Dagblaðið Vísir - DV - 09.10.2020, Qupperneq 28

FIMM
FLOTTAR
GRÍMUR
Elísabet Gunnarsdóttir, tískubloggari á Trendnet,
deilir hér hugmyndum að fallegum grímum.
Með aukinni grímuskyldu er ekki seinna
vænna að tryggja sér góða grímu.
Ég vil byrja á að taka það fram að ég er enginn sér-fræðingur um grímur og
hvet því fólk til að kynna sér
hvaða grímur skila þeim til-
gangi sem ætlast er til. Um-
hverfisins vegna þá er auðvit-
að best að nota fjölnota grímur
og eru þær einnig fallegri að
mínu mati – það er þó mælst
til þess að þær séu þvegnar
einu sinni á dag í það minnsta,”
segir Elísabet sem sjálf er bú-
sett í Danmörku og þekkir því
vel hvernig það er að ferðast
með grímu.
„Eins og áður þá held ég með
íslenskum aðilum sem hafa
prófað sig áfram í grímugerð
og nýtt t.d. gamla efnisbúta í
verkefnið. Gríman er líklega
aukahlutur sem er kominn til
að vera og því um að gera að
velta þessu aðeins fyrir sér.
Ég tók þó eftir því að þessi
aukahlutur var ekki hluti af
sýningum hátískunnar í ár
og held ég að það sé með vilja
gert – til að tengja ekki við
eða minna fólk á þetta ömur-
lega ástand. Síðar meir held ég
að þetta verði án efa hluti af
vöruúrvali þeirra,“ segir Elísa-
bet sem skrifar meðal annars
um tísku á trendnet.is og sinnir
frumkvöðlastarfi í Danmörku
þar sem hún býr. n
Þorbjörg
Marinósdóttir
tobba@dv.is
VETRARGRÍMA
„Hvernig verður grímunotkun
þegar fer að kólna? Munum við
öll bera gömlu, góðu lambhúshett-
una sem er þá auðvelt setja fyrir
munninn í vissum aðstæðum?“
ANDREA
„Andrea Magnúsdóttir, fatahönnuður og vinkona mín
gaf mér og Ölbu þessar grímur til að nota. Mér finnst
þær æði og vona innilega að hún ætli sér að setja þær
í sölu í verslun sinni í Hafnarfirði.“
HEIMATILBÚIN GRÍMA
„Þegar dóttir mín (11 ára) ferðað-
ist ein til Íslands þá föndraði hún
grímu úr gömlum Nike sokk af
pabba sínum. Slíkar grímur virka
ekki eins vel og þriggja laga, en
geta verið sniðugar fyrir börn
og þá kannski á þeim aldri þar
sem ekki er raunveruleg grímu-
skylda. Sonur minn sem er 4 ára
fékk einnig að velja sér grímu, en
sú gerði ekki mikið gagn í sótt-
vörnum.“
APÓTEK
„Ég hef kosið að nota þessar
hefðbundnu apóteksgrímur þegar
ég þarf að ferðast milli heimilis
míns í Danmörku og Íslands. Ég
treysti þeim einhvern veginn
best. Það þarf að gæta ýtrasta
hreinlætis við notkun grímanna,
snerta þær sem minnst og skipta
um grímu þegar hún er orðin rök
eða skemmd á einhvern hátt.“
SPÚÚTNIK
„Spúútnik á Laugavegi selur úrval
af grímum úr alls konar efnum.“
HILDUR YEOMAN
„Íslenski hönnuðurinn Hildur Yeoman selur grímur úr
efnum sem annars fara til spillis í saumaskap annarra
flíka. Mæli með að skoða úrvalið hjá henni á Skóla-
vörðustíg, en ég hef heyrt að þær seljist hratt upp.“
MYNDIR/AÐSENDAR
28 FÓKUS 9. OKTÓBER 2020 DV