Morgunblaðið - 30.04.2020, Page 29

FRÉTTIR 29Erlent
MORGUNBLAÐIÐ FIMMTUDAGUR 30. APRÍL 2020
Aðalstræti 2 | s. 558 0000
Við erum 4ja ára og bjóðum því
Leyndarmál Matarkjallarans,
6 réttir að hætti kokksins,
á 6.990 kr.
Gildir 1. til 17. maí
AFMÆLISTILBOÐ
Mótmæli hafa skekið allar helstu borgir Líbanons und-
anfarna daga og hefur lögreglan neyðst til þess að
beita táragasi til þess að stöðva þau. Rót óeirðanna er
að finna í verstu efnahagskreppu landsins frá því að
borgarastríðinu þar lauk árið 1990, sem kórónuveiru-
faraldurinn hefur magnað upp.
Riad Salameh, seðlabankastjóri landsins, kenndi í
gær stjórnvöldum um ástandið og sagði þau ekki hafa
staðið fyrir nauðsynlegum umbótum á hagkerfinu.
Einn lést í óeirðunum á mánudaginn og vakti andlát
hans mikla reiði mótmælenda í garð stjórnvalda. Má
gera ráð fyrir að mótmælin haldi áfram næstu daga.
Stöðvuðu óeirðir með táragasi
AFP
Stefán Gunnar Sveinsson
sgs@mbl.is
Alþjóðavinnumálastofnunin varaði
við því í gær að um 1,6 milljarðar
manna, eða sem nemur um helmingi
þeirra sem nú eru á vinnumarkaði
um heim allan, gætu misst lífsviður-
væri sitt vegna kórónuveirukrepp-
unnar. Nokkur ríki Evrópu stefna að
því að létta á aðgerðum sínum vegna
kórónuveirunnar, en óvíst er hvort
það dugi til að takmarka þann skaða
sem kórónuveiran hefur valdið.
Bandarísk stjórnvöld tilkynntu í
gær að framleiðsla þar hefði hrunið
um 4,8% á fyrsta fjórðungi þessa árs,
en það er mesta lækkunin frá fjár-
málahruninu haustið 2008. Faraldur-
inn hefur leikið Bandaríkin verst
allra ríkja það sem af er ári, en í
fyrrinótt var staðfest að meira en ein
milljón Bandaríkjamanna hefði smit-
ast af veirunni. Þá höfðu rúmlega
58.500 manns dáið af völdum veir-
unnar vestanhafs, eða fleiri en þeir
Bandaríkjamenn sem féllu í Víet-
namstríðinu á sínum tíma.
Nokkur togstreita hefur verið inn-
an sumra ríkja Bandaríkjanna milli
ríkisstjóra og borgarstjóra helstu
borga um það hvenær sé rétt að létta
á þeim hömlum sem settar hafa verið
vegna kórónuveirunnar. Veitinga-
staðir í Georgíuríki voru opnaðir á
mánudaginn, þrátt fyrir að varað
hefði verið við því að ríkið væri
hvorki búið að ná hápunkti farald-
ursins né væri nógu vel statt í skim-
unum fyrir veirunni til þess að hægt
væri að létta á takmörkunum.
Brian Kemp, ríkisstjóri Georgíu,
tilkynnti í gær að skimað yrði mun
meira fyrir veirunni, en hann hefur
mátt sæta nokkurri gagnrýni, meðal
annars frá Donald Trump Banda-
ríkjaforseta, fyrir að hafa létt á
hömlum of snemma. Þá hefur Keisha
Lance Bottoms, borgarstjóri Atl-
anta, stærstu borgar ríkisins, hvatt
verslunareigendur og almenning í
borginni til þess að fara sér að engu
óðslega í þessum efnum og setja
heilsuna ofar efnahagnum.
Binda vonir við næsta ár
Peter Altmaier, efnahagsráðherra
Þýskalands, varaði við því að gær að
Þjóðverjar myndu ganga í gegnum
verstu kreppu í sögu sambandsrík-
isins þýska, en það var stofnað 1949.
Gert er ráð fyrir samdrætti í þjóðar-
framleiðslu Þýskalands á þessu ári
upp á um 6,3%, og um leið sagði
Altmaier ljóst að tíu ára samfellt
hagvaxtarskeið væri á enda.
Þýsk stjórnvöld spá því hins vegar
að hagkerfið muni ná sér aftur á
strik á næsta ári, og gera hagvaxtar-
spár nú ráð fyrir um 5,2% hagvexti
árið 2021.
Þýsk stjórnvöld eru þegar farin að
létta á sóttvarnaraðgerðum sínum í
áföngum og samþykktu yfirvöld í
Berlín í gær að skylda almenning að
setja á sig grímu áður en farið er í
verslanir, en nú þegar ber fólki í
borginni að hylja vit sín þegar það
notar almenningssamgöngur.
Rúmlega milljón tilfelli vestanhafs
 Stefnir í mjög djúpa kreppu í Bandaríkjunum og Þýskalandi  Fleiri Bandaríkjamenn hafa látist af
völdum kórónuveirunnar en féllu í Víetnamstríðinu  Versta kreppa í sögu þýska sambandsríkisins
Kórónuveirufaraldurinn
» Samkvæmt tölum Johns
Hopkins-háskólans voru
3.157.459 staðfest tilfelli kór-
ónuveirunnar í gær. 219.611
hafa látist af völdum hennar.
» Þar af voru 1.023.304 tilfelli
í Bandaríkjunum, eða um 32%
allra tilfella. 58.965 dauðsföll
hafa verið tilkynnt í Banda-
ríkjunum, eða um 26,8%.
AFP
Belgía Starfsfólk Bois de l’Abbaye-sjúkrahússins í Seraing í Belgíu klappar fyrir hinni hundrað ára gömlu Juliu
Dewilde, en hún var útskrifuð þaðan í gær eftir hafa haft betur í hetjulegri baráttu sinni við kórónuveiruna.
Norski auðkýfingurinn Tom Hagen
var í gær leiddur fyrir dómara í Hér-
aðsdómi Neðra-Raumaríkis og úr-
skurðaður í fjög-
urra vikna
gæsluvarðhald
vegna gruns um
að hann bæri
ábyrgð á morði
eiginkonu sinnar,
Anne-Elisabeth
Hagen, sem hvarf
sporlaust af heim-
ili þeirra hjóna í
október 2018.
Þinghald í gæsluvarðhaldsmálinu
stóð yfir mun lengur en vaninn er í
málum sem þessum og var ekki
greint frá niðurstöðu dómarans fyrr
en um kvöldmatarleytið að norskum
tíma í gær. Það tafði meðal annars
málflutning að Hagen þurfti að yfir-
gefa dómsalinn um stund meðan sak-
sóknari kynnti nokkur af þeim sönn-
unargögnum sem lögreglan vildi
leggja fram, þar sem talin var hætta
á að Hagen gæti breytt framburði
sínum við yfirheyrslur ef hann vissi
hver þau væru. Um leið féllst dóm-
arinn á kröfu ákæruvaldsins um að
þinghaldið yrði lokað fjölmiðlum.
Í frétt Morgunblaðsins í gær var
ranglega greint frá því að Hagen
hefði verið ákærður, en hið rétta er
að lögreglan lét skjalfesta fyrir hér-
aðsdómi grun sinn í garð Hagen með
því sem kallast „siktelse“ í norsku
réttarfari, en það er forsenda þess að
hægt sé að gefa út ákæru í málinu.
Svein Holden, verjandi Hagens,
sagði við norska fjölmiðla í gær að
skjólstæðingur sinn hefði verið mjög
hissa á því að hann lægi undir grun.
Sagði Holden að hann sjálfur væri
undrandi á málatilbúnaði ákæru-
valdsins sem væri „magur“ að sínu
mati, og taldi ekki að hægt væri að
draga þá ályktun af þeim gögnum
sem lögð hefðu verið fram að Anne-
Elisabeth hefði ekki verið rænt.
Hagen settur í
gæsluvarðhald
 Verjandi segir málatilbúnað veikan
Tom Hagen