Fréttablaðið - 29.10.2020, Blaðsíða 24

Sem bæði menntaður klæð-skeri og fatahönnuður hefur Guðrún starfað við fagið í
rúmlega tíu ár. Starfsframann og
búningaáhugann tengir hún beint
við æskuna enda var móðir hennar
dugleg að sauma bæði búninga
fyrir öskudaginn og fatnað
almennt. „Þarna byrjar áhugi
minn á fatnaði yfir höfuð. Amma
var líka dugleg að sauma svo þetta
var mjög mikið í fjölskyldunni.
Það var líka mjög mikil nýtni á
heimilinu og mamma saumaði á
okkur búninga og ný föt úr efnum
og gömlum fötum. Ég saumaði
mér eitt sinn árshátíðarkjól úr
rúmfötum. Og þegar ég var um
fimmtán ára saumaði ég býflugna-
búning fyrir litla bróður sem
var rétt um eins árs. Ég á þennan
búning enn og held mikið upp á
hann,“ segir Guðrún.
Komdu og skoðað’ í kistuna
Guðrún segist alltaf hafa haldið
upp á öskudaginn. „Það var
bara enn betra þegar Halloween
bættist við. Ég segi stundum
við erlenda vini mína sem ekki
þekkja öskudaginn að hann sé
eins og Halloween nema bara með
regnbogum og einhyrningum,“
segir Guðrún og kímir.
„Búningagerðin er opnari á
öskudaginn á meðan ég leita
frekar í hryllinginn á Halloween.
Ég á stórt safn, um ellefu kassa,
af alls konar fötum og búningum
sem ég hef sankað að mér úr
ýmsum áttum. Sumt er venjulegur
fatnaður og annað hef ég saumað
sjálf. Það er jafnvel byrjað að
spyrjast út hjá vinum og vanda-
mönnum að ég geti reddað bún-
ingum. Systir mín þarf til dæmis
aldrei að hafa áhyggjur. Þegar hún
var ólétt í fyrra útbjó ég fyrir hana
Handsmaid’s Tale búning. Svo
hefur þessi áhugi minn smitast
mikið inn í stórfjölskylduna. Litla
frænka mín er til dæmis forfallin
búningaáhugakona og hefur það
líklega frá mér.“
Gaman að vera einhver annar
Um tíma starfaði Guðrún við bún-
ingagerð hjá Íslensku óperunni.
„Ég er einlægur aðdáandi leikhúss
og óperu og þetta var ótrúlega
skemmtilegur tími. Í mínum huga
tengist þetta allt. Tíska hefur
mikið mótað samfélög í gegnum
aldirnar og í henni endurspeglast
tíðarandi líðandi stundar. Ég held
það sé stór ástæða þess hversu
mikið ég heillast af tísku, klæð-
skurði og búningum. Hvernig
við tjáum okkur með tískunni og
búum til okkar eigin stíl, hand-
verkinu sem býr þar að baki og
skilja hver klæðist hverju og hvers
vegna, hver sé ástæðan á bak
við vissa tísku og vissan fatnað.
Búningar eru bara eitt annað
form af tjáningu, geta fangað vissa
stemningu og veruleika sem er
ókunn okkur. Leikhús og kvik-
myndir færa okkur nær fortíðinni,
framtíðinni og búa til drauma-
veröld, já, eða martraðaveröld sem
einungis er til í hugarheiminum.
Það er eitthvað svo spennandi að
geta hoppað á milli þessara veru-
leika.“
Guðrún starfar í dag sem
skrifstofustjóri hjá fyrirtækinu
Meniga og stundar meðfram því
meistaranám í verkefnastjórnun
hjá Háskóla Reykjavíkur. „Námið
tengist inn í fatahönnunargeirann
enda er starfsumhverfið þar afar
verkefnatengt. Svo stefni ég á að
vinna að einhverju menningar-
tengdu í framtíðinni enda opnar
námið fyrir mikla möguleika. Þó
svo vinnan mín hjá Meniga sé ekki
tengd fatahönnunargeiranum þá
er ég enn starfandi innan fagsins.
Þá gegni ég formannsstöðu hjá
Fatahönnunarfélaginu.“
Halloween á farsóttartímum
Á tímum samkomubanns og sótt-
varna er ekki úr lagi að spyrja í
hvaða veruleika Guðrún ætli að
hoppa þetta árið. „Það átti að vera
Halloween-partí hjá bardaga-
félaginu Tý, þar sem ég æfi. En það
verður ekki úr því vegna faraldurs-
ins. Einnig ætluðum við frænkurn-
ar að halda ærlegt Halloween-partí
og hafa það sem árlegan viðburð,
en það verður að bíða fram á
næsta ár. Í staðinn verður Hallo-
ween-gleðistund á Zoom á vegum
vinnunnar. Mér finnst líklegt að
búningurinn hjá mér í ár verði
meira í áttina að andlitsmálningu,
en ég hef líka mjög gaman af þeim
hluta í búningagerð. Mig langar að
nota gervilatex og búa kannski til
sár. Þetta verður að minnsta kosti
eitthvað tengt horror og hryllingi,“
segir Guðrún spennt.
Jóhanna María
Einarsdóttir
johannamaria@frettabladid.is
Með búningaáhugann í blóðinu
Guðrún Guðjónsdóttir viðurkennir það fúslega að hún sé metnaðarfull þegar kemur að hrekkja-
vökubúningum. Þá er hún gjarnan sú fyrsta sem vinir leita til þegar kemur að grímuböllum.
Guðrún var heldur betur óhugnan-
leg á Halloween í fyrra, 2019.
Hér hefur Guðrún málað hálft and-
litið eins og beinagrind og klætt sig
sem herforingja. MYNDIR/AÐSENDAR
Hér var „hin“ móðirin úr Coraline-kvikmyndinni innblásturinn að hrekkja-
vökubúningi Guðrúnar árið 2017. Það er greinilegur metnaður í henni.
Guðrún var glæsileg sem japönsk
geisha á öskudaginn árið 2017.
„Lifðu lengi og dafnaðu“ eru
kveðjuorð Vúlkana. Hér má sjá
Guðrúnu túlka Vúlkaninn Spock úr
Star Trek-þáttaröðunum.
Hér má sjá Guðrúnu og vinkonu hennar sem Jókerinn á Halloween 2015.
Guðrún Guðjónsdóttir hefur starfað innan fatahönnunarbransans í rúm-
lega tíu ár og er forfallinn búningaáhugakona. FRÉTTABLAÐIÐ/VALLI
LIÐVERKIR,
STIRÐLEIKI
EÐA BRAK Í
LIÐUM?
Mest selda liðbætiefni
á Íslandi
2-3ja
mánaða skammtur íhverju glasi
4 KYNNINGARBLAÐ FÓLK 2 9 . O K TÓ B E R 2 0 2 0 F I M MT U DAG U R