Fréttablaðið - 29.10.2020, Blaðsíða 38

FÓTBOLTI „Það er auðvitað margt
sem spilar inn í, það hafa ekki
margir Íslendingar farið ungir út
til Ítalíu en velgengni Andra Fann­
ars á stuttum tíma hefur vakið
athygli og þá líta menn í sömu átt,“
segir Magnús Agnar Magnússon,
umboðsmaður á skrifstofu Stellar
Nordic, aðspurður hvernig megi
útskýra skyndilegan áhuga ítalskra
knattspyrnuliða á íslenskum
ungstirn um. Andri Fannar varð
fyrr á þessu ári sjötti Íslendingur­
inn til að leika í efstu deild á Ítalíu
fyrir hönd Bologna og er elstur
fjögurra Íslendinga hjá félaginu.
Félagið gekk frá kaupunum á Ara
Sigurpálssyni fyrr á þessu ári og
fékk Hlyn Frey Karlsson og Gísla
Gotta Þórðarson á láni frá Breiða­
blik, fyrr í þessum mánuði.
„Áður fyrr hefur Ítalía ekki verið
stór markaður fyrir Íslendinga.
Hvað olli því veit ég ekki, en þetta
er að breytast. Íslendingar eru dug­
legir, aðlagast vel og læra tungu­
málið þar sem þeir eru. Svo held ég
að flestir taki undir það að íslenskir
leikmenn eru liðsmenn, en ekki ein­
staklingsmiðaðir og það heillar. Ég á
von á því að fleiri lið horfi til Íslands
núna þegar þau sjá velgengni Norð­
urlandarbúa í deildinni.“
Albert Guðmundsson varð fyrsti
Íslendingurinn til að leika í efstu
deild ítalska boltans árið 1948.
Birkir Bjarnason á að baki 51 leik í
efstu deild á Ítalíu og Hörður Björg­
vin Magnússon tólf leiki, en Emil
Hallfreðsson hefur verið í sérflokki
á þeim báti með 178 leiki í Serie A.
Bologna er með fjóra efnilega
Íslendinga á sínum snærum, sem
ættu að sjá leið inn í aðalliðið eftir
velgengi Andra Fannars.
„Bologna finnst það hafa fengið
mikið fyrir peninginn í tilviki
Andra Fannars og hefur því leitað
á sama markað. Eitt leiðir af öðru
og þetta styrkir trú þeirra á leik­
mönnum frá landinu, líkt og sænska
félagið Norrköping sem hefur und­
anfarin ár sótt á íslenskan markað
með góðum árangri.“
Að mati Magnúsar er Ítalía
spennandi áfangastaður fyrir unga
og efnilega leikmenn, en hér hefur
helst tíðkast að leikmenn fari til
Englands, Hollands og Skandinavíu.
„Akedemíurnar þarna eru öflugar
og strákarnir sjá að það er mögu­
leiki að ná lengra með því að fara
út, sérstaklega þegar það virðist
vera leið inn í aðalliðin. Svo læra
þeir að vera atvinnumenn og standa
á eigin fótum. Ef þú stendur þig vel
á Ítalíu kemstu á radarinn hjá sterk­
ustu deildum heims, en ef hlutirnir
ganga ekki upp í akademíu hjá liði í
efstu deild ítalska boltans, er mjög
líklegt að lið í Serie B hafi áhuga og
lið í Skandinavíu.“
Aðspurður út í Andra Fannar,
sagði Magnús að hann hefði gripið
tækifærið með báðum höndum
þegar það gafst.
„Það var fram úr björtustu vonum
að honum tókst að brjótast inn í
aðalliðið á síðasta tímabili. Í knatt­
spyrnu þarf maður að vera réttur
maður á réttum stað. Hann komst
í leikmannahópinn, stendur sig vel
á æfingum og fékk tækifærið sem
hann nýtti til hins ýtrasta. Það getur
orðið dýrt ef illa gengur og leik­
maður fær aðeins eitt tækifæri, en
honum tókst að nýta það mjög vel.“
Í Serie B, næstefstu deild, eru
Birkir og Hólmbert Aron Friðjóns­
son hjá Brescia, Óttar Magnús
Karlsson og Bjarki Steinn Bjarka­
son hjá Venezia og Mikael Egill Ell­
ertsson hjá SPAL. Þá er Sveinn Aron
Guðjohnsen á láni hjá OB í Dan­
mörku frá Spezia sem komst upp í
Serie A fyrr á þessu ári.
kristinnpall@frettabladid.is
Bologna finnst það
hafa fengið mikið
fyrir peninginn í tilviki
Andra Fannars
og hefur því
leitað á
sama
markað.
Magnús Agnar
Magnússon, umboðsmaður hjá
Stellar Nordic
FÓTBOLTI Elías Már Ómarsson hefur
verið iðinn við kolann í marka­
skorun með liði sínu Excelsior í hol­
lensku B­deildinni í knattspyrnu
karla á þessu tímabili. Elías hefur
skorað 10 mörk í fyrstu níu deildar­
leikjum liðsins og tvö mörk í einum
leik í bikarnum.
„Það tók við nýr þjálfari um
mitt síðasta tímabil og við það
breyttist hlutverk mitt hjá liðinu.
Ég byrja f lestalla leiki uppi á topp
sem framherji og svo fer ég vana­
lega í tíuna þegar það við skiptum
um framherja í miðjum leik. Ég hef
leikið alla leiki nema tvo til enda á
þessari leiktíð og ég finn fyrir miklu
trausti frá þjálfarateyminu. Ég fæ þá
tilfinningu í hverjum leik að það sé
stutt í að ég muni skora og það er
erfitt að útskýra af hverju sú tilfinn­
ing kemur,“ segir Elías Már í samtali
við Fréttablaðið.
„Við erum með fínt lið en það er
engin krafa á það að fara upp um
deild þó við gætum það alveg. Félag­
ið er þannig rekið að hér eru ungir
leikmenn sem fara til stærri félaga
þegar það býðst og svo er nokkur
velta á lánsmönnum. Mér líður
mjög vel hérna en félagið veit það
vel að ég stefni á að spila í sterkari
deild á næstu tímabilum. Það er full­
ur skilningur á því en á meðan ég er
hérna er ég með fullu einbeitingu á
því að halda áfram að standa mig,“
segir sóknarmaðurinn sem skoraði
12 mörk síðasta vetur, níu þeirra
eftir áramót með nýjum þjáfara.
„Ég renn út á samningi hér næsta
sumar en félagið hefur rétt á því að
framlengja samninginn við mig.
Þeir vita hins vegar af því að ég hef
hug á því að fara í sterkari deild ef
það verður í boði. Það eru fá félög að
eyða miklum peningum í leikmenn
vegna kórónaveirufaraldursins
þannig að ég býst við því að klára
tímabilið hérna og sjá svo til hvern­
ig staðan verður næsta sumar,“ segir
hann um framtíðaráhorfur.
Umræða hefur verið um hvort
frammistaða Elías Más eigi að
skila honum sæti í íslenska lands­
liðinu. Keflvíkingurinn segist lítið
vera að velta því fyrir sér. „Eins og
alla íslenska knattspyrnumenn
dreymir mig um að spila reglulega
með landsliðinu. Ég hef hins vegar
ekki verið valinn í þó nokkurn tíma
og því er þetta ekki eitthvað sem ég
er mikið að pæla í þessa stundina.
Ef kallið kemur yrði ég auðvitað
of boðslega stoltur og ánægður en
á meðan þeir leikmenn sem eru að
spila standa sig jafn vel og þeir hafa
gert þá er ekki mikil ástæða til þess
að breyta,“ segir Elías um mögulegt
landsliðsval í framtíðinni. - hó
Metnaðurinn liggur til þess að færa mig yfir í sterkari deild
Keflvíkingurinn Elías Már Ómarsson hefur byrjað tímabili af miklum krafti
og er markahæstur í hollensku B-deildinni eftir níu leiki. FRÉTTABLAÐIÐ/GETTY
HANDBOLTI Evrópska handknatt­
leikssambandið samþykkti í gær
að fresta leik Íslands og Ísraels í
undankeppni Evrópukeppninnar
2020 að beiðni ísraelska handknatt­
leikssambandsins. Ekki hefur verið
fundin ný dagsetning fyrir leikinn.
Samkvæmt tölvupósti sem HSÍ
barst í gær var þessi ákvörðun tekin
vegna COVID­19 faraldursins. Ísra­
elar eigi erfitt með að koma hingað
til lands vegna ferðatakmarkana
og hættu á því að leikmenn liðsins
þurfi að fara í einangrun að leik
loknum.
HSÍ sendi kvörtun til EHF í gær
enda búið að leggja út töluverðan
kostnað vegna leiksins auk þess sem
afar óljóst er hvenær og hvort hægt
sé að spila leikinn. Þá má reikna
með töluverðum aukakostnaði við
að spila leikinn á nýrri dagsetningu.
Leik Íslands og Litháens hefur þó
ekki verið frestað, sá leikur verður
spilaður miðvikudaginn 4. nóvem­
ber kl. 19.45 í Laugardalshöll. – hó
Frestuðu þvert
á óskir HSÍ
FÓTBOLTI Manchester United er
búið að fara í framkvæmdir til að
geta tekið á móti allt að 23.500
áhorfendum á Old Trafford en bíður
enn leyfis frá breskum stjórnvöld­
um um að áhorfendur fái að mæta
á leiki á ný. Tæplega þriðja hvert
sæti yrði nýtt ef félagið fær heimild
til að hleypa áhorfendum inn á ný.
Félagið varð af mikilvægum tekjum
á síðasta ári þegar ákveðið var að
spila fyrir luktum dyrum vegna
kórónaveirufaraldursins.
Fyrr á þessu ári var vonast til þess
að félög á Englandi gætu fengið að
hleypa áhorfendum inn á vellina í
takmörkuðum fjölda í október líkt
og þekkist í nágrannalöndunum.
Boris Johnson, forsætisráðherra
Bretlands, virtist gera út um þær
vonir þegar hann sagði að takmark­
anirnar yrðu væntanlega í hálft ár
til viðbótar.
Í samtali við SkySports sagði
Coll etta Roche, framkvæmdastjóri
rekstrarsviðs hjá United (e. chief
operating officer) að félagið hefði
unnið eftir leiðbeiningum stjórn­
valda við að breyta vellinum til að
gæta fyllsta öryggis. Hluti þess væri
að hitamæla alla sem koma inn á
völlinn og skipuleggja mismunandi
tímasetningar sem hliðin opnuðu
til að tryggja fjarlægð milli stuðn­
ingsmanna fyrir utan völlinn. – kpt
Vilja 23 þúsund
á Old Trafford
Velgengni Andra styrkir trú
Ít ala á íslenskum leikmönnum
Alls eru níu Íslendingar á mála hjá ítölskum liðum þessa dagana, þar af fjórir hjá Bologna, þar sem Andri
Fannar Baldursson varð fyrr á árinu sjötti Íslendingurinn til að leika í efstu deild ítalska boltans. Um-
boðsmaður Andra segir velgengni hans hafa aukið áhuga annarra ítalskra liða á íslenskum leikmönnum.
Andri Fannar hefur komið inn á sem varamaður gegn Lazio og AC Milan í upphafi tímabilsins. FRÉTTABLAÐIÐ/GETTY
2 9 . O K T Ó B E R 2 0 2 0 F I M M T U D A G U R22 S P O R T ∙ F R É T T A B L A Ð I Ð
SPORT