Morgunblaðið - 30.04.2020, Page 20

20 FRÉTTIRInnlent
MORGUNBLAÐIÐ FIMMTUDAGUR 30. APRÍL 2020
BAKSVIÐ
Sigtryggur Sigtryggsson
sisi@mbl.is
Á nokkrum stöðum í borgarlandinu
er að finna möstur sem fólk veltir
ekki fyrir sér dags daglega hvort hafi
eitthvert hlutverk. En möstrin hafa
vissulega hlutverk því þau vísa sjó-
farendum leiðina til hafnar. Þau eru
kölluð innsiglingamerki.
Tvö slík möstur hafa verið um ára-
tuga skeið við Hamrahverfi á Gufu-
neshöfða, en vegna breyttra að-
stæðna í Sundahöfn þarf að gera
breytingar og því stendur nú yfir
svokölluð grenndarkynning á breyttu
deiliskipulagi fyrir höfðann. Er hús-
eigendum við Leiðhamra og Kross-
hamra gefinn kostur á að tjá sig um
tillöguna.
Deiliskipulagið vegna innsiglinga-
merkisins er á vegum Faxaflóahafna.
Nýtt merki verður staðsett á Gufu-
neshöfða og kemur í stað tveggja
eldri merkja. Færa þarf merkið
vegna nýs Sundabakka þar sem sigl-
ingaleiðin hefur færst utar sem hin-
um nýja bakka nemur, upplýsir Hild-
ur Gunnlaugsdóttir, skipulagsfulltrúi
Faxaflóahafna. Áætlað er að hefja
framkvæmdir um leið og skipulags-
ferlinu lýkur og tilskilin leyfi fást.
Hildur segir að kostnaður sé óveru-
legur. Faxaflóahafnir eigi mastrið og
Vegagerðin leggi til ljósabúnað.
Kostnaðurinn felist í að steypa sökk-
ul, leggja rafmagn og uppsetningu.
Í greinargerð Kanon arkitekta
með tillögunni er gerð nánari grein
fyrir nýja merkinu. „Vegna hliðrunar
innsiglingalínu fyrir Sundahöfn
stendur til að fjarlægja innsiglinga-
merki (tvö möstur), sem nú standa
við Gufuneshöfða, vestast í íbúða-
byggð Hamrahverfis við Hesthamra.
Þess í stað verður sett upp nýtt inn-
siglingamerki (eitt mastur) fyrir nýja
innsiglingalínu, um 105 metra til
norðausturs, vestan Leiðhamra/
Krosshamra. Breytingin felst í því að
leyfileg hæð mastursins verði um 15
metrar í stað 10 metra í gildandi
deiliskipulagi. Einnig verður akfær
aðkomuslóði varanlegur en ekki
tímabundinn.“
Gott bil frá skipi til bryggju
Merkin leiðbeini skipum fyrir inn-
siglingu að Sundahöfn og siglinga-
línan, sem merkin taka til, nær frá
norðurenda Engeyjar um allt Viðeyj-
arsund, Skarfagarð og að Kleppsvík.
Ný siglingalína er til komin vegna
nýs hafnarbakka utan Klepps, en
færa þurfi siglingaleiðina fjær bakk-
anum, þannig að öruggt bil verði á
milli skips á siglingu og skips í við-
legu við bakkann.
„Ný gerð siglingamerkja hefur
rutt sér til rúms. Í stað þeirra
tveggja mastra sem fjarlægð verða
er einungis þörf á einu mastri, með
nýrri gerð ljósbúnaðar, stefnuvirk-
andi ljósi fyrir siglingalínuna.“
Með tillögu að deiliskipulagsbreyt-
ingu er gert ráð fyrir nýjum bygg-
ingarreit fyrir nýtt mastur og sigl-
ingamerki. Reiturinn er 100 m² að
stærð. Á sjálfu mastrinu verður net-
girðing sem tryggir að ekki sé unnt
að klifra í því fyrir óviðkomandi.
Ekki er þörf á girðingu eða annarri
afmörkun reitsins.
En eru innsiglingamerkin ekki
tímaskekkja nú þegar siglingatækni
er orðin afar fullkomin? Því svarar
Gísli Jóhann Hallsson, yfirhafnsögu-
maður Faxaflóahafna.:
„Innsiglingamerki eru klárlega
nauðsynleg, tæki geta bilað og ná-
kvæmni staðsetninga riðlast. Því er
mikið öryggi að hafa merki í landi til
að styðjast við og ekki síst þegar
skyggni er lélegt og aðstæður krefj-
andi. Einnig má segja að þegar skip-
stjóri fer út á brúarvæng til að
stjórna skipi upp að eða frá bryggju
er hann oft ekki með siglingatækin
þar og því gott að hafa merki í landi.“
Í þessu sambandi er rétt að rifja
upp að í fyrra var tekinn í notkun nýr
innsiglingaviti við Sæbraut. Hann
var sömuleiðis talinn nauðsynlegur
þrátt fyrir alla nútímatækni.
Kynning á nýju deiliskipulagi
stendur yfir á www.reykjavik.is. At-
hugasemdafrestur er til og með 25.
maí næstkomandi.
Morgunblaðið/sisi
Gufuneshöfði Annað tveggja siglingamerkja sem munu hverfa þegar nýja merkinu hefur verið komið fyrir á höfðanum. Siglingamerkin leiðbeina skipum sem koma siglandi inn Viðeyjarsund.
Siglingamerki eru ekki úrelt
 Vegna nýja hafnarbakkans neðan Klepps hefur siglingaleiðin um Viðeyjarsund verið færð utar
 Kallar á nýtt innsiglingarmerki á Gufuneshöfða  Ekki er hægt að treysta eingöngu á nýja tækni
Búið er að gera við skemmdir sem
urðu á Austurbakka Straumsvíkur-
hafnar í ofviðri sem gekk yfir um
miðjan desember sl. Kostnaður við
viðgerðina var 5-6 milljónir króna og
var hann bættur af tyggingum að
hluta, að sögn Lúðvíks Geirssonar
hafnarstjóra.
Talið er að allt að 350 rúmmetrar
að fyllingarefni og stórgrýti hafi
sópast burt og náði sjór að éta sig
langt inn undir þekjuna við sunn-
anverða bryggjuna.
Í sama veðri varð tjón á hinum
stóra bakkanum, Súrálsbakkanum.
Gat kom á lokun milli steinkera og
losaði út efni svo að þekja seig á
kafla. Viðgerð hefst á næstu vikum
en talsverð köfunarvinna verður
henni samfara. Vissara þótti af þeim
sökum að viðgerðir færu fram yfir
hásumarið.
Þegar starfsmenn Hafnarfjarðar-
hafnar skoðuðu vegsummerki í kjöl-
far óveðursins var ljóst að gríðarleg
átök hafa verið í sjógangi þarna en
samkvæmt vindmælingum sló upp í
35 metra vindhraða þegar mest
gekk á.
Stöðugt álag var á hafnarsvæðið
við Austurbakka í ríflega hálfan sól-
arhring af NNV en það er versta átt-
in sem við er að eiga í Straumsvík.
sisi@mbl.is
Straumsvík Miklar skemmdir urðu á Austurbakkanum í óveðrinu í fyrra.
Gert við skemmdir
í Straumsvíkurhöfn