Fréttablaðið - 01.10.2020, Blaðsíða 37

LEIKHÚS
Kópavogskrónika
Kamilla Einarsdóttir
Þjóðleikhúsið
Leikgerð: Ilmur Kristjánsdóttir og
Silja Hauksdóttir
Leikstjórn: Silja Hauksdóttir
Leikarar: Ilmur Kristjánsdóttir,
Arnmundur Ernst Backman og
Þórey Birgisdóttir
Leikmynd og búningar: Sigríður
Sunna Reynisdóttir
Tónlist: Auður
Lýsing: Jóhann Bjarni Pálmason
Hljóðmynd: Kristján Sigmundur
Einarsson
Krónískt sjálfshatur mallar yfir
volgum bjór sem drukkinn er of
snemma dags í miðri viku. Örvænt-
ingu yfir því að elska, annaðhvort
sjálfa sig eða aðra, vex ásmegin með
hverjum sopa. Þá er bara langbest
að taka strax næsta drykk. Lífið er
hvort eð er bara samansafn tilvilj-
ana í bland við klaufalegar tilraunir
til að vera heilleg manneskja. Kópa-
vogskrónika, byggð á samnefndri
bók Kamillu Einarsdóttur, fékk
loksins sinn frumsýningardag í
Þjóðleikhúsinu eftir töluverða töf.
Kópavogskrónika er óður til
bæjarfélags og barns, misjafnt er
hvort er mikilvægara í huga and-
söguhetjunnar. Sýningin er sjálfs-
skoðun í gegnum tortímingu þar
sem ferð á Riddarann virðist vera
góð hugmynd alveg þangað til ein-
hver viðskiptavinur lætur þig óttast
smávegis um líf þitt og ástin kvikn-
ar yfir áleggi í Bónuskælinum til
manns sem vill ekkert með þig hafa.
Leikgerðin er í höndum Ilmar
Kristjánsdóttur og Silju Hauks-
dóttur sem stokka upp í uppruna-
lega textanum, bæta við á stöku
stað og sleppa öðru. Bráðfyndið
atriði þar sem andsöguhetjan situr
með fulltrúum foreldrafélagsins að
ræða um ábyrgðaraðila, niðurföll
og íþróttahús er besta viðbótin. En
texti Kamilllu er til grundvallar, á
köflum kómískur, snarpur og óhefl-
aður, ef ekki óagaður.
Ilmur fer með hlutverk ónefndu
konunnar í Kópavogsævintýrinu
og nær föstum tökum á því. Frá-
sagnarstíllinn er í formi játninga
við áhorfendur og myndar hún sterk
tengsl við salinn. Ilmur vekur upp
samúð og mikinn hlátur með kald-
hæðnislegum tilsvörum í bland við
vangaveltur um tilveruna. Velta má
þeirri spurningu upp hvort bókinni
hefði betur verið umbreytt í ein-
leik. Ekki að það sé neitt að sakast
við hina leikarana tvo. Arnmundur
Ernst Backman leikur heila hjörð af
sjálfhverfum karlmönnum sem sjá
ekki sólina fyrir sjálfum sér. Raftón-
listarskáldið, verðbréfasalinn og
læknirinn eru allir jafn óspennandi
en Arnmundur smellir sér lipurlega í
hlutverk þeirra og finnur húmorinn
í þeim öllum. Þórey Birgisdóttir fær
aftur á móti færri bitastæð hlutverk,
þó er slavneska hreyfilistakonan
eftirminnileg, en leysir þau ágætlega.
Silja er betur þekkt fyrir að leik-
stýra sjónvarpsþáttum og kvik-
myndum fremur en leikritum.
Þeirra áhrifa sést gæta hér þar sem
Kópavogskrónika er frekar senu-
skipt en flæðandi. Sýningin byrjar
ekki nægilega afgerandi en í heild-
ina tekst ágætlega til þó að innri
taktur framvindunnar hökti af og
til. Sigríður Sunna Reynisdóttir
sér um bæði búninga og leikmynd.
Búningarnir heppnast vel en hver
karakter fær sína einkennisflík og
virkar best þegar primaloft úlpurnar
mæta leðurjakkanum. Miðpunktur
leikmyndarinnar er grasi vaxinn
hóll umkringdur grámyglulegum
veggjum sem virka ekki og eru ekki
nægilega vel nýttir. Tónlistarmaður-
inn Auður, í samvinnu við Kristján
Sigmund Einarsson, sér um hljóð-
heiminn og tekst þeim virkilega vel
til. Djammundirtónninn er í senn
samtímatengdur en um leið aftur-
hvarf í smelli fyrri ára, bjórblaut
dansgólf og vandræðalegar við-
reynslur.
Kópavogskrónikan er lítil og
stutt leiksýning með stórt ef blautt
hjarta. Manngæskan hefur lítið með
auð að gera heldur miklu fremur að
auðga líf annarra með ást. Stundum
er þeirri ást sóað í einhvern sem á
hana ekki skilið, stundum er betra
að elska úr fjarlægð en það mikil-
vægasta er að reyna að finna leið til
að elska sjálfa sig. Sigríður Jónsdóttir
NIÐURSTAÐA: Heillandi harmsaga
um leitina að sátt, eða bara næsta
bjór.
Kófdrykkja í Kópavogi
Kópavogskrónika er óður til bæjarfélags og barns, segir gagnrýnandi. MYND/HÖRÐUR SVEINSSON
HAUST
ÚTSALA
Ármúla 31 Opnunartími:
Fimmtudaginn 1. okt 16:00-18:00
Föstudaginn 1. okt 16:00-18:00
Laugardaginn 3. okt 13:00-15:00
1. – 3. OKTÓBER
30% afsláttur af öllum vörum frá Varma
50% afsláttur af angóruvörum frà Ylfa
- og ekki má gleyma útsöluhorninu okkar
VELJUM ÍSLENSKA FRAMLEIÐSLU
M E N N I N G ∙ F R É T T A B L A Ð I Ð 23F I M M T U D A G U R 1 . O K T Ó B E R 2 0 2 0