Fréttablaðið - 29.10.2020, Síða 43

BÍLAR
BMW Group hefur tilkynnt um
innköllun á nokkrum gerðum teng­
iltvinnbíla, framleiddum frá 20.
janúar til 18. september á þessu ári.
Nær innköllunin til jepplinga eins
og X1, X2, X3 og X5 í tengiltvinnút­
gáfum ásamt sömu gerða 3,5 og
7­línu, 2­línu Active Tourer, i8 og
Mini Countryman.
Eins og fram kemur í leiðréttingu
BL á bílavef mbl.is á innköllunin alls
ekki við hvern einasta tengiltvinn­
bíl sem BMW og Mini hafa fram­
leitt. „Af þeim tengil tvinnbílum
sem framleiddir voru á ofangreindu
tímabili f lutti BL inn 53 og af þeim
bíða 23 innköllunar í samráði við
eigendur. Um er að ræða hugbún­
aðaruppfærslu, hleðslu og aflestur
til að sannreyna nauðsynleg örygg­
isatriði,“ segir í leiðréttingunni.
Mengaðar rafhlöður
Er innköllunin vegna framleiðslu­
galla í raf hlöðu sem geta verið
mengaðar af efnum sem ekki eiga
að vera í þeim. Er talinn möguleiki
á skammhlaupi vegna þessa og jafn­
vel íkveikju í verstu tilfellum.
Alls er um 26.700 ökutæki að
ræða á markaðssvæðum víða um
heim. Ford hefur nýlega innkallað
Kuga tengiltvinnbíla en þeir nota
rafhlöðu frá sama framleiðanda.
Talsmaður BMW Group lét hafa
eftir sér að búið væri að stöðva
sendingar á tengiltvinnbílum
fyrirtækisins sem hluta af fyrir­
byggjandi aðgerðum. „Innri rann­
sókn hefur leitt í ljós að í örfáum
tilfellum hafi smáagnir komist inn
í rafhlöðurnar í framleiðsluferlinu.
Þegar rafhlaðan er fullhlaðin getur
það leitt til skammhlaups, sem gæti
leitt til bruna. BMW biður kaup­
endur afsökunar, en öryggið þarf
að koma á undan öllu öðru,“ sagði
talsmaður BMW Group.
BL innkallar 23 tengiltvinnbíla
Tæplega helmingur þeirra BMW tengiltvinnbíla sem BL flutti inn á tíma-
bilinu eru innkallaðir en vinælastir þeirra eru X3 og X5 jepplingarnir.
Há markaðshlutdeild raf bíla og
tengiltvinnbíla á Íslandi er farin að
vekja athygli út fyrir landsteinana.
Í grein á vefmiðlinum InsideEVs
er fjallað um að Ísland sé komið
í annað sæti í markaðshlutdeild
teng iltvinnbíla (PHEV) á heims­
vísu á eftir Noregi. Þar er sagt að
sala tengil tvinnbíla á fyrstu níu
mánuðum ársins sé 3.170 bílar sem
er 43% af heildarsölu, en markaðs­
hlutdeild þeirra í Noregi er 71%.
Einnig er fjallað um að Tesla Model
3 sé mest seldi bíllinn á Íslandi, en
289 voru seldir í síðasta mánuði, og
742 það sem af er árinu. Þar vekur
athygli blaðamanns Inside EVs að
VW ID.3 sé í öðru sæti með 42 bíla í
september og í þriðja sæti sé Toyota
RAV4 Prime tengil tvinnbíllinn.
Birtir vefmiðillinn einnig töf lu
yfir vinsælustu hlaðanlegu bílana,
þar sem að Mitsubishi Outlander
PHEV er í öðru sæti með 381 bíl á
árinu og Audi e­Tron í þriðja með
198 bíla.
Ísland í öðru sæti yfir sölu tengiltvinnbíla á heimsvísu
Mitsubishi Outlander PHEV er vin-
sælasti tengiltvinnbíllinn á Íslandi
og er seldur víðar en hjá Heklu.
Mercedes­Benz merkið hefur keypt
stærri hlut í breska bílamerkinu
Aston Martin og aukið hlut sinn
úr 2,6% í 20% fram að árinu 2023.
Aston Martin hefur verið að ganga
í gegnum erfiða tíma að undan­
förnu síðan merkið fór á markað
fyrir tveimur árum. Eru bréfin sem
Mercedes­Benz keypti metin á rúma
52 milljarða króna.
Sem hluta af þessum samningi
mun Aston Martin útfæra tækni­
samning sinn við þýska merkið en
Aston Martin hefur notað vélar frá
AMG í bíla sína síðan 2013. Mun
Aston Martin nú geta nýtt sér lykil­
tækni eins og undirvagna sem bjóða
upp á rafútfærslur og tengiltvinn­
bíla. Aston Martin er nýbúið að setja
fyrsta jepplinginn sinn á markað
sem kallast DBX. Í ágúst tók fyrr­
verandi yfirmaður Mercedes­AMG,
Tobias Moers, við sem forstjóri
Aston Martin.
Benz kaupir stærri hlut í Aston Martin
Aston Martin DBX er með öflugri V8 bensínvél en gæti fengið undirvagn frá
Mercedes sem leyfði sparneytna en jafnöfluga tengiltvinnútfærslu.
Fyrstu myndir af Porsche Macan
EV hafa nú birst almenningi, en
ef laust er þess ekki langt að bíða
að þessi bíll verði kynntur. Bíllinn
er byggður á nýjum undirvagni og
verður annar bíll Porsche sem er
alveg rafdrifinn.
Um aðra kynslóð bílsins er að
ræða og eins og sjá má af myndinni
er bíllinn með meira kúpulagi en
áður auk þess að taka útlitseinkenni
frá Taycan­rafbílnum. Er hugmynd­
in hjá Porsche að bjóða nýja bílinn
sem rafbíl samhliða fyrri kynslóð­
inni. Munu kaupendur þannig geta
valið raf bíl í nýja bílnum eða bíl
knúinn brunahreyfli.
Þrátt fyrir dulbúnað kringum
framljósin má sjá að þau eru mun
þynnri en áður sem er eins og á
Taycan­bílnum. Að aftan er einn­
ig nýr ljósabúnaður auk stillanlegs
afturvængs.
Kemur á markað 2021
Porsche Macan EV mun koma á
markað seint á næsta ári sem 2022
árgerð og verður á nýja PPE­rafbíla­
undirvagninum.
Ekki er mikið vitað um þessa
nýju gerð fyrir utan það að undir­
vagninn býður upp á sama 800 V
rafkerfi sem styður 350 kW hleðslu­
stöðvar. Undirvagninn mun einnig
geta farið undir stærri ökutæki svo
búast má við honum í næstu kyn­
slóð Cayenne til að mynda. Búast
má við að nýi bíllinn hafi jafnvel yfir
500 km drægi enda þarf hann þess
til að geta talist samkeppnishæfur.
Helstu keppinautar hans verða Tesla
Model X, Ford Mustang Mach E og
Jaguar I­Pace svo eitthvað sé nefnt.
Rafdrifinn Macan næst á mynd
Flestir bílaframleiðendur hamast nú við að koma á markað rafjepplingum af sportlegra taginu. Stutt
er í alvöru samkeppni á þeim markaði og auðvitað getur sportbílaframleiðandinn Porsche alls ekki
sleppt því að taka þátt. Porsche hefur þegar sagt að slíkur bíll sé í þróun í líki Macan fyrir 2022.
Kúpulagið á nýjum Macan er áberandi sem og Taycan-framljósin undir felubúnaðinum. MYND/AUTO EXPRESS
Jagúar hefur frumsýnt andlits­
lyftingu á E­Pace jepplingnum og í
leiðinni er von á honum með nýjum
undirvagni. Mun það þýða að bæði
tvinnútgáfur og tengiltvinnbíll sé á
leiðinni. Áður notaðist bíllinn við
gamlan undirvagn frá Ford sem
kallast D8 svo að breytingin fyrir
bílinn er talsverð og meiri en gerð
var á F­Pace í fyrra. Er í raun og veru
um sömu breytingar að ræða og
Land Rover gerði á Discovery Sport
og Range Rover Evoque í fyrra.
Að sögn Jagúar hefur breytingin
mikil áhrif á aksturseiginleika bíls­
ins með því að nota stífari undir­
vagn með betra fjöðrunarkerfi
en aðallega er það val á vélbúnaði
sem skiptir máli fyrir bílinn. Alls
verða sex af sjö nýjum vélum nú í
boði í tvinnútgáfum af einhverju
tagi. Sú sem skiptir mestu máli
fyrir Jagúar er tengiltvinnútgáfa
með 197 hestaf la 1,5 lítra bensín­
vél og 107 hestaf la rafmótor við
afturdrifið. Verður sú útgáfa 6,1
sekúndu í hundraðið sem þýðir að
um öf lugasta E­Pace hingað til er
að ræða. Hann verður með 15 kWst
raf hlöðu undir farangursrýminu
og verður hann með 55 km drægi á
rafmagninu eingöngu. Þrjár bensín­
útgáfur með mildri tvinnútfærslu
verða einnig í boði og nota þær
allar tveggja lítra bensínvélina. Eru
þær 197, 246 og 296 hestöfl með níu
þrepa sjálfskiptingu og fjórhjóla­
drifi.
Að innan má sjá sömu breytingar
og á öðrum Jagúarbílum hingað til.
Bíllinn verður kominn með Pivi Pro
upplýsingakerfið með 11,4 tommu
snertiskjá. Apple CarPlay og Andro­
id Auto verður nú staðalbúnaður og
mun bíllinn geta uppfært hugbúnað
sinn gegnum netið. 12,3 tommu
skjár verður í mælaborðinu sjálfu
auk þess sem að nýr framrúðuskjár
verður í boði. Loks verður bíllinn
með fullkomnara myndavélakerfi
en áður, bæði fyrir akreinavara
og 360° myndavélina. Að utan eru
breytingarnar minniháttar og snú­
ast helst um dæmigerðar breytingar
á stuðara og grilli ásamt nýjum
díóðuljósum allan hringinn. Hægt
verður að panta bílinn strax þótt
nýjar gerðir hans muni ekki birtast
fyrr en á næsta ári.
Jagúar E-Pace fær
tvinnútfærslur
Tiltölulegar litlar breytingar eru á bílnum að utan en þeim mun meiri undir-
niðri með nýjum undirvagni og meira úrvali véla með tvinnútfærslum.
Tengiltvinnútgáfan
verður með 197 hestafla 1,5
lítra bensínvél og 107
hestafla rafmótor við
afturdrifið.
Reynsluakstur
Njáll
Gunnlaugsson
njall@frettabladid.is
M E N N I N G ∙ F R É T T A B L A Ð I Ð 27F I M M T U D A G U R 2 9 . O K T Ó B E R 2 0 2 0