Morgunblaðið - 11.05.2020, Síða 20

20 MINNINGAR
MORGUNBLAÐIÐ MÁNUDAGUR 11. MAÍ 2020
Elsku afi.
Þegar ég fór að
hugsa hvað ég ætti
að skrifa rifjuðust
upp margar
skemmtilegar minningar og
kom alltaf betur í ljós hversu
mikið ég leit upp til þín og hvað
mér fannst þú alltaf flottur, allt
frá barnæsku þar til dagsins í
dag. Það er mér mjög dýrmætt
að hafa átt sömu áhugamál og
þú, sem voru laxveiðar og síðar
golf. Það gerði það að verkum
að við áttum margar gæða-
stundir saman síðustu árin að
gera það sem okkur fannst
skemmtilegast.
Afi kenndi mér að veiða þeg-
ar ég var ungur strákur og fór-
um við ófá skipti saman í veiði-
ferðir. Síðustu árin var það
orðið árlegt hjá okkur og eitt af
því sem ég hlakkaði mest til á
hverju ári. Í einni af síðustu
ferðum okkar gekk ég niður
með ánni og sá hann liggjandi
við árbakkann eins og Jesú
krossfestan með veiðistöng í
hendi. Ég vissi ekki hvort hann
væri lífs eða liðinn og óð ég yfir
Þorvaldur Jónsson
✝ Þorvaldur Jóns-son fæddist 17.
júní 1936. Hann and-
aðist 29. apríl 2020.
Þorvaldur var
jarðsunginn 8. maí
2020.
ána til að athuga
hvort það væri
ekki örugglega í
lagi með hann. Það
var auðvitað í góðu
lagi með gamla,
hann var bara að
njóta staðar og
stundar og þess að
vera til. Held það
hafi verið þá sem
ég áttaði mig á að
það væru kannski
ekki margar veiðiferðir eftir.
Það var bara ein leið til að
eiga fleiri stundir saman og það
var að byrja í golfi. Afa fannst
ekkert skemmtilegra en að spila
golf síðustu árin. Hann hafði oft
reynt að telja mér trú um að
byrja en það var þarna sem ég
sá ástæðu til þess. Ég hafði
ótrúlega gaman af því að spila
golf með afa, því þegar ég spil-
aði með honum snerist þetta um
að njóta en ekki að keppa. Ég
hef reynt eftir bestu getu að til-
einka mér það og þá þolinmæði
sem hann hafði á vellinum.
Þegar við töluðum saman í
síðasta skipti óraði mig ekki fyr-
ir því að þetta yrði síðasta sam-
tal okkar. Ég hefði viljað segja
svo margt við þig, elsku afi.
Ég mun sakna þín mikið og
minningarnar mun ég varðveita
að eilífu.
Þinn
Arnar.
Afi, þú varst mér svo kær, ég
er svo þakklát fyrir að hafa
fengið að leika mér í Sandá,
borða einn af þessum risastóru
löxum sem þú veiddir, leika
mér á Syðra-Fjalli og fá að
eyða tíma þar eins mikið og ég
vildi. Þú varst svo heilbrigður
og ungur í eðli þínu. Ég bjóst
aldrei við því að þú myndir fara
frá okkur svona snemma. Þú
varst stoltur af öllum ungunum
þínum og fyrir þig verð ég allt-
af þakklát.
Ég ætla að vera alveg eins
og þú þegar ég verð komin á
þinn aldur, gera það sem mér
finnst skemmtilegast, leika
mér að lífinu, njóta þess að
vera til og deyja sátt.
Takk fyrir að ala mömmu
mína svona vel upp, þrátt fyrir
að hafa misst ömmu svona
snemma. Ég vona að þú hittir
ömmu, að þið séuð saman á
himnaríki og finnið fyrir ást,
umhyggju og friði.
Ég á eftir að sakna þín að ei-
lífu.
Þín
Birta Þöll.
Loks beygði þreytan þína dáð,
hið þýða fjör og augnaráð;
sú þraut var hörð – en hljóður nú
í hinsta draumi brosir þú.
(Jóhannes úr Kötlum)
Kær vinur er kvaddur í dag.
Við höfðum tvenns konar
áhugamál sem leiddu okkur
saman, en það var golfið og AA-
fundirnir, hvort tveggja gaf
okkur mikla lífsfyllingu og úr
varð einlæg vinátta sem ég
mun sakna mjög.
Fullur þakklætis fyrir
gengnar stundir mun ég leyfa
hlýjum minningum að græða
sárin.
Sorg og eftirsjá hreiðrar um
sig í brjóstinu svo undan svíð-
ur, en fullvissan um að hann lif-
ir þar sem ljósið ekki deyr létt-
ir sorgina.
Við hittumst í landinu
þangað sem fuglasöngurinn fer,
þegar hann hljóðnar.
(Jökull Jakobsson)
Hendrik (Binni).
Ég varð þeirrar gæfu aðnjót-
andi að kynnast Þorvaldi. Ég
man ennþá eftir því þegar ég
mætti í Hafnarhúsið á skrif-
stofu Þorvaldar Jónssonar
skipamiðlara.
Árið var 1997 og ég átti að
aðstoða við bókhaldið, sem ég
hafði reyndar lítið vit á á þeim
tíma. Ég þekkti hann lítið þá,
hafði eingöngu hitt hann
nokkrum sinnum en hann var
mágur pabba míns og pabbi
Únnu og Elsu, sem eru frænk-
ur mínar. Þetta var mér þvílíkt
gæfuspor, því næstu níu árin
vann ég hjá honum, alveg þang-
að til skrifstofunni var lokað í
janúar 2006. Þorvaldur var ein-
stakur maður, harður en sann-
gjarn í viðskiptum og þvílíkt
ljúfmenni. Hann kenndi mér
svo margt og leyfði mér að
prófa hitt og þetta í vinnunni,
þannig að ég varð reynslunni
ríkari. Hann hvatti mig líka
áfram í námi sem ég stundaði
með vinnu og verð ég honum
ævinlega þakklát fyrir það.
Mikið var það sárt þegar ég
frétti af þér inni á spítala, ég
hélt alltaf í vonina að þú mynd-
ir koma sterkur til baka en svo
brotnaði ég niður morguninn
29. apríl þegar mamma hringdi
í mig og lét mig vita að þú vær-
ir allur. Síðustu daga hef ég
mikið hugsað til þessara ára
hjá þér í Hafnarhúsinu, þú
varst í svo miklu uppáhaldi hjá
mér. Ég man eftir öllum papp-
írsstöflunum á skrifborðinu
þínu, þar sem þú sagðir að allt
væri í röð og reglu og allt gastu
fundið, þetta var bara spurning
um að kunna að leita. Ég man
eftir smitandi hlátrinum þínum
og allri veiðidellunni. Ég man
þegar þú fékkst fyrsta golfsett-
ið frá börnunum þínum og þú
ætlaðir sko alls ekki að eyða
tímanum þínum í golfi en síð-
ustu árin þín hef ég nær ein-
göngu heyrt af þér á golfvell-
inum, þar voru þínar bestu
stundir. Ég man eftir vínar-
brauðinu og kleinunum, þegar
þú sagðir:
„Brynja mín, þú veist ekki af
hverju þú ert að missa, verður
að fá þér ostsneið á kleinuna“
og að sjálfsögðu var það rétt
hjá þér. Í dag fæ ég mér ennþá
kleinu með smá osti.
Ég veit að Anna tekur vel á
móti þér og hugsar vel um þig.
Börnum, barnabörnum og
barnabarnabörnum votta ég
samúð mína. Minning um
yndislegan mann mun lifa í
hjörtum okkar allra. Þín
Brynja Steinsen.
✝ Skjöldur Jóns-son fæddist 12.
desember 1932.
Hann lést 25. apríl
2020 á Hjúkrunar-
og dvalarheimilinu
Hlíð á Akureyri.
Foreldrar hans
voru Jón Jónasson
frá Kjarna, f. 18.
janúar 1874, d. 3.
september 1935, og
Baldvina Guðlaug
Baldvinsdóttir frá Árgerði í
Svarfaðardal, f. 14. apríl 1899,
d. 27. apríl 1967.
Systkini Skjaldar eru Kristín,
Birna og Þórhallur, öll látin.
Hálfsystkini Skjaldar sam-
mæðra eru Ottó og Anna, bæði
látin. Hálfsystkini samfeðra eru
Ólöf, Hallgrímur, Lára, Sig-
ríður, Jónas Geir og Aðalbjörg
Guðrún, öll látin.
Þann 10. nóvember 1956 gift-
ist Skjöldur Hrefnu Valtýs-
Börn þeirra eru Matthías Þór,
Michael Þór, Marteinn Már og
Perla Sól. Synir Sverris og Örnu
Heiðarsdóttur (skilin) eru Ottó
og Sölvi Rafn.
Langafabörnin eru 10.
Skjöldur fæddist á Akureyri
og bjó þar nánast alla tíð, ólst
upp í Innbænum og kallaði sig
alltaf Innbæing. Hann setti
snemma mark sitt á íþróttalífið í
bænum, var gegnheill KA-
maður og sinnti verkefnum fyrir
félagið af miklum dugnaði og
óeigingirni. Hann starfaði
einnig fyrir Skautafélag Akur-
eyrar, sem og Golfklúbb Akur-
eyrar. Skjöldur starfaði lengst
af hjá Slippstöðinni hf. á Akur-
eyri sem birgðastjóri en síðustu
starfsárin starfaði hann sem
umsjónarmaður í Glerárskóla
og Brekkuskóla á Akureyri.
Skjöldur verður jarðsunginn
frá Akureyrarkirkju 11. maí
klukkan 13.30 og í ljósi að-
stæðna verða eingöngu nánustu
aðstandendur viðstaddir en
streymt verður frá athöfninni.
dóttur, f. 6. janúar
1935. Foreldrar
hennar voru Stef-
anía Guðjóns-
dóttir, d. 1983, og
Valtýr Aðalsteins-
son klæðskeri, d.
1990. Börn Skjald-
ar og Hrefnu eru
1) Valgerður Stef-
anía, f. 6. janúar
1956, maki Gunnar
Austfjörð, f. 1949.
Börn Valgerðar og Halldórs Ara
Brynjólfssonar (skilin) eru Hall-
dór Birgir, Þórdís Hrönn og Sig-
rún Vala. 2) Baldur Reynir, f. 2
júlí 1957, barn Baldurs og
Sigurlaugar Jónsdóttur, d. 2005,
er Edda Karítas. 3) Sólveig
Björk, f. 13. júní 1961, maki
Magnús Viðar Arnarsson, f.
1960, dætur þeirra eru Hildur
Arna og Hrefna Rún. 4) Sverrir,
f. 22 mars 1963, maki Brynhild-
ur Björg Stefánsdóttir, f. 1969.
Deyr fé,
deyja frændur,
deyr sjálfur ið sama;
en orðstír
deyr aldregi,
hveim er sér góðan getur.
(Úr Hávamálum)
Pabbi okkar var ákaflega
félagslyndur og gegnheill maður,
sem kom víða við á leið sinni.
Íþróttir skipuðu stóran sess í
huga hans alla tíð og hann var
KA-maður í húð og hár. Hann
var fjölhæfur frjálsíþróttamaður
og keppti í þeim í nær 20 ár.
Hann keppti í nær öllum hlaupa-
greinum og mörg met féllu.
Hann var líka oft á verðlauna-
palli fyrir þrístökk og spjótkast.
Annað áhugamál pabba var
körfubolti, en þegar hann kom
heim til Akureyrar frá vinnu sem
„truckdriver“ á Keflavíkurflug-
velli ásamt vini sínum 1953 komu
þeir með körfuboltann með sér
og rifu upp iðkun hans á Ak-
ureyri og til varð öflugt og sig-
ursælt körfuboltalið KA. Pabbi
var síðan liðsstjóri og forystu-
maður körfuboltadeildar KA
næstu árin. Eftir að keppnisferl-
inum lauk sinnti pabbi margvís-
legum trúnaðarstörfum fyrir KA
og átti sæti í aðalstjórn nokkur
tímabil. Hann starfaði einnig af
dugnaði við framkvæmd móta og
viðburða á vegum KA um ára-
tugaskeið, gjarnan með skeið-
klukku eða málband í hönd.
Hann hlaut silfurmerki félagsins
fyrir óeigingjarnt starf í þágu
þess. Pabbi starfaði einnig mikið
fyrir Skautafélag Akureyrar og
var á kafi í skautunum eins og
aðrir Innbæingar á yngri árum.
Snemma var hann fenginn til að
halda utan um mótin og var
mótsstjóri á fjölmörgum mótum
Skautafélagsins allt til Vetrar-
íþróttahátíða ÍSÍ 1970 og 1980. Á
fullorðinsárunum sneri pabbi sér
að golfinu og stundaði þá íþrótt
sér til ánægju og yndisauka í
mörg ár með félögum sínum.
Hann stofnaði innan fjölskyld-
unnar Skjaldarmótið í golfi þar
sem keppt var um farandbikar
mótsins og sigurvegarinn fékk
nafnið sitt grafið á bikarinn.
Pabbi var vinamargur og átti
stóran og þéttan vinahóp sem
hittist oft og ýmislegt var brall-
að. Þeir festu m.a. kaup á jörð í
Skagafirði og nutum við þess
fjölskyldan að dvelja þar, ásamt
vinafjölskyldunum, margar helg-
ar á sumrin við leiki, veiðar og
önnur skemmtilegheit. Pabbi
hafði gaman af ræktun ýmiss
konar, ræktaði kartöflur í ára-
tugi og gulræturnar og jarðar-
berin voru á sínum stað á bak við
bílskúrinn. Á vorin fylltust
gluggakisturnar í Beyki-
lundinum af blómapottum sem
búið var að sá í og þegar blómin
uxu flutti hann þau út í gróð-
urhús þar sem hugsað var um
þau af natni um sumarið og oftar
en ekki voru nýafskornar rósir
eða dalíur í blómavösum inni við.
Pabbi var duglegur að stússast í
kringum áhugamál okkar krakk-
anna og studdi okkur með ráðum
og dáð. Hann fylgdi okkur á
íþróttaæfingar og mót og starf-
aði þá gjarnan á mótunum. Hann
var brennustjóri við hverfis-
brennuna á Gamlárskvöld í
nokkur ár og var mikill metn-
aður lagður í að hafa flottustu
brennuna í bænum. Svo þegar
afabörnin komu hvert af öðru var
hann ákaflega natinn við þau,
alltaf til í að passa og ekki ósjald-
an tekinn ísrúntur, gjarnan um
Innbæinn þar sem hann þekkti
hvern krók og kima og sagði
sögur. Elsku pabbi okkar, nú er
komið að leiðarlokum, takk fyrir
allt og allt. Við söknum þín.
Valgerður, Baldur,
Sólveig og Sverrir.
Elsku afi Skjölli.
Nú er komið að kveðjustund.
Þú varst yndislegur afi og það er
erfitt að sætta sig við að þú ert
ekki hjá okkur lengur. Þú varst
höfðingi heim að sækja og alltaf
var jafn gott að koma í Beykil-
undinn, þar sem manni var tekið
opnum örmum og við elskuðum
að fá að gista. Nærvera þín var
einstök, okkur leið alltaf vel í
kringum þig og þú sinntir okkur
barnabörnunum af hvílíkri natni.
Þú lékst við okkur, við fengum
að stússast með þér í garðinum,
taka upp glænýjar gulrætur eða
kartöflur, dýfa rabarbara í sykur
og við vorum einstaklega heppin
þegar jarðaberin voru orðin
nógu þroskuð til að borða með
sykri og rjóma.
Minningarnar streyma fram
þessa dagana. Allir bílrúntarnir
um Innbæinn þar sem þú ólst
upp og sagðir sögur um öll húsin
í götunni og alla fróðleiksmolana
um Innbæinn. Þegar þú skrappst
út án þess að segja neinum og
komst heim með ís úr bleiku búð-
inni. Þegar við máttum renna
okkur á dýnu niður tröppurnar
inn í stofu, dansa í kringum jóla-
tréð og gera laufabrauð saman.
Ekki getum við gleymt lautar-
ferðunum á klappirnar að tína
golfkúlur, endalausum felu-
leikjum, vatnssulli og fótbolta í
garðinum. Allir sem þekktu þig
vita hversu stóran sess KA skip-
aði hjá þér og gleðin leyndi sér
ekki þegar við systurnar nældum
okkur báðar í örvhenta KA-
menn.
Söknuðurinn er mikill, þú hef-
ur alla tíð skipað stóran sess í
okkar lífi og er Skjölli bangsi
einna helst til marks um það, en
hann er aldrei langt undan. Við
vermum okkur við minningarnar
og þú munt fylgja okkur í hjarta
alla tíð.
Hildur Arna og Hrefna
Rún Magnúsdætur.
Skjöldur Jónsson
Maðurinn minn,
SIGTRYGGUR ELLERTSSON
Suðurhólum 24,
lést á líknardeildinni Kópavogi 29.apríl.
Útförin hans hefur farið fram í kyrrþey.
Fyrir hönd barna okkar,
barnabarna, langafabarna, systur hans og tengdadóttur,
Brynhildur Friðriksdóttir
Ástkær faðir, bróðir, sonur, afi og
tengdafaðir,
GUNNAR JAKOB HARALDSSON
lést á heimili sínu laugardaginn 3. maí.
Vegna aðstæðna verður fjöldi viðstaddra
takmarkaður.
Útförin fer fram frá Bústaðakirkju 13. maí klukkan 13 og verður
streymt af Facebook-síðu Gunnars.
Guðbjörg Gunnarsdóttir
Haraldur Óli Gunnarsson Rakel Sófusdóttir
Hildur Björg Gunnarsdóttir Gunnlaugur Máni Hrólfsson
Faðir okkar, tengdafaðir
og afi,
PÉTUR VALBERG JÓNSSON
Sveinsstöðum
í Mýrasýslu
lést í Brákarhlíð, Borgarnesi, 30. apríl.
Í ljósi aðstæðna fer útförin fer fram í kyrrþey
12. maí. Þökkum auðsýnda samúð og
hlýhug.
Einar Páll Pétursson Rósa Konný Jóhannesdóttir
Nellý Pétursdóttir
Svanhvít Pétursdóttir Björn Steinar Grétarsson
Helga Pétursdóttir Bjarki Guðbjartsson
og barnabörn
Ástkær eiginkona mín, móðir okkar,
tengdamóðir, amma og langamma,
ÞÓRUNN ÞORVALDSDÓTTIR
hjúkrunarfræðingur,
Mánatúni 4,
sem lést 2. maí sl., verður jarðsungin frá
Áskirkju föstudaginn 15. maí kl. 15.00 að
viðstaddri nánustu fjölskyldu.
Þeim sem vildu minnast hennar er bent á styrktarreikning
Fríðuhúss: 515-14-408833, kt. 440101-3580.
Ingimundur K. Ingimundarson
Hafdís Ingimundardóttir Þórir B. Guðmundsson
Ólöf Ingimundardóttir Þorvaldur G. Geirsson
Ingimundur Þ.
Ingimundarson
Sigríður A. Sigurðardóttir
S. María Ingimundardóttir Friðgeir Halldórsson
Þorvaldur Ingimundarson Rós Guðmundsdóttir
barnabörn og barnabarnabörn
Formáli | Minningargreinum fylgir formáli sem nánustu aðstandend-
ur senda inn. Þar koma fram upplýsingar um hvar og hvenær sá sem
fjallað er um fæddist, hvar og hvenær hann lést og loks hvaðan og
klukkan hvað útförin fer fram. Ætlast er til að þetta komi aðeins fram í
formálanum, sem er feitletraður, en ekki í minningargreinunum.
Myndir | Hafi mynd birst í tilkynningu er hún sjálfkrafa notuð með
minningargrein nema beðið sé um annað. Ef nota á nýja mynd skal
senda hana með æviágripi í innsendikerfinu. Hafi æviágrip þegar verið
sent er ráðlegt að senda myndina á netfangið minning@mbl.is og láta
umsjónarmenn minningargreina vita.
Minningargreinar