Morgunblaðið - 23.03.2020, Blaðsíða 9

9
MORGUNBLAÐIÐ MÁNUDAGUR 23. MARS 2020
Týr Theo Norðdahl, ellefu ára gam-
all drengur úr Vesturbænum, sat
ekki auðum höndum um helgina,
vaknaði snemma á laugardags-
morguninn og fór út að ryðja
göngustíga fyrir nágranna sína.
„Hann var vaknaður klukkan
átta, fór út og spurði hvort hann
mæti fara út að moka. Ég hélt að
hann væri úti í garði en svo leit ég
út um gluggann. Þá sá ég að hann
var búinn að fara alveg út að ljós-
unum og eiginlega alveg út að Ægi-
síðu, alveg ótrúlega langt,“ sagði
Guðný Einarsdóttir, móðir Theo,
við mbl.is, en fjölskyldan býr við
Kaplaskjólsveg.
„Hann átti afmæli um daginn og
bróðir minn gaf honum pening og
hann fór í Byko og valdi sér svona
snjóruðningsskóflu og er ótrúlega
ánægður með hana.“
Guðný segir fullt af fólki hafa
nýtt sér góðverk Theo, en það vakti
mikla og jákvæða athygli í íbúahópi
Vesturbæjar á Facebook.
Vaknaði
snemma og
út að moka
 Keypti skóflu fyrir
afmælispeninga
Duglegur Týr Theo Norðdahl með
snjómokstursskófluna góðu.
Tónlistarfólk í Skagafirði tók sig
til sl. laugardag og efndi til tón-
leika fyrir utan sjúkrahús og
dvalarheimili aldraðra á Sauðár-
hæðum á Sauðárkróki, sem
Heilbrigðisstofnun Norðurlands
rekur. Var þetta gert að fyrir-
mynd annarra listamanna sem
hafa stillt strengi sína og skemmt
fólki sem sætir heimsóknarbanni
eða sóttkví vegna kórónuveir-
unnar.
Fetuðu þau þannig í fótspor
söngfólks sem kom saman við
Hrafnistuheimilið Ísafold í Garða-
bæ í síðustu viku og Friðriks Óm-
ars sem söng við dvalarheimilin á
Akureyri. Víðar um land hafa tón-
listarmenn látið gott af sér leiða.
Feykir greindi frá uppá-
komunni en myndbönd frá söngn-
um mátti einnig sjá á Facebook.
Voru gluggar opnaðir upp á gátt
þannig að heimilisfólk og sjúkling-
ar gætu hlustað á sönginn. Var
gerður góður rómur að þessu
framtaki listafólksins úr Skaga-
firði.
Sungu fyrir heimilis-
fólk á Sauðárhæðum
Sauðárkrókur Söngvarar og hljóðfæraleikarar fyrir utan dvalarheimilið á Sauðárkróki um helgina.
„Hér er horft í öll horn,“ segir Jörg-
ína E. Jónsdóttir á Höfn í Hornafirði
í tölvupósti á stondumsaman@mbl.is.
Hún segir Sveitarfélagið Hornafjörð
og heilbrigðisstofnunina vera með
góða viðbragðsáætlun og standa
saman um velferð. Vel sé hlúð að
þeim sem eldri eru og þeir varðir.
Bæjaryfirvöld hafi tekið fyrir sam-
komur, mannamót séu sýnd um fjar-
fundabúnað og starfshópum skipt
upp. Þá sé nánast maður á mann að
veita félagsskap svo enginn einangr-
ist, svo sem eldra fólk.
„Á Höfn sjálfri hefur ekki greinst
smit enn sem komið er þegar þetta
er ritað. Óskin er auðvitað að það
verði svo hvasst að veiran fjúki
framhjá, rétt eins og rykmýið,“ segir
Jörgína. sbs@mbl.is
Horft er í öll
horn á Höfn