðust um vopnahlé í Sýrlandi
þegar hann fundaði með Vladimír Pútín Rúss-
landsforseta síðar í vikunni í kjölfar þeirra
hörðu átaka sem geisað hafa í Idlib-héraðinu,
en rússneskur herafli í Sýrlandi styður þarlend
stjórnvöld í átökunum við Tyrki.
Evrópa þarf að sögn Tyrklandsforseta að
axla sinn hlut flóttamannavandans sem sprott-
inn er af átökunum í Sýrlandi, en þúsundir
flóttamanna hafa undanfarna daga þyrpst að
landamærum Tyrklands og Grikklands eftir að
Erdogan forseti tilkynnti á föstudaginn að
Tyrkir myndu ekki hindra flóttamenn á leið til
ríkja Evrópusambandsins.
Flóttamenn neyta allra ráða
Erdogan hefur látið í veðri vaka að fjöldi
flóttamanna sé mun meiri en almennt hefur
verið áætlað, þeir skiptu þegar hundruðum
þúsunda og yrðu áður en langt um liði millj-
ónir.
Hafa flóttamenn neytt allra ráða til að koma
sér frá átakasvæðunum og áleiðis til Evrópu,
sögðu grískir hafnaverðir að ungur drengur
hefði látist þegar bát, drekkhlöðnum flótta-
mönnum, hvolfdi úti fyrir ströndum grísku eyj-
arinnar Lesbos.
Tyrkir hafa tekið við um fjórum milljónum
flóttamanna, flestum af sýrlensku bergi brotn-
um, og gerðu um það samkomulag árið 2016 að
hindra þá í að halda för sinni áfram til Evrópu
gegn milljarða evra styrkjum.
Sýrlandsstjórn hefur lýst því yfir að hún
hyggist hrekja tyrkneskan herafla frá Idlib-
héraðinu og hafði SANA-fréttastofan það eftir
stjórnarliðum að þeir væru „ákveðnir í að
mæta hinni ósvífnu atlögu Tyrkja með fullri
hörku“.
Vonast eftir vopnahléi
Skrifstofa Erdogans Tyrklandsforseta hefur
staðfest að þeir Pútín muni funda í Moskvu á
fimmtudaginn og ræða harðnandi stríðsátök í
Sýrlandi. „Ég vona að hann [Pútín] muni grípa
til viðeigandi aðgerða, svo sem vopnahlés, og
okkur takist að finna lausn á aðstæðum,“ sagði
Erdogan í gær, en yfirvöld í Kreml hafa lýst
því yfir að samstarf við Tyrki hafi skilyrðis-
lausan forgang.
Talið er að tæp milljón manns hafi verið
neydd á flótta vegna átakanna í Idlib-héraðinu
sem eru ein þau mestu það níu ára tímabil sem
væringarnar í Sýrlandi hafa staðið yfir.
Herafli Sýrlands hefur hægt og bítandi sótt
fram síðan í desember og náði í gær bænum
Saraqeb á sitt vald, að sögn samtakanna Syri-
an Observatory for Human Rights sem
greindu frá því að með aðstoð rússneskra orr-
ustuþotna hefðu sýrlenskar hersveitir náð þar
yfirhöndinni.
Mannfallið „aðeins byrjunin“
Átök Tyrkja og Sýrlendinga mögnuðust í
síðustu viku þegar 34 tyrkneskir hermenn féllu
í loftárás Sýrlendinga, sem er mesta mannfall
sem þeir hafa orðið fyrir í átökunum og svör-
uðu Tyrkir með því að skjóta tvær sýrlenskar
herflugvélar niður á sunnudaginn auk þess að
fella 19 sýrlenska hermenn í drónaárás.
Sagði Erdogan forseti í gær að mannfall
Sýrlendinga væri „aðeins byrjunin“ drægju
þarlend stjórnvöld ekki hersveitir sínar til
baka yfir landamærin sem samkomulag náðist
um árið 2018.
Tyrkir hafa fram að þessu forðast bein átök
við Rússa, en löndin eiga hvort tveggja í sam-
starfi um varnarmál og vöruviðskipti.
AFP
Við landamærin Flóttafólk bíður við Meritsaá í Tyrklandi eftir bátsfari yfir ána í von um að komast til Grikklands. Þúsundir flóttamanna komu um helgina að landamærum Tyrklands og Grikklands.
Vonast eftir vopnahléi í Sýrlandi
 Erdogan Tyrklandsforseti varar við „milljónum“ flóttamanna  Fundar með Pútín á fimmtudag