Fréttablaðið - 02.09.2020, Page 6

Þeir sitja stundum
fyrir þeim fyrir
utan leikskólana og kaffæra
þau með nærveru sinni.
Sigþrúður
Guðmundsdóttir,
framkvæmda-
stjóri Kvenna-
athvarfsins
Á mótmælunum kröfð-
ust stúdentar afsagnar
Alexanders Lúkasjenkós
LÖGGJÖF Eltihrellar geta átt von á
allt að fjögurra ára fangelsi, verði
frumvarp Áslaugar Örnu Sigur­
björnsdóttur dómsmálaráðherra
að veruleika. Til stendur að bæta
við ákvæði inn í hegningarlög um
umsáturseinelti.
Samkvæmt skilgreiningu er elti­
hrellir hver sem endurtekið hótar,
eltir, fylgist með, setur sig í samband
við eða situr um, annan mann. Sé
háttsemin til þess fallin að valda
hræðslu eða kvíða.
Í langf lestum tilvikum verða
konur fyrir barðinu á eltihrellum,
sem gjarnan eru fyrrverandi makar
eða kærastar. Um 65 konur sem
leituðu til Kvennaathvarfsins í fyrra
sögðust hafa orðið fyrir umsáturs­
einelti, eða 16 prósent af þeim sem
leituðu til athvarfsins. Í einstaka
tilfellum er um að ræða menn sem
konurnar þekktu mjög lítið.
Sigþr úðu r Guðmu ndsdótt ir
framkvæmdastjóri segir eltihrella
bæði nýta stafrænar og veraldlegar
leiðir. Meðal annars endalausar
skilaboðasendingar og tölvupósta.
„Ágangur getur verið mikill á heim­
ili kvennanna og stundum vinnu­
stað þeirra,“ segir hún. „Þá reyna
þeir einnig að mynda tengsl við
fjölskyldumeðlimi, vinnufélaga og
aðra sem tengjast þolandanum og
dreifa ljótum sögum.“
Upp hafa komið tilfelli þar sem
þolendur missi atvinnuna eða f lýi
af heimili sínum í annað bæjarfélag
eða jafnvel til útlanda. Andlega
ógnin sé mikil og öryggisleysið
þrúgandi. Að þurfa að lifa við það
að gerandinn gæti dúkkað upp á
hvaða tíma sem er og hvar sem er.
Þetta álag sé einnig lagt á börnin og
aðstandendur.
„Þeir sitja stundum fyrir þeim
fyrir utan leikskólana og kaffæra
þau með nærveru sinni,“ segir Sig­
þrúður. „Það hljómar kannski sak­
laust að fá skilaboð af og til, eða sjá
viðkomandi nokkrum sinnum. En
þetta er gert í þeim tilgangi að skapa
ógn, oft eftir ofbeldissamband. Við­
veran er áminning um það hvað
hann getur gert til að halda völdum
yfir huga konunnar.“
Lengi hefur verið kallað eftir
ákvæðum um umsáturseinelti,
því með núverandi löggjöf hefur
lögreglan takmarkaða getu til að
fást við mál af þessu tagi. Erfitt
geti verið að fá nálgunarbann og
það í sjálfu sér ekki refsing heldur
þvingunaraðgerð og sé ekki endi­
lega framfylgt.
„Það þarf mikið að ganga á til að
nálgunarbann sé veitt, sönnunar­
byrðin er erfið og ekki tekið tillit til
þess að þolandinn fái að ráða hverjir
séu í lífi hans og hverjir ekki,“ segir
Sigþrúður.
Sigþrúður segir ýmislegt geta
valdið því að of beldið stoppi, til
dæmis að gerandinn finni nýja
kærustu. Stundum komi þó til þess
að hann virki hana í að hrella sína
fyrrverandi.
kristinnhaukur@frettabladid.is
Hægt verði að dæma eltihrella
til fjögurra ára fangelsisvistar
Dómsmálaráðherra hefur lagt fram frumvarp um að bæta ákvæði inn í hegningarlög um umsáturs­
ein elti. Lögreglustjórar hafa lengi þrýst á um að ákvæðið verði sett því nálgunarbann sé oft gagnslítið.
Framkvæmdastjóri Kvennaathvarfsins segir konur hafa misst atvinnuna og flúið land út af hrellum.
Þolendur hafa misst atvinnuna og þurft að flýja land vegna ógnandi tilburðum eltihrella. MYND/GETTY
Áfram mótmælt í Beirút
Fjölmenn mótmæli fóru fram í Beirút, höfuðborg Líbanons í gær, þar sem almenningur krafðist enn á ný réttlætis fyrir fórnarlömb sprengingarinn-
ar á dögunum. Fyrr í vikunni var Mustapha Adib, fyrrverandi sendiherra Líbanons í Þýskalandi, útnefndur forsætisráðherra landsins. MYND / EPA
ASÍA Kínversk stjórnvöld hafa sakað
indverska hermenn um að hafa með
ólögmætum hætti farið inn á kín­
verskt landsvæði nærri Pangong
Tso­vatni um nýliðna helgi og þar
með ógnað stöðugleika á landa­
mærum ríkjanna.
Indland og Kína hafa deilt um
hvar landamæri ríkjanna liggja
um áratuga skeið. Um er að ræða
svæði sem löndin telja hernaðar­
lega mikilvæg. Landamæradeilan
leiddi til þess að stríðsátök brutust
út árið 1962, en síðan þá hafði ekk­
ert mannfall átt sér stað um tæplega
sex áratuga skeið, þrátt fyrir mikla
spennu. Það breyttist í júní síðast­
liðnum þegar að minnsta kosti
20 indverskir hermenn létu lífið í
miklum bardaga á svæðinu þar sem
hnefarnir voru látnir tala. Kínversk
stjórnvöld hafa ekki upplýst um sitt
mannfall í atburðinum.
Óttast var að stríðsátök gætu
brotist út í kjölfarið, enda juku bæði
lönd viðbúnað sinn á svæðinu. Við­
ræður milli ríkjanna leiddu til þess
að ástandið lagaðist um tíma, en nú
óttast stjórnmálaskýrendur að hin
meinta ögrun Indverja sé til marks
um það að búið sé að tendra við­
varandi ófriðarbál á svæðinu. – bþ
Indverjar sagðir
ögra Kínverjum
H V Í T A - R Ú S S L A N D Þ ú s u n d i r
háskólastúdenta í Hvíta­Rússlandi
sniðgengu fyrsta skóladaginn í
háskólum landsins í gær og efndu
til mótmæla á götum úti í Minsk,
höfuðborg landsins. Á mótmælun­
um kröfðust stúdentarnir afsagnar
Alexanders Lúkasjenkós, forseta
landsins, sem var endurkjörinn í
umdeildum kosningum í síðasta
mánuði. Reuters greinir frá.
Fjöldi stúdenta var handtekinn í
mótmælunum, en bæði lögregla og
öryggissveitir réðust að mótmæl­
endum. Tugþúsundir hafa mótmælt
í Hvíta­Rússlandi frá því að forseta­
kosningarnar fóru þar fram 9. ágúst
og hafa þúsundir verið handteknar.
Talið er að kosningatölur hafi verið
falsaðar. – bdj
Sniðgengu fyrsta
skóladaginn
BELGÍA Þann 20. ágúst síðastliðinn
fundu iðnaðarmenn í belgísku
borginni Verviers undarlegan fjár­
sjóð.
Við viðgerð á glæsilegum gos­
brunni í miðbænum fannst kistill
úr sinki í holrými á bak við styttu
af fyrsta borgarstjóra borgarinnar,
Pierre David. Þegar innihald kistils­
ins var rannsakað nánar kom í ljós
að hann innihélt hjarta borgar­
stjórans.
David var afar dáður meðal
borgarbúa en hann dó árið 1839 af
slysförum. Í samráði við fjölskyldu
hans var ákveðið að fjarlægja hjarta
borgarstjórans til þess að heiðra
hann síðar með einhverjum hætti.
Fram fór söfnun til þess að reisa
minnisvarða, en verkefninu lauk
ekki fyrr en tæpri hálfri öld síðar,
þegar gosbrunnurinn var vígður.
Þá var kistlinum komið fyrir en
síðan þá hefur tilvist hans verið
eins konar goðsögn í borginni sem
nú hefur komið í ljós að var sönn.
Kistlinum, sem er í afar góðu ásig­
komulagi, hefur verið komið fyrir
í listasafni borgarinnar þar sem
hann verður til sýnis um ókomna
tíð. – bþ
Fundu hjarta
borgarstjórans
2 . S E P T E M B E R 2 0 2 0 M I Ð V I K U D A G U R6 F R É T T I R ∙ F R É T T A B L A Ð I Ð