Morgunblaðið - 11.05.2020, Síða 4

4 FRÉTTIRInnlent
MORGUNBLAÐIÐ MÁNUDAGUR 11. MAÍ 2020
Smiðjuvegur 10, 200 Kópavogur - Sími 588 60 70
hitataekni.is
Sjálfvirk, raka-og hitastýring, fer sjálfkrafa í gang þegar
ljós eru kveikt eða við hreyfingu í rými.
Klimat K7 er fjölnota vifta, þróuð
og framleidd í Svíþjóð.
– sjö viftur í einni
Ein sú hljóðlátasta á markaðinum (17-25 dB)
Snorri Másson
snorrim@mbl.is
Helga Guðmundsdóttir, 102 ára
gömul kona sem læknaðist á dög-
unum af COVID-19 eftir að hafa
smitast af veirunni á hjúkrunar-
heimilinu Bergi á Bolungarvík, hef-
ur nú vakið athygli erlendis.
Viðtal við hana birtist í vefriti
UNRIC (Upplýsingaskrifstofu Sam-
einuðu þjóðanna) á föstudag.
Kórónuveirufaraldurinn er ekki
fyrsti faraldurinn sem Helga upplifir
því hún gekk einnig í gegnum
spænsku veikina á sínum tíma, en
frændi hennar var til að mynda í
sóttkví á bæ Helgu þegar spænska
veikin gekk yfir.
Tveir heimsfaraldrar eru þó ekki
það eina sem Helga hefur gengið í
gegnum, því þegar sonur hennar var
tveggja vikna gamall smitaðist
Helga af berklum og varð að fara
suður á berklahæli. Hún hefur því
staðið ýmislegt af sér, tvo heimsfar-
aldra, berkla og tvær heimsstyrj-
aldir.
Hélt að þetta væru endalokin
„Ég hef upplifað það allt, er það
ekki?“ spyr Helga í viðtalinu.
Hún hefur búið á Bolungarvík alla
tíð frá því hún giftist þar Gunnari
Hirti Halldórssyni sjómanni og
verslunarmanni fyrir tæpum 70
árum.
Agnes Veronika Hauksdóttir,
barnabarn Helgu, kveðst hafa óttast
mjög um ömmu sína þegar hún var
veik af COVID-19.
„Þegar hún var komin með 38
stiga hita hugsaði ég: Þetta er búið.
En hún var síðan bara rúmliggjandi
í einn dag, þó að henni hafi orðið illt í
maganum. Hún er svo hörð af sér að
hún neyddi sig til að halda áfram að
drekka,“ segir Agnes í viðtali við
UNRIC.
„En hún er svo jákvæð mann-
eskja, síhlæjandi, og ég er viss um
að það hafi skipt máli við að komast í
gegnum þetta.“
Agnes var sjálf sjúkraliði í bak-
varðasveitinni á Bolungarvík og tók
þátt í að hjúkra þeim sem höfðu
veikst á Bergi.
Hefur upplifað það allt
 Læknaðist af veirunni og vekur athygli erlendis  Hefur
lifað tvo heimsfaraldra, tvær styrjaldir og berkla
Ljósmynd/Agnes Veronika
Hraust Helga Guðmundsdóttir er 102 ára en fagnar 103 ára afmæli 17. maí.
FRÉTTASKÝRING
Aron Þórður Albertsson
aronthordur@mbl.is
Flugfreyjur og flugmenn Icelandair
verða að taka á sig launalækkun
sem nemur á bilinu 50-60% ætli fé-
lagið sér að vera starfhæft til fram-
tíðar. Verður samningurinn að vera
gerður til fimm ára hið minnsta auk
þess að vera uppsegjanlegur að
hálfu Icelandair að þeim tíma liðn-
um. Að öðrum kosti er betra að
setja félagið í þrot og hefja endur-
reisn á nýrri kennitölu. Þetta segir
aðili sem kallaður hefur til sem ráð-
gjafi eins af stóru hluthöfum félags-
ins.
Að hans sögn verður að hugsa
kjarasamninga framangreindra
stétta upp á nýtt. Gríðarlegar tak-
markanir séu í samningunum sem
jafnframt geri félaginu afar erfitt
um vik í samkeppni við erlend lág-
gjaldaflugfélög. Þar þurfi að endur-
skoða atriði í samningunum er
varða hámark dagpeninga, for-
gangsrétt flugmanna í stöður og
önnur takmarkandi ákvæði.
Ganga verður mjög langt
Að sögn sama sérfræðings er
ekki hægt að ná framangreindu
fram án þess að stjórnendur Ice-
landair séu tilbúnir að setja félagið
í þrot. Ganga þurfi fram að ystu nöf
til að koma starfsmönnum félagsins
í skilning um alvarleika stöðunnar.
Ekki sé nóg að umræddar stéttir
taki á sig lítillegar skerðingar þeg-
ar félagið standi frammi fyrir því að
þurfa að safna fjárhæð er nemur
um þreföldu markaðsvirði þess.
Slíkt mun þess utan reynast afar
erfitt sýni stjórnendur Icelandair
hluthöfum ekki fram á að fyrir-
tækið sé samkeppnishæft á alþjóða-
vísu.
Félagið horfi nú fram á sam-
keppni við flugfélög á borð við
WizzAir, Ryan Air og Easy Jet, þar
sem kostnaður er umtalsvert lægri.
Til að mæta því standi félaginu ekk-
ert annað til boða en að lækka ein-
ingakostnað, og það verulega.
Ferlið geti tekið breytingum
Í samtali Morgunblaðsins við for-
svarsmenn hluthafa hefur komið
fram að möguleg fjárfesting í Ice-
landair þurfi að standast saman-
burð við erlend félög til að sett
verði aukið fé í reksturinn í vænt-
anlegu hlutafjárútboði. Þá hafa við-
mælendurnir sömuleiðis velt því
upp hvort hlutafjárútboð sé heppi-
leg leið við öflun þrjátíu milljarða
króna. Þar kunni aðrar leið á borð
við útgáfu breytanlegra skuldabréfa
að vera skynsamlegri nálgun, en
með því er fjárfestum veitt trygg-
ing af einhverju tagi. Þá er ekki tal-
ið ólíklegt að leiðir við fjármögnun
kunni að taka breytingum í ferlinu.
Ef núverandi áætlanir um hluta-
fjárútboð ganga eftir er ljóst að um
gríðarlega stórt útboð er að ræða á
íslenskan mælikvarða. Ljóst er að
sökum hárra fjárhæða verða fjár-
festar afar gagnrýnir þegar fram-
tíðaráætlanir félagsins verða lagðar
fram.
Horfa til þriggja atriða
Samkvæmt upplýsingum frá við-
mælendum Morgunblaðsins verður
einna helst horft til þriggja atriða
við ákvörðun um fjárfestingu.
Verða þau jafnframt skoðuð með
hliðsjón af því sem er að gerast hjá
öðrum erlendum flugfélögum.
Svara verður krafist um flotamál
Icelandair til framtíðar, ekki síst
þau atriði er snúa að samningum
félagsins um kaup á MAX-þotum
frá Boeing. Þá vilja fjárfestar
sömuleiðis fá upplýsingar um hvar
félagið hyggist staðsetja sig á
markaði og hvernig það sjái fyrir
sér að mæta samkeppni lággjalda-
flugfélaga. Stærsta atriðið verður
þó einingarkostnaður fyrirtækisins
og hvernig hann stenst samanburð
erlendis.
Viðræður halda áfram
Tilkynnt var um undirritun nýs
kjarasamnings milli Icelandair og
Flugvirkjafélags Íslands í gær.
Gildir samningurinn til 31. desem-
ber árið 2025.
Þá héldu viðræður Flugfreyju-
félags Íslands (FFÍ) og flugfélags-
ins áfram. Fundi var slitið á fjórða
tímanum í gær án undirritunar
samnings, en annar fundur hefur
ekki verið boðaður. Haft var eftir
Guðlaugu Líneyju Jóhannsdóttur,
formanni FFÍ, að samninganefnd
Icelandair krefðist þess að laun og
réttindi flugfreyja yrðu skert í nýj-
um kjarasamningi.
Í gær bárust sömuleiðis fréttir af
því að Félag íslenskra atvinnuflug-
manna hefði boðið samninganefnd
Icelandair tilboð sem fæli í sér
skerðingu kjara upp á 25%. Til-
lagan felur í sér lækkun launa og
aukið vinnuálag. Ekki hefur verið
tekin afstaða til tilboðsins.
Laun verða að lækka verulega
 Skerða verður laun flugfreyja og flugmanna Icelandair um 50-60%  Gjörbreyta þarf núverandi
kjarasamningum  Hugsanlega auðveldara að safna fjármagni með útgáfu breytanlegra skuldabréfa
Morgunblaðið/Eggert
Icelandair Ef ekkert verður að gert blasir gjaldþrot við félaginu, segir ráðgjafi eins af stóru hluthöfum Icelandair.
Ekkert nýtt kórónuveirusmit
greindist frá laugardegi til sunnu-
dags. Eru því 18 með virk smit, en
frá upphafi hefur 1.801 smit greinst
hér á landi. Þetta kom fram í tölum
á covid.is í gær.
Tveir á sjúkrahúsi
Á sýkla- og veirufræðideild Land-
spítalans voru 63 sýni greind, en
872 hjá Íslenskri erfðagreiningu.
1.773 hafa náð sér af kórónuveir-
unni hérlendis. Tveir liggja á
sjúkrahúsi en enginn er á gjör-
gæslu. Tíu eru látin af völdum CO-
VID-19.
Alls hafa 54.195 sýni verið tekin
og 578 eru í sóttkví en 19.641 hefur
lokið sóttkví.
Almannavarnadeild ríkislögreglu-
stjóra boðaði ekki til upplýsinga-
funda fyrir blaðamenn á laugardag
og sunnudag en næsti fundur verð-
ur haldinn klukkan 14 í dag.
18 eru með virk smit
1.773 hafa náð bata
1.801 smit voru
staðfest í gær kl. 13.00
10 einstaklingar eru látnir
19.641 hafa lokið sóttkví
578 eru í sóttkví
2 einstaklingar eru á sjúkrahúsi,
enginn á gjörgæslu
0 ný smit tilkynnt í gær
18 einstaklingar eru með virkt smit og
eru í einangrun