Fréttablaðið - 29.10.2020, Blaðsíða 52

Anna Jóna Dungal hefur verið búsett í Berlín síðustu árin og starfar þar í músík­bra nsa nu m. Hú n byrjaði nýverið með
hlaðvarp þar sem hún fær til sín
góða gesti úr bransanum sem eru
búsettir í Berlín, en margir Íslend­
ingar úr listabransanum hafa flust
þangað búferlum síðustu árin.
„Bróðir minn bjó í Berlín þegar
ég var unglingur og á meðan ég var
í menntaskóla kom ég oft hingað í
heimsókn til hans. Ég varð ástfangin
af gróskunni í menningarlífinu og
hvað allt er einhvern veginn hrátt
og framkvæmanlegt.“
Saknar sundlauganna
Hún vill meina að það sé fjölbreyti­
leikinn, viðhorfið og einstök stemn­
ing sem laði að.
„Svo er auðvitað helsti kosturinn
við að búa í Berlín hvað það er ódýrt
að lifa og þess vegna hafa bæði lista­
fólk og sprotafyrirtæki sótt í borg­
ina. Gallinn er hins vegar að laun eru
í lægri kantinum en lífsgæðin sem
ég upplifi í Berlín eru miklu betri
en ég hef nokkurn tímann upplifað
á Íslandi, fyrir utan auðvitað yndis­
legu náttúruna okkar, jú og sund­
laugarnar,“ segir hún og hlær.
Anna Jóna flutti út þegar hún fékk
lærlingsstöðu hjá fyrirtækinu Sound
Diplomacy árið 2014.
„Við tóku mörg mismunandi tón­
listartengd verkefni þar til ég byrj­
aði að stunda nám við BIMM Berlin
háskólann árið 2016. Í honum lærði
ég svokallað Music Business en var
alveg á fullu meðan ég var í náminu.
Ég skipulagði tónleikahátíð, Berlin
Midsommar Festival, stofnaði og
rak mína eigin mánaðarlegu tón­
leikaröð, Basement Bash fyrir rokk­
og indí­bönd, kenndi námskeið
fyrir tónlistarfólk sem er að byrja í
bransanum, skipulagði tónsmíða­
búðir – og í raun bara allt sem ég
komst í. Eftir að hafa unnið verk­
efnatengt með Better Things í mörg
ár var mér svo boðið fullt starf hjá
þeim í miðju samkomubanni. Að
vera boðin draumavinnan þegar ég
var í algjöru vonleysi, atvinnulaus
heima á náttfötunum, var gjörsam­
lega ótrúlegt,“ segir hún.
Better Things er kynningar­ og
markaðsskrifstofa sem sérhæfir sig
í að kynna tónlist í Þýskalandi.
„Stofan hét áður Nordic by Nat­
ure, þar sem hún sérhæfði sig í að
kynna norrænar hljómsveitir en
á seinustu árum er kúnnahópur­
inn okkar orðinn svo alþjóðlegur.
Ég hef í mörg ár tekið að mér að
kenna námskeið á þeirra vegum og
í gegnum það verkefni gerðum við
okkur grein fyrir því hvað tónlistar­
fólk á oft erfitt með að ná utan um
öll þau tækifæri sem bjóðast. Þess
vegna byrjuðum við með Better
Independent verkefnið þar sem ég
er verkefnastýra,“ segir hún.
Að sögn Önnu er sjálfstætt starf­
andi tónlistarfólk sístækkandi
AÐ VERA
BOÐIN
DRAUMA-
VINNAN
ÞEGAR ÉG VAR
Í ALGJÖRU
VONLEYSI,
ATVINNULAUS
HEIMA Á
NÁTTFÖT-
UNUM, VAR
GJÖRSAMLEGA
ÓTRÚLEGT.
Fékk draumastarfið í
miðju samkomubanni
Nú á dögunum byrjaði Anna Jóna Dungal með nýtt hlaðvarp
en hún er búsett í Berlín þar sem hún starfar sem verkefnastýra
í músíkbransanum. Í hlaðvarpinu fær hún til sín tónlistarfólk og
spyr það spjörunum úr um tónlistina og bransann.
Tryggðu þér skemmtilegri vetur á stod2.is
Anna Jóna
segist sérstak-
lega sakna
sundlauganna á
Íslandi.
MYND/JIM KROFT
hópur innan bransans.
„Bransinn er sjálfur síbreytilegur
og því er okkar markmið að leið­
beina hverjum þeim sem vill kynna
sér allar þær mismunandi leiðir sem
eru í boði. Það er svo miklu auð­
veldara að skilja þegar maður sér
heildarmyndina.“
Einstakur miðill
Nú á dögunum byrjaði Anna Jóna
með hlaðvarpið Better Independ­
ent.
„Mér þykja hlaðvörp æðisleg
því þar er hægt að fara virkilega
ofan í kjölinn á málefnum. Í línu­
legu útvarpi þarf oftast að höfða til
flestra en þeir sem kjósa að hlusta á
Better Independent eru sérstaklega
með áhuga á viðfangsefninu og vilja
kafa dýpra. Þetta er líka frábær mið­
ill á tímum COVID­19 þar sem ég er
sjaldnast að hitta fólk í persónu.“
Anna Jóna segir ferlið hafa gengið
tiltölulega vel.
„Ég kunni ekki neitt á upptöku
og klippingu fyrr en við byrjuðum
með þetta verkefni í sumar. Það er
búið að vera skemmtileg áskorun
að henda fullkomnunaráráttunni
út um gluggann og læra jafnóðum.“
Fókus hlaðvarpsins verður blanda
af reynslusögum og ráðleggingum
frá sjónarhorni bæði listamanna og
bransafólks.
„Í næstu viku spjalla ég við Daða
Frey um hvernig hann náði þessari
velgengni en líka af hverju hann
kaus að vera sjálfstæður, hvernig
samninga hann er með og svo­
leiðis. Á komandi vikum fjöllum
við svo um alls konar málefni, til
dæmis hvernig skal nálgast sam­
félagsmiðla, hvernig „sync“ virkar,
hvort tónlistarfólk þurfi virkilega
á umboðsmanni að halda og margt
fleira,“ segir hún.
Draumur að fá Dolly og Billie
Samhliða hlaðvarpinu eru í boði
örnámskeið á netinu sem eru kölluð
Online Knowledge Sessions.
„Námskeiðin fara fram á ensku
og eru kennd í litlum hópum. Þau
eru hugsuð sem ítarleg greining og
stefnumörkun fyrir hvers konar tón­
listarfólk, hvort sem það er að byrja
ferilinn eða vill kynna sér nýjungar
á markaðinum. Eins og er bjóðum
við upp á námskeið þar sem fólki
er leiðbeint með plötuútgáfu og
hvernig best sé fyrir tónlistarfólk
að þéna pening núna á þessum for­
dæmalausu tímum.
Fleiri námskeið munu bætast við
á næsta ári. Svo ef fólk er með sér­
stakar spurningar eða pælingar þá
er alltaf hægt að bóka einkaráðgjöf,“
segir hún.
En hver væri hennar drauma-
gestur í hlaðvarpið?
„Draumurinn væri að fá Dolly
Parton og Billie Eilish saman í við­
tal,“ svara Anna Jóna án þess að
hugsa sig um.
Hlaðvarpið er hægt að nálgast á
better­things.berlin.
steingerdur@frettabladid.is
2 9 . O K T Ó B E R 2 0 2 0 F I M M T U D A G U R36 L Í F I Ð ∙ F R É T T A B L A Ð I Ð