Fréttablaðið - 29.10.2020, Blaðsíða 18

Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Jón Þórisson jon@frettabladid.is, FRÉTTASTJÓRAR: Aðalheiður Ámundadóttir adalheidur@frettabladid.is
Ari Brynjólfsson arib@frettabladid.is, Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Kolbrún
Bergþórsdóttir
kolbrunb@frettabladid.is

Tuttugu ár
eru ekki
langur tími
til að bregð-
ast við þeirri
ógn sem
blasir við.

Sjálfstæðis-
flokkurinn
hefur barist
með kjafti og
klóm gegn
þeim málum
sem hann
hefur sjálfur
lofað að fram-
kvæma.
Ekki er mjög líklegt að hið fremur værukæra mannkyn hafi tekið kipp við nýlegar fréttir um að innan tuttugu ára gæti norðurskaut-ið orðið íslaust að sumri til. Eins og Stöð 2 sagði frá í fréttatíma sínum síðastliðið
þriðjudagskvöld er þetta hin nöturlega niðurstaða
eftir umfangsmesta vísindaleiðangur sem farinn
hefur verið á norðurskautið. Honum er nýlokið eftir
að hafa staðið í ár og tugir vísindamanna, víðs vegar
að úr heiminum, tóku þátt í honum.
Breytingarnar á norðurskautinu gerast mjög hratt
og þær skipta sannarlega máli fyrir veðurfar um
allan heim. Ofsaveður munu verða enn tíðari en nú
er og valda skelfilegum hörmungum. Tuttugu ár eru
ekki langur tími til að bregðast við þeirri ógn sem
blasir við.
Ótal ráðstefnur hafa verið haldnar á síðustu árum
þar sem sérfræðingar vara við ógnvænlegri þróun í
loftslagsmálum og almenningur er kvíðafullur vegna
stöðunnar. Nútímabörn óttast þessa vá í sama mæli
og börn kaldastríðsáranna óttuðust kjarnorku-
styrjöld. Samt gerist svo að segja ekkert. Það lýsir
góðum vilja að álykta og veifa mótmælaspjöldum og
krefjast aðgerða en það nægir samt ekki. Þróunin á
norðurskautinu hefur verið til umræðu í þó nokkurn
tíma. Nú er komin tímamæling sem er sú að mann-
kynið hafi tuttugu ár til að snúa þróuninni við með
minnkun gróðurhúsalofttegunda.
Markus Rex, leiðangursstjóri vísindaleiðang-
ursins, segir að ekki sé öll von úti um að þetta takist.
Ekki skal hér gerð tilraun til að lesa í huga þess ágæta
manns en vel má ímynda sér að þótt hann tali kjark
í mannkyn sé hann innst inni heldur vonlítill um að
skelfilegri þróun verði snúið við. Svo margt þyrfti að
breytast í lífsháttum okkar til að það takist og mann-
kynið er gefið fyrir að hafa það eins gott og mögulegt
og er. Nú er mannkynið upptekið við að fylgjast með
tölum um COVID-smit og dauðsföll. Þegar COVID-
tímabilinu lýkur er líklegt að mannkynið fyllist
kæruleysislegri ofsagleði og missi sig í stjórnlausa
eyðslu með tilheyrandi sóun og mengun.
Langlíklegast er að ekkert sérstakt muni gerast
í baráttunni gegn loftslagsvánni og tíminn líða án
aðgerða. Með venjulegu millibili munum við ranka
við okkur fyrir framan kvöldfréttir sjónvarpsstöðva
þar sem okkur verður sagt að við höfum sautján ár til
að forða því að norðurskautið verði íslaust… tólf ár…
sjö ár… þrjú ár… Eitt kvöldið kemur síðan fréttin að
um hásumar sé norðurskautið nú orðið svo til íslaust.
Þá andvörpum við og minnumst allra fréttanna
sem hafa dunið á okkur árum saman um ofsaveðrin
sem hafa kostað fjölda mannslífa og valdið gríðar-
legu tjóni. Já, hugsum við, það hefði átt að bregðast
við meðan enn var tími til. Og við hristum höfuðið
og botnum ekkert í af hverju það var ekki gert. Við
höfum vissulega rankað við okkur, en það gerðist
bara of seint.
Loftslagsváin vofir yfir okkur og mun ekki hverfa
meðan viðbrögðin eru helst þau að sitja með hendur
í skauti og aðhafast lítið sem ekkert.
Enginn ís
Fyrir kosningar árið 2013 sendi formaður Sjálf-stæðisflokksins, Bjarni Benediktsson, bréf til allra eldri borgara. „Eldri kynslóðir verðskulda
að búa við öryggi og góð lífsgæði,“ skrifaði hann. „Fái
Sjálfstæðisflokkurinn umboð til að leiða næstu ríkis-
stjórn munum við setja eftirfarandi mál í öndvegi.“
Svo lofaði formaðurinn meðal annars að íþyngja
ekki öldruðum með ósanngjarnri skattlagningu,
að afturkalla kjaraskerðingar hjá ellilífeyrisþegum,
afnám tekjutengingar ellilífeyris og svo framvegis.
Sjálfstæðisflokkurinn fékk sitt umboð, en stóð hann
við gefin loforð? Að sjálfsögðu ekki.
Flokkur fólksins hefur lagt fram fjölda þingmála
sem snerta hagsmuni aldraðra. Þar á meðal eru þing-
mál um afnám skerðinga vegna launatekna, 100.000
króna frítekjumark vegna lífeyristekna og að komið
verði í veg fyrir vaxandi kjaragliðnun með því að
láta bætur almannatrygginga hækka í samræmi við
launavísitölu í stað þess að miða við vísitölu neyslu-
verðs. Þessum málum hefur margoft verið hafnað
á Alþingi. Sjálfstæðisflokkurinn hefur barist með
kjafti og klóm gegn þeim málum sem hann hefur
sjálfur lofað að framkvæma.
Þetta er ekki í fyrsta sinn sem Sjálfstæðisflokkur-
inn siglir undir fölsku flaggi. Þingmenn flokksins
hafa lengi talað um mikilvægi þess að draga úr
ríkisafskiptum og fækka þeim sem eru á spena
ríkisins. En þegar nánar er skoðað kemur allt annað
á daginn. Síðustu ár hefur ríkið, undir forystu Sjálf-
stæðisflokksins, greitt um fimm milljarða króna til
stjórnmálaflokka. Þótti flestum það nóg, en þegar
núverandi ríkisstjórn kom til valda tók hún þá
ákvörðun að hækka styrki til stjórnmálaflokka um
127 prósent.
Allir þingflokkar alþingis, fyrir utan Pírata og
Flokk fólksins, samþykktu að skammta sér þessa
peninga. Enda eru flestir stjórnmálaflokkar skuldum
vafnir. Þetta kemur á ofan á þær óhóflegu launa-
hækkanir sem þingmenn hafa fengið undanfarin
ár. Á meðan bíða aldraðir enn eftir því sem þeim var
lofað fyrir löngu.
Undir fölsku flaggi
Sigurjón
Arnórsson
framkvæmda-
stjóri Flokks
fólksinsHAFÐU FJÖLPÓSTINN
ÞINN Í FRÉTTABLAÐINU
– MEST LESNA DAGBLAÐ LANDSINS
Auglýsingaefnið lendir á eldhúsborðinu þegar
blaðið er opnað!
Íslendingar lesa Fréttablaðið
daglega að meðaltali.*
Kannaðu dreiileiðir og verð í síma 550 5050
eða sendu tölvupóst á orn@frettabladid.is.
Útvegum einnig hagstæð verð í prentun.
93.000
*Prentmæling Gallup, 12 - 80 ára, okt. - des. 2019.
Mannnöldatölur Hagstofu Íslands 2019
Jú, víst!
Bókatíðindi sigla ekki lygnan
sjó eftir að í ljós kom að ein
bókin sem átti að enda í jóla-
pökkunum er hrein della.
Útgáfan dularfulla Betaíota
stendur fyrir bókinni Trölla-
saga 21. aldarinnar. Um er að
ræða 556 blaðsíðna bók eftir
rafmagnsverkfræðinginn Artúr
Butz. Er því haldið fram statt
og stöðugt að kvikmyndin
Opinberun Hannesar hafi
aldrei verið gerð. Segir í bóka-
tíðindum að Artúr hafi rakið í
sundur atburðarásina og vísi
á bug áróðri, ýkjum og skrök-
sögum, í lokin komist hann að
þeirri niðurstöðu að Opin-
berun Hannesar sé einungis til
í hugum fólks. Allir sem horfðu
á Íslenskt bíósumar á RÚV vita
þó sannleikann.
Allir vinna
Hin eilífa hringrás stjórn-
sýslunnar heldur áfram í nýju
frumvarpi atvinnumála-
ráðuneytisins. Þar er kveðið
á um að Húsnæðis- og mann-
virkjastofnun taki að sér hlut-
verk Neytendastofu á sviðum
vöruöryggismála, opinberrar
markaðsgæslu og mælifræði.
Þá verða þakrennur, burðar-
þolsmælingar og hurðakarmar
færð til Póst- og fjarskipta-
stofnunar. Á móti verður
fjölpósti, Nokia-símum og
podköstum útvistað til Neyt-
endastofu. Það verður enginn
verklaus á meðan.
2 9 . O K T Ó B E R 2 0 2 0 F I M M T U D A G U R18 S K O Ð U N ∙ F R É T T A B L A Ð I Ð
SKOÐUN