Fréttablaðið - 06.01.2021, Qupperneq 33

Pantanir í síma 578-0100
2.HÆÐ - FJÖRÐUR VERSLUNARMIÐSTÖÐ | RIF.IS
TAKE AWAY TILBOÐ
Premium vængir 1.032 kr
Fish and chips (2 bitar) 1.752 kr
Tríó 1.912 kr
Beikonborgari 2.072 kr
El Paso salat 2.152 kr
Súkkulaðikaka 1.032 kr
Forréttur
Réttir
Eftirréttur
20%afsláttur
Rósa Gísladóttir er fyrsti verðlaunahafi Gerðar­ve r ðl au n a n n a , e n Gerðarsafn í Kópavogi veitir þau til heiðurs Gerði Helgadót t u r
myndhögg vara (1928–75). Þau
munu verða veitt árlega framúr­
skarandi myndlistarmanni sem
vinnur í skúlptúr og gerir rýmis­
verk.
Í áliti dómnefndar segir: „Verk
Rósu eru könnun á geometríu
og klassískri formgerð með vís­
unum í arkitektúr og rússneskan
konstrúktiv isma. Skúlptúrar henn­
ar spila á mörkum þess klassíska og
nútímalega jafnframt í fagurfræði
og efnisnotkun.“
Samspil birtu og skugga
„Það er alltaf gaman að fá viður­
kenningu, þetta er mjög óvænt og ég
er afskaplega glöð,“ segir Rósa „Það
er mikill heiður að fá að tengjast
list Gerðar. Hún var afar öf lugur
myndhöggvari og verk hennar hafa
staðist tímans tönn. Mér finnst
ánægjulegt að Gerðarsafn skuli
stofna til verðlauna sem eru kennd
við hana. Ég fagna því sömuleiðis að
Gerðarsafn hafi haldið sýningaröð
með yfirskriftinni Skúlptúr / skúlp­
túr þar sem ungt fólk sem vinnur í
skúlptúr fær tækifæri til að sýna
verk sín.“
Spurð hvað hún sé að fást við í
verkum sínum segir Rósa: „Ég er
mjög upptekin af formum og form­
gerð. Ég reyni að sýna þau í nýju
ljósi og frá óvæntu sjónarhorni og ég
hef alltaf unnið með samspil birtu
og skugga. Ég er á vinnustofunni að
vinna og allt í einu verður eitthvað
til og ég hugsa með mér: Þarna er
eitthvað! Það er mikilvægt að koma
auga á það sem sker sig úr og skapar
spennu milli efnis og forms til að úr
verði sterk fagurfræðileg upplifun.
Sömuleiðis er mikilvægt að sjá hvað
ekki gengur upp.“
Skúlptúrar úr úrgangsplasti
Rósa vinnur í alls kyns efni, svo
sem leir, gifs, jesmonite, málm, tré
og gler. „Um síðustu aldamót vann
ég skúlptúra úr úrgangsplasti,
nýtti tómar jógúrtdósir og steypti
eins konar steingervinga úr gifsi
og síðan bjó ég til stórar upplýstar
súlur úr plastf löskum og lituðu
vatni. Í höggmyndalistinni eins og
annarri myndlist heillast listamenn
oft af einstökum efnum á vissum
tímabilum. Þarna var ég að vinna
plast sem merkingarbært og tákn­
rænt efni en jafnframt með gagnsæi
plastsins og áhrif litar og ljóss.“
Aðspurð segist Rósa vera að
vinna að ýmsum verkefnum: „Á
síðustu árum hef ég unnið með
fjórðu víddina og neikvætt rými,
í anda rússnesku konstrúktiv­
istanna á fyrri hluta 20. aldar. Á
árinu sem var að líða gerði ég verk
fyrir Byggðastofnun. Þeir héldu
samkeppni um listaverk fyrir nýtt
húsnæði stofnunarinnar á Sauðár­
króki þar sem mín tillaga var valin.
Þar útfærði ég þessar hugmyndir
og notaði trélista og litað gler til
að fanga sólarljós, birtu og skugga.
Mig langar til að halda áfram á
þessari braut.“
Langar til að halda áfram á þessari braut
Rósa Gísladóttir er fyrsti verðlaunahafi Gerðarverðlaunanna sem kennd eru við Gerði Helgadóttur. Gerir
skúlptúra sem spila á mörkum þess klassíska og nútímalega. Hún segir viðurkenninguna vera óvænta.
Kolbrún
Bergþórsdóttir
kolbrunb@frettabladid.is
Verk eftir Rósu voru á sýningu í Róm árið 2012. MYND/AÐSEND Í verkum sínum er Rósa upptekin af formum og formgerð. FRÉTTABLAÐIÐ/STEFÁN
ÞAÐ ER MIKILVÆGT
AÐ KOMA AUGA Á ÞAÐ
SEM SKER SIG ÚR OG SKAPAR
SPENNU MILLI EFNIS OG FORMS
TIL AÐ ÚR VERÐI STERK
FAGURFRÆÐILEG UPPLIFUN.
M E N N I N G ∙ F R É T T A B L A Ð I Ð 17M I Ð V I K U D A G U R 6 . J A N Ú A R 2 0 2 1