Fréttablaðið - 11.12.2020, Blaðsíða 22

Jennifer Lopez upplýsir það í nýlegu viðtali við tímaritið InStyle þegar hún kynnti nýja
húðvörulínu sína, JLo Beauty, að
hún hafi aldrei látið sprauta sig með
bótoxi eða öðrum slíkum efnum.
Hún sé raunveruleg eins og hún er.
Eftir því er tekið hversu fallega og
hrukkulausa húð Jennifer hefur en
hún varð 51 árs í sumar. Jennifer
mætti í Zoom-viðtal í tilefni af nýju
snyrtivörulínunni hjá vefritinu
Page Six en öll helstu tískutímarit
heimsins hafa verið að fjalla um
hana. Nýju snyrtivörurnar koma á
markað í janúar 2021.
„Ég hef ekkert á móti bótoxi eða
öðru því sem fólk kýs að prófa.
Það er bara ekki fyrir mig. Ég er
meira fyrir náttúrulega nálgun á
húðvörum og forðast nálar,“ segir
hún.
Jennifer upplýsir í viðtalinu
að fyrrverandi kærasti hennar
hafi hvatt hana mjög til að prófa
hrukkueyðandi sprautur. „Ég var í
sambandi með honum um tvítugt.
Við fórum bæði til húðlæknis á
þessum tíma og minn benti mér á
að nota góð hreinsiefni og sólar-
vörn. „Ef þú passar upp á húðina
mun hún haldast heilbrigð,“
sagði hann. Læknir kærastans
sem hún heimsótti einnig hafði
allt aðra skoðun og spurði hvort
hún vildi ekki fylla upp í línu sem
sæist í andlitinu. „Ég var bara 23
ára,“ segir Jennifer. „Ég veit ekki
hvernig ég myndi líta út í dag ef ég
hefði farið að þessum fyrirmælum
og byrjað að fá mér bótox svona
ung,“ segir hún.
Jennifer segir að sitt helsta
leyndarmál varðandi húðina sé að
hún noti ólífuolíu. „Ég hef notað
ólífuolíu lengi og hún virkar mjög
vel. Einnig myndi ég hvetja alla
til að nota sólarvörn daglega, allt
frá unglingsárum. Sólarvörnin
verndar húðina,“ segir söngkonan
sem er að setja á markað sína eigin
vörn, andlitsmaska, hreinsiefni,
fæðubótarefni og f leira. Hún
notar að sjálfsögðu ólífuolíu í
vörur sínar. Hún segir ólífuolíuna
hafa verið fegurðarráð frá ömmu
sinni og móður fyrir heilbrigt og
glansandi hár, húð og neglur.
Söngkonan segist hafa hugsað
um það í tuttugu ár að skapa sína
eigin fegurðarlínu en ekki látið
af því verða fyrr. Vörurnar eru í
fallegum umbúðum og greinilega
mikið í þær lagt. Jennifer leggur
mikla áherslu á hollustu í fram-
leiðslu sinni og segir að með því
að nota sólarvörn undir förð-
unarvörur sé kominn lykillinn
að fallegri húð. Einnig nefnir hún
daglega hreyfingu og heilbrigðar
matarvenjur til að viðhalda ung-
legri húð.
Jennifer hefur komið víða við á
ferli sínum. Hún hefur gefið út sjö
hljómplötur og margoft komist
með lög sína á vinsældalista auk
þess að vinna til verðlauna á
Bandarísku tónlistarverðlaun-
unum.
Ólífuolían gerir gæfumuninn
Jennifer Lopez er sögð ein ríkasta stjarnan í Hollywood af suðuramerískum ættum. Hún er enda
fjölhæf leik- og söngkona, dansari og hönnuður. Jennifer er að setja á markað nýja snyrtivörulínu.
Það er ekki hægt að sjá að Jennifer Lopez sé 51 árs. Hún passar vel upp á
líkamann og dansatriði hennar vekja athygi. Þessi mynd var tekin 22. nóv-
ember í Los Angeles þegar Amerísku tónlistarverðlaunin voru kynnt.
Jennifer Lopez
segist aldrei
hafa farið í
bótoxfyllingu.
Hún sé með
svona góða húð
og þakkar það
ólífuolíu.
Shakira og
Jennifer Lopez
á tónleikum í
Miami á Flórída
í febrúar á
þessu ári.
FRÉTTABLAÐIÐ/
GETTY
Jay Lo hugsar vel um sig. Hún er
ávallt súper flott og í toppformi.
Elín
Albertsdóttir
elin@frettabladid.is
Þú færð
jólagjöf
prjónarans
hjá Maro
Hverfisgata 39
www.maro.is
4 KYNNINGARBLAÐ FÓLK 1 1 . D E S E M B E R 2 0 2 0 F Ö S T U DAG U R